咖啡廳

Open Now

Now Closed

趁住小朋友返學，出去食午餐，好耐之前去過一次，個次係試佢地既自助晚餐，今次去試下自助午餐，環境同以前差不多，早10分鐘度去到，已可安排入座，12：00就可以開始攞野食！冷盤有生蠔(新鮮但細隻)、蟹腳(偏咸)、蝦、青口同螺，冷盤算新鮮！熟食款式唔算多，而且味道一般，炸既野炸得太乾，椒鹽鮮魷直程有d硬，牛扒過得去，一般水準，蝦餃同小龍包都太厚皮！刺身款式基本既都有，算新鮮，甜品種類都ok，但味道唔係特別好！總括而言：一般，感覺上比以前差左，有待改善！

舊年係"The Cafe"食lunch buffet慶祝生日, 感覺蠻好的！今年嘅母親節, "The Cafe"自自然成為媽咪嘅首選！一個月前落booking都full晒, 只剩下ballroom位！接線先生話食物一樣的, 位置轉移矣已！我地唔想坐ballroom, 商議後決定改book食dinner吧！是晚buffet 6點正開始, 一家七口準時開心入座, 今次餐廳安排嘅長型卡座位非常闊落, 我地自成一角, 感覺如坐VIP房呢！侍應先生提提大家, 夠鐘開飯喇……冷盤令人最期待嘅波士頓開邊龍蝦, 係dinner buffet先有㗎, 肉身較薄, 質感唔夠彈牙啊！食咗一隻之後, 再也提唔起興趣了！龍蝦鉗, 又靚又大隻, 可惜入口十分鹹！之前lunch buffet有嘅麵包蟹, 今晚竟然無, 太失望了！好彩有長腳蟹搭救, 肉質鮮甜！翡翠螺, 夠爽脆！蜆肉肥美, 大大隻！青口, 夠爽口！生蠔有兩款, 美國蠔較法國蠔肥美, 而dinner buffet先有嘅法國蠔則較美國蠔濃味！刺身+壽司是晚嘅刺身唔錯, 三文魚, 厚切肥美。北寄貝, 鮮甜爽口。北海道帶子, 肉厚味甜富彈性！厚玉子, 味道甜

屋企人同我慶祝生日，生日我大晒，交畀我話事，我決定去尖沙咀"The Cafe"大擦一餐！是日携老带幼到達酒店，一入大門口，蠻有氣派的，難怪大侄女低聲跟我講: 呢度好靚呀！接著大家坐長長扶手電梯上大堂，仲畀我地野生捕獲"葉劉淑儀"議員呢！她非常親民及nice, 還揮手跟我地say hi添！The Cafe位於二樓，侍應生安排咗window seats畀我地，窗口位置景觀麻麻，而餐廳裝潢亦比較普通，跟整棟酒店有點格格不入啊！開始buffet時間喇……冷盤: 美國生蠔，size適中爽口，帶點鹹味！膏蟹，蟹蓋好多膏，豐滿味美！大侄女咁細個已經好識食，猛咁食膏！蟹肉飽滿結實！長脚蟹夠鮮美！蝦、青口都唔錯！刺身壽司: 三文魚肥美！北寄貝爽口！吞拿魚有魚香！厚甜蛋好味道！腐皮壽司好好食，勢估唔到啲壽司飯粒鬆軟又唔散呢！熱盤: 鵝肝多士，煎得香濃，厚切兼入口即溶！燒羊胺，有少少羶味，但肉質香嫩腍滑，蘸上燒汁，更為滋味，眼見有好多客人幫襯！燒牛扒，薄切肉味濃，蘸上黑椒汁及薄荷醬後，惹味非常！吉列炸蝦，炸粉薄，鬆脆好味！蝦餃燒賣，亦唔錯！蒸魚，一啲都唔腥唔過鹹，魚肉滑溜！紫薯魚塊，啖啖肉！鴨胸，肉質細嫩！