甜入心 (Closed)

係時候啟動另一個胃啦！店內環境不錯，枱與枱之間濶落，坐得舒適。店舖亦很貼心，放上免費的自助英式果茶給客人品嚐。甜入心的甜品選擇非常多，有凍食的，有熱食的，有傳統的紅豆沙芝麻糊等，亦有新派的雪糕窩夫，心太軟等，還有碗仔翅及魚蛋等鹹點，啱晒不同人的口味。而我就叫了一個令人喜惡分明的甜品 – 榴槤飄香椰皇子。原個的椰皇配上新鮮的榴槤及以椰皇水整成的椰皇啫喱，令人賞心悅目。5月是食榴槤的合時季節，所以所配上的榴槤肉又香又甜又美味，而且分量亦多；而以椰皇水整成的椰皇啫喱，清潤得來又美味；然後叫了一個公主出巡，入面有意式奶凍、芒果肉、芒果雪糕及粟米片。意式奶凍滑溜，芒果肉新鮮，配上又圓又大又冰凍的芒果雪糕，都不錯。友人貪得意，見到有鹹點叫，就叫了一碗碗仔翅，碗仔翅上枱熱辣辣，很有媽媽的味道。

今晚同家人行去食萬發的途中被甜入心的外觀吸引住，立馬拎張宣傳單睇睇。食飯途中看宣傳單中的甜品好吸引，決定了晚後一定要一試。大概晚上8點幾入去不用排隊，點了一人一個甜品。

都係見朋友去食過，就決定黎亲身試下！之前上網睇地圖，知道門口有咪標位，都適合揸車嘅朋友仔去喎！不過今晚10點幾去到，門口位都full哂！而門口亦有約4-6人等緊位了，即刻拎张飛先，二人枱第二张到！等位期间亦幸運地等到門口泊位了！入到去都爆满人了，坐位確係迫左小小！睇左餐牌好耐先決定到食咩！！！最终叫左個小矮人分子椰皇子同公主出巡！！！個椰皇子的確好過引，用椰青水整成一粒粒嘅啫喱，感觉好得意，我地今次要暖暖地嘅，連埋個布丁一齊食嘅感覺好滑好暖粒粒，味道勁夾呀！！另外個公主出巡都真係好正！個意大利奶凍好奶！好啱本小姐口味，連埋芒果肉同汁一齊食，爽！！仲要食極都唔完咁，食到底仲有好大個奶凍！！！抵食哦！