肉餅哥小炒料理 (Closed)

係佢未成為入選熱店果陣已經想黎試架啦，只怪荃灣好多野都想試，再加上佢個地方唔算好方便，所以一直拖；今日去開附近，終於可以試一試落左柯打之後，職員就送上兩碗冬瓜湯湯甜，唔會太鹹，亦都唔似係味精湯煎秘制金沙蛋黃肉餅 ($69) 配白飯呢個上枱上得好快，落左柯打大概三分鐘就上枱，即係一直煎定左…如果介意唔係熱辣辣即叫即整既朋友，最好唔好叫熱門款啦肉餅雖然只係溫，但邊位仍然有少少脆身；肉餅淋身唔乾，不過肉味已經比蛋黃蓋過左，因為鹹蛋黃真係十級香!! 啖啖都係蛋黃味，齒頰留香!~而且蛋黃層同肉餅層係一比半，可想而知蛋黃分量有幾多如此下飯的肉餅，導致唔夠飯蒸墨汁魷魚肉餅 ($69) 配菜飯(+$2)呢個新鮮蒸出，等左差唔多兩個字左右肉餅望落比較單調，只有蔥花點綴，比金沙蛋黃平凡得多，亦較薄身但其實味道唔錯；肉餅除左豬肉粒之外，仲有魷魚粒，熟左既魷魚變得彈牙，為肉餅添加左口感，亦試得出有微微既魷魚味肉餅肉質比金沙既更淋身，肉汁更多值得一提既係菜飯好香好好食，唔加其他餸其實已經可以食哂佢；朋友話下次佢都要轉菜飯，因為白飯太爛太濕總結，一個餐既分量比較少，如果男仔食既話其實唔夠；肉餅種類係有好多，但本人

早前朋友說起近期大熱的肉餅哥有多好味道，心已有想一試的衝動，可惜地點唔多就腳；今日約了朋友在大窩口地鐵站等，交收完後朋友便怱怱的走了，正好在附近，今晚就決定一個人來試試吧。這裡在荃灣站和大窩口站之間，兩邊行來也要走一段路程，而且附近沒有什麼食店；我由大窩口地鐵站B出口，經過行人天橋過到對面街，再經過公園就會見到悅來酒店，經過酒店後由「關門口街」繼續直落，在不遠處就會見到今晚的目的地。門外正介紹新口味「足三兩花膠肉餅」，看外貎又真係幾吸引。食店裝修有點似台灣的小店，懷舊的大時鐘，大大張相介紹唔同的肉餅飯，木製的枱椅，感覺也幾舒服。今晚所見，未到七時，已坐滿一半人客，真是不能少看。冬瓜湯～一坐下，侍應便立刻拿來一碗湯，味道清甜，一飲就知是真材實料，冬瓜煲得好淋，但湯水分量真係比較少，有點到喉唔到肺的感覺。😅看過餐牌，實在有點眼花撩亂，選擇太多（36種），還是叫門外介紹的新口味，花膠肉餅菜飯吧。足三兩花膠肉餅$98（菜飯+$2）～肉餅可選擇用煎的或是用蒸的，本來煎的一定更好味，奈何最近有點熱氣，還是選擇了用蒸的吧；朋友曾說菜飯好味，當然是不二之選啦；等了大約十五分鐘，終於見到我的肉餅飯了；花