來德好蝦麵廚房

Open Now

Now Closed

朋友介紹黎左呢間袋小菜，話要食冰鎮咕嚕肉，我之前係其他餐廳食過都好好食，就睇下呢間如何。咕嚕肉係好脆，但太多汁令到口感好奇怪，如果乾身返啲會好好多。其他小菜不過不失。

西貢食晚餐，好多人都會選擇食海鮮，不過其實另外有選擇，不妨一試。來德好蝦麵廚房，係街坊餐廳，價錢唔貴，但係選擇多樣化，今次點選了炸黃花魚、冰鎮咕嚕肉、蛋黃雞翼、蟲草花杞子冰豆腐、小炒皇、油鹽水蜆、椰菜苗炒肉碎、杞子鳳美蝦浸時疏，當然唔少得招牌蝦麵同埋手工麵。整體來講，店舖較細，坐位有點迫，但樣樣菜式都係平均好吃，有份大、中及例牌，2個人過嚟食都可以叫3餸，一大班人亦夠食。上菜速度很快，但絕不馬虎，店員雖然忙碌，但仍然有禮！街坊小菜，值得多多捧場！

初四去完三門仔釣魚，晚上同老友走左去西貢搵野食，行過門日以為淨係食粉麵，原來內有乾坤😁，裡面重有其它美食，老板娘重有推介我地食黃金魚片、送啤酒一流，冰鎮咕嚕肉必食，蝦湯麵冇味精，好濃蝦味正，老友記都話其它都好味，下次會帶老婆同個女黎試佢地D黃金雞亦和冰鎮咕噜肉先

星期日一大班朋友五點幾玩完水上活動，由其中一位朋友介紹嘅餐廳，食完令人喜出望外，真係幾好食。我哋去到仲早即刻有位，坐舖頭出邊食飯時一直都見到幾多人等位。八個人叫咗蛋黃雞翼，海南雞，麥皮大蝦，南洋炒飯，招牌蝦湯麵，馬拉盞炒通菜，冰鎮咕嚕肉。蛋黃雞翼👍係單骨嘅雞翼，食嘅時候好方便，而且個蛋黃味鹹味啱啱好。麥皮大蝦啲蝦炸完再痴左啲麥皮上去，而麥皮食落去都係脆脆地，雖然炸過嘅蝦有啲油，但加番麥皮感覺健康左。冰鎮咕嚕肉👍一整好即刻上菜，雖然要等一段時間，但係食落舊咕嚕肉入面仲係熱辣辣，入面舊肉肥瘦啱啱好，唔會話揸得太乾或者太肥好油膩。最出面嘅皮冰鎮後真係好脆。比其他嘅餐廳有水準。招牌蝦湯麵鋪頭名有蝦面兩個字，相信招牌蝦湯麵應該係餐廳最推薦嘅菜，所以對佢嘅期待好高，以為佢嘅蝦湯底會好濃郁，不過食落去叫做普通，不過不失。海南雞👍叫咗一隻雞，不過分開兩碟上，去晒骨，雞肉都叫滑幾好食。南洋炒飯叫左少辣都有啲啲辣，飯粒炒完粒粒分明夠乾身，好食。而馬拉盞通菜炒得好入味好好食。整體來講大部分食物都好有水準，以後去西貢唔使一定要食海鮮啦。