金鳳茶餐廳

Open Now

Now Closed

啲人話嚟灣仔一定要試吓金鳳就好似去旺角一定要食義順牛奶公司一樣今日就專程嚟咗試下叫咗一個午餐同一杯飲品有沙嗲牛肉麵 火腿奄列 菠蘿油 跟餐奶茶同埋單獨嗌左一杯荷蘭谷古沙嗲牛肉麵個沙嗲味好香 唔會過咸公仔麵食到最尾都唔會林晒火腿奄列就好失色煎得好乾 唯獨係火腿絲好夠 要浸湯先至食得落菠蘿油係涷嘅 唔係新鮮出爐 如果加熱先上會更加好味 奶茶好滑 你就算嗌涷奶茶佢都係冇冰 呢個幾好 最怕有陣時太多冰令到成杯野好淡 荷蘭谷古就唔甜嘅 但勝在朱古力味夠濃 整體來講都麻麻哋最後$78買單 其實唔係好抵希望食物質素可以更加改善啦

廿幾年前附近男校讀書時經常幫襯o既金鳳，間唔中行過亦都會幫襯，今日襯假期專登搭個幾鐘頭車再去搵當年o既味道，招牌依舊，人面全非，食物的質素亦退步。先唔講招呼，同澳牛一樣，從黎幫襯金鳳係唔會講究招呼。同伙計落單後，午餐沙嗲牛面、丁面、菠蘿包，同凍熱奶茶各一後。不消2分鐘，沙嗲牛面同丁面就黎到，食第一啖就覺得好伏，兩個麵完全唔熱，仿似用低溫水浸熟，再咬個菠蘿包，亦都係凍架。。。好傷心，20多年前讀書o既味道完全消失，我唔係要求有幾好食，只係想係自己未食早餐，又肚餓o既情況下，黎到呢到食晏晝時食返一d有溫度o既食物。唯一可以讚係佢o既奶茶咁多年仍然保持到好味道o既水準呢個奄列，係全餐唯一有熱度o既食物，但係全個餐 $50，又係唔係值得呢? 真係見仁見智，起碼我下次只會買外賣奶茶。

與朋友逛灣仔街市買模型，酷熱的天氣，又未夠鐘食飯，就醒起可以來這裡來個傳統港式下午茶。最要推介的一定是這裡的凍奶茶，因為不是加冰而是把奶茶放入雪櫃，所以凍奶茶不會因為冰溶後而越飲越淡，真的很好。雞批是也是我每次來都必食的！鬆化的批皮，味道得宜的餡料，熱辣辣出爐，超好味！朋友食蛋撻，這兒賣的是酥皮蛋撻，牛油味濃的批皮，也很好味！不過今次的未夠熱，也許是錯過了剛出爐的一刻，但也好味。唯一美中不足的是：這裡的座住設計得很逼，卡位尢其逼，肥大的朋友就要坐得辛苦一點了！

要數香港特色美食，茶餐廳的沙嗲牛肉面一定係我心目中的首選。係香港要搵沙嗲牛肉面真係一間都係，但係要搵到好食的沙嗲牛肉面一D都唔易。興幸係灣仔番工可以食到一間令我滿意的茶記，永遠都需要排隊的金鳳！金鳳名氣之大，甚至見過外國遊客拎住旅遊書摸上門，可謂係灣仔區的澳牛！座位比較迫，但係大家都習慣呢種身貼身的飲食文化，互相禮讓。呢度的凍啡同埋凍奶茶都係冰鎮，即係唔會加冰，令到飲品唔會愈飲愈淡，保持濃郁的味道。凍奶茶夠哂滑，而且茶味好香，入口好舒服。奶味剛剛好，唔會太甜。沙嗲汁超多的牛肉面，牛肉超多，而且沙嗲汁非常入味。面質唔會煮得太腍，保持面質的爽口。最鍾意係佢超多沙嗲汁，令到湯味夠哂濃，唔會好似出面D茶記只係放味精。超愛金鳳的奄列，絕對唔係出面茶記D行貨。奄列大大份，而且勁厚，差唔多可以遮哂成隻碟。蛋煎得唔會過老，切開奄列重有少量蛋汁流出黎，伴埋超夠料的火腿真係好過癮。菠蘿包超厚超大個，表面脆卜卜，好香牛油味。伴碟的有一舊牛油，可以自行選擇是否切開面包夾住食。呢個，呢度的雞批同埋蛋撻都係推介之選，15-30分鐘就出一盤熱辣辣又脹卜卜的批撻出黎，超好食！

