金寶泰國菜館

Open Now

Now Closed

今次去左食九龍城泰國嘢飯堂。 冬陰功夠酸辣夠平均，唔食得辣嘅都可以試下，嗌份細嘅都有3 4碗，最岩2-3人食。不過個湯好快凍，一上枱就要盡快飲。豬牛雞串燒好香，個汁係靈魂，要配住食，上枱果陣都係暖嘅，如果係熱嘅就更加好。今次都有試埋個泰式生蝦，都見到好多枱都有嗌嚟食。上到枱，個汁都幾辣下，少少似酸辣鳳爪果隻味，個感覺都幾新鮮，如果唔食得辣嘅可能要整走啲辣椒先食。同埋都有飲埋椰青，$40/1 價錢來說是偏貴，但係個椰青都俾想像中大同滿，入面嘅果肉都可以食，都唔少，可以2個人叫一個來試試。

放工嚟開附近辦事，即興約朋友仔食個晚餐；九龍城出名多泰菜餐廳正宗又好食，我哋隨便揀咗一間，大約20:30嚟到，唔需要等位姐姐俾左張QR code紙仔我哋’掃‘入去網上點單，好方便飲品同食物好快上菜，唔洗點等，冇錯漏唔太甜，剛剛好生菜好脆，肉碎好惹味濃郁好味道冬陰公湯同青咖哩都有個小火爐熱著煲嘢食，唔會食唔切攤到凍晒唔好食個包熱辣辣、脆卜卜～點青咖哩好好食後來叫多2碗飯撈青咖哩剩左嘅汁打包第二日lunch吃好鍾意呢個菜，炒得好好食兩個人食到好飽只係結帳比較慢😂因為比較之下，上菜快好多😂同埋姐姐幫我哋調整放好啲嘢食，方便我哋夾，覺得都幾貼心☺️

今次，又黎到九龍城啦。黎開依頭緊係要食餐泰菜先走啦真係有名你叫金寶餐廳，連招牌字面都係金光閃閃。入到去已經開始多人，安排坐的位置都幾好，幾闊落，食都食得舒服。跟住，就同朋友商量食咩，點完菜好快就有得食。每次食泰國菜都必定會叫活蝦刺身做頭盤，加埋辣辣地的泰式醬，無得頂而金寶的活蝦刺身有自家的特別，佢地將泰式醬倒係活蝦嘅上面，更加帶出活蝦的鮮味。杯龍眼冰面頭加入咗好多龍眼肉，岩哂口痕的我無甜青檸水，淡淡地吾太甜，感覺幾清新，岩哂甘熱的夏天。生菜包的生菜好新鮮又嫩，肉碎又多。咖哩雞的肉好入味，同香脆熱辣辣嘅法國包一起食係吾錯的配搭。冬陰公湯係屬於BB辣，鍾意食泰國菜嘅人一定吾少得佢。

九龍城以美食多出名，這間有不同美食可選，尤其是泰國菜更有很多間選擇。今日朋友介紹食這間，因其食物水準有保證，店员招呼態度殷勁，令食客非常滿足。金寶泰國菜館，同一條街一連有三間金寶在此。兩間越南野，這一賣泰國野,特式是食客同時間可以食到泰式同越式美食，滿足不同客人口味。午飯時間未定，還有很多位可選，座位宽敞不擠迫兩邊牆壁上到處都是掛上了明星的簽名餐牌很多選擇，泰國菜、越南菜任君挑選，各具特色。而餐牌設計精美，像真度高，好似真的食物呈在眼前，未食已先興奮，流哂口水先來咖哩鮮雞煲配法包，鮮雞果然用好新鲜雞制作，肉質鮮嫩無比，口感一流。配上泰式咖喱煮法，咖喱香味而不太辣，令新鮮雞肉食落滋味無窮。而法包更是我的至愛，熱辣辣即製，外皮極脆，內裡鬆軟，點上美味香口咖喱汁，回味無窮。冬陰公湯,連同小火爐一齊上，邊飲邊保留熱辣辣湯底，非常體貼。而湯底香濃、而且仲有些辣而帶有椰香。湯料豐富，有大蝦、香菇、大量香草、酸辣濃度平均，口感鮮美，一飲再装再飲，正。泰式拼盤（細），有鳳尾蝦春卷、香葉包雞、泰式炸蝦餅和雞肉串，個香葉包雞同埋炸蝦餅好入味，我至愛食。另點了一串燒拼盤，串燒有牛、雞兩款各3串，牛肉雖燒得較