Chilli Lime (形點 I)

Open Now

Now Closed

📌 Chilli Lime📍 元朗元龍街9號形點一期地下G007號舖☎️ 2334 1022🔹🔹🔹🔹🔹🔹🔹🔹🔹🔹🔹🔹長期WFH 真係人都痴，好彩仲未限聚到一人一枱，仲可以搵一個朋友出嚟抖下氣。年年都去泰國嘅我已經2年無去過喇！去Yoho Mall 見到間餐廳木色門面充滿泰國風情，即刻入去食番個泰菜止下癮先。餐廳坐位寬敞，仲有戶外餐區，感覺舒服！💫泰式牛肉沙律 $9️⃣8️⃣牛肉肉質不靭，牛肉片生熟適中，有炭燒味，沙律菜好fresh ，伴上酸酸辣辣嘅泰式醬汁，好醒胃。💫冬蔭功大蝦湯（海鮮）$1️⃣0️⃣8️⃣揀咗海鮮，入面有青口魷魚等好足料。湯夠熱，飲落有香茅味，味道做到酸辣平衡，唔會稀了了。💫牛油雞咖喱$1️⃣2️⃣8️⃣ 配 酥油薄餅$2️⃣8️⃣雞肉嫩滑唔老，可能有牛油，所以唔算十分辣，好啱我口味！咖喱味好香。餐廳有8款不同嘅煎餅選擇。我地揀咗酥油薄餅，即叫即整，上枱仲熱辣辣好鬆軟唔油膩，點咖喱食，食到停唔到！💫三色芒果糯米飯$8️⃣8️⃣最後梗係叫個甜品作結啦。呢個甜品有三種顏色嘅糯米球，分別係原味白色，紫米及藍色嘅蝶豆花，配埋黃橙色嘅芒果及白色椰醬，色彩豐富。食落甜香而不太膩，糯米夠軟。椰醬帶少少咸味，加強咗芒果嘅甜味。餐廳除

今日就嚟到YOHO 其中一間新店，睇門面以為係食泰國，點知唔止泰國菜。本Menu都好多選擇，令人眼花撩亂。餐廳內外冬蔭功大蝦湯 $108小編去親有冬陰功嘅餐廳，就一定會叫一碗，呢間都不例外。size 以前菜來講啱啱好。雖然冇明火座住，但料方面都好足，有魷魚帶子，青口，如果多一隻蝦就好啦。味道方面，都唔係一味得酸同一味得辣。免治牛肉斑蘭卷 $98另一個前菜，叫咗個免治牛肉斑蘭葉卷，一上到碟都嚇親，因為以前菜份量來講真係好多，用炸過嘅斑蘭葉葉包住嘅牛肉，配搭生菜或者米粉卷，再點酸辣汁，咁就惹味得多。泰式酸辣魚 $218而主菜方面，叫咗一條泰式酸辣魚，價錢方面咁大條都合理，同埋個汁方面好多配菜，例如三色椒同菠蘿。雖然佢叫酸辣魚，但個汁其實得好少辣，唔食得太辣嘅朋友都可以試吓。Dosa $98係Dosa ，冇錯！係Dosa ，小編喺香港真係好少食，可惜，張枱比較細，所以都想放咗係side table ，掛住食其他嘢所以淋左，雖然淋左但都好煙韌。順帶一提，啤酒而家做緊full day promotion $78 生啤買一送一，有Asahi 同1664 都幾抵飲。參考：(餐牌太多，影左部分）

Yoho新開嘅泰國菜店！裝修吸引，估唔到咁有驚喜，唔止食泰國菜，都有其他東南亞菜式，會再來嘅餐廳！環境裝修幾用心，餐廳環境好大，仲有outdoor位置。餐牌 冬蔭功大蝦湯 $108 食泰國嘢又點少得冬蔭功湯？勁足料，酸辣度比例剛好，唔會其中一方搶咗主要嘅味道，入口舒服唔會覺得嗆喉，做前菜開胃十分之適合。 免治牛肉斑蘭卷 $98 十分特別，好似食過咁多次泰國菜都未見過，用斑蘭葉捲着免治牛肉，另外再配有生菜同埋米粉卷俾你包住牛肉食，牛肉應該係連斑蘭葉一齊炸過，沾上醬汁再加米粉卷或者生菜食冇咁乾身。Dosa $98 我勁鍾意食Dosa！對上一次食好似係喺澳洲食，過一間澳洲嘅印度菜係我十分之喜歡嘅餐廳，香港唔係每一間東南亞餐廳都有Dosa食，勁大塊！呢度嘅Dosa並非全脆身，主材料為米嘅Dosa食落有米香，就算唔沾醬汁食本身都有香氣，配其他食物又得。 泰式酸辣魚 $218 通常食烏頭，今次就食泰式酸辣魚，配料好多，醬汁濃郁，有加入三色椒粒、香料，唔會太酸，魚肉都幾嫩滑，將魚肉沾醬汁食，佐飯一流嘅餸。