金不換泰國餐廳 (Closed)

星期六約左朋友食lunch同睇戲，本身打算去遠少少既café店慢慢食，但由於落大雨既關係，令我遲大到，結果只能係戲院個商場搵速食。睇完幾間餐廳既menu後，最後揀左泰國野。肉碎煎蠔餅飯 $56份量好大😮，一個人未必食得哂，飯量應該有一碗半，細食既朋友可以叫職員少飯，避免浪費。半煎炸既蠔餅，新鮮製作，非常熱氣，但即使係咁，我都依然不停食佢!! 😋蛋雖然唔滑但有蛋香、蠔餅雖然唔脆但好有鑊氣、蠔仔雖然唔多但大粒又無怪味，要挑剔既就係個汁唔好味，同埋個蠔餅偏d油膩，好快就滯，同友人分享比較好😁冬蔭功湯金邊粉 $55個湯酸酸地幾開胃，又唔會太辣，味道唔錯。湯配料除左草菇外，仲有兩隻開邊蝦，不過蝦肉較淋身同埋無乜蝦味。同個飯比，呢款粉味道較為普通餐飲 – 龍眼茶&椰汁冰兩杯都正常味，但龍眼茶對飲開無糖野既我黎講就甜得制😅

同事Last Day，在高唱一句「說有萬里山 隔阻兩地遙」之前，Farewell Lunch是少不了的動作。來到荃灣廣場，同事提議一試金不換。一來是星期五的關係，二來一行七人，大概等了15分鐘才能入座。午市如果要吃得快，14款粉套餐總有一款合心水。遇上嘴饞的話，有小食、湯品及小菜的二至四人套餐也是不錯看的選擇~原個菠蘿海鮮炒飯 $57看著鄰座吃著的菠蘿海鮮炒飯，讓我打消了吃金邊粉的原意。上個月在尖沙咀店也曾點過菠蘿海鮮飯，這次午市的原個菠蘿雖然來得較細，但飯量卻顯得更為充足。而以這個價錢來說，海鮮的種類見誠意。雖然味道沒見得有大驚喜，但飯粒夠乾身有咬口已算不錯。另外，吃至尾聲還能舀出兩大片菠蘿作甜品，酸酸甜甜，消膩也~泰國熱奶茶入口細滑的奶茶帶有陣陣香草味，味道清新，那舒服的口感不遜於茶餐廳的出品，讚！肉碎煎蠔餅飯 $55有別於平日吃的酥香蠔餅，這裡的煎蠔餅飯賣相倒像芙蓉蛋飯，惟蠔餅卻具一定厚度。燒鱔飯(跟煎蛋1隻) $57由碟到煎蛋、再到那燒鱔，賣相極為碟頭飯的說。Farewell Lunch過後，差不多是時候說(唱)聲：今天且有暫別，他朝也定能聚首…...