平時返工好少黎呢邊食飯,原來呢頭咁多野食,不過好多都要排隊既然都係要排隊,咁就去間出名D架啦平時好鍾意去茶記食,最鍾意食常餐之類, 因為好鍾意食炒蛋同埋飲奶茶。我係大食之人,所以揀左特價午餐我揀左沙嗲牛肉烏冬,火腿奄列, 波羅包同凍奶茶呢個完全係我平時食開既常餐升級版, 有烏冬可選; 唔至炒蛋而係奄列; 唔係多士而係波羅包; 凍奶茶而沒有冰!!!先講火腿奄列,大大份,好足料,入面好多火腿。不過如果隻蛋可以滑D就更加好啦。沙嗲牛肉麵- 比平時既茶記深色,而且重口味少少,但攪勻左就岩岩好!老實講,平時我對個麵係最無要求,因為至在食炒蛋同飲野。但今次確實令我有少少驚喜,因為沙嗲牛肉都有配烏冬既一日。奶茶係呢餐既主角,作一個好重要既收尾!非常鍾意佢無冰,而且唔洗叫少甜,甜度都岩岩好。唔記得影波羅包,唯有黎張大合照啦。其實波羅包只正常味道,但就真係好大個,而且咁既價錢食到咁多野,而且非常抵。如果食到岩岩出爐既話就VERY GOOD LA

為了杯奶茶，平時見到人龍一定走的我，今天lunch決定來排長龍。1點正，門前已有十多人等候。但這𥚃夠快靚正，不消10分鐘就有位。小妹坐在餐廳一角，飽覽中午繁忙的情況。食客很體貼，食飽都很快讓出位置。小妹也抓緊時間，一坐低就落單。😁小妹點了午餐 ($41)：沙嗲牛麵＋餐包 (可選菠蘿包)＋蛋 (炒蛋 / 奄列)。菠蘿包非常重手、厚實，比現時連鎖麵包店的真材實料得多。但菠蘿要面有點薄和不夠脆，有點失色。奄列很大份，佔了隻碟一半，內𥚃火腿亦很足料。但火候過猛，有點老。這𥚃的沙嗲牛麵標榜鮮牛肉，咬落有質感；沙嗲香濃又入味。比平時茶記那些「NA」到軟腍腍又没味的牛肉好吃百倍。麵亦很有質素，軟硬適中又帶點彈牙，絕不欺場。來金鳳當然要飲這𥚃的馳名奶茶。茶香奶滑，茶味與奶味平衡得宜。雖然凍飲要加$2，但絕對值得。這𥚃的是凍奶茶無冰的，不會因為溶冰而變淡。吃飯途中，不停有蛋撻、雞批等新鮮出爐。蛋撻脹卜卜，本想買個做甜品。但吃完個餐，肚子撐得連一啖水都喝不下😂 惟有留番下次啦~

壹間懷舊茶記，壹個經典麵包，細說了昔日的冰室。昔日的情懷，今天再度重現。昔日的味道，今天再次重溫，沒有華麗的麵包，卻只有忘不了的味道；沒有華麗的裝修，卻只有舊有的裝飾。一切一切似乎重回舊日的足蹟，細味重溫舊日情懷；沒有精緻的食品，卻只有昔日的麵包。很久很久以前，在下想起的，可能已經是上世紀七八十年代的陳年往事，當時在下還是兒時，正在求學階段，看著壹個又壹個的菠蘿包，夾著一塊牛油，就變成了一個菠蘿油。在下已經不記得有沒有吃過，直到上了中學，才有機會接觸。當時在下還是很怕一塊牛油夾在麵包中，吃到的全是牛油味道。相隔了多年，最近看到食友到「金鳳」為菠蘿油寫下食評，於是在下又想重拾以往的味道。昨天去過灣仔，今天又要再到灣仔，而且時間剛好下午四時多，是下什茶時間，一於去金鳳茶餐廳食一個菠蘿油，重溫一下往日情懷，順道懷緬一下舊式茶餐廳。一個菠蘿油算不上甚麼貴價食品，但是卻代表了香港獨特的食品，也只有香港才能找到香港本土的特產。久違的菠蘿包，從外面看來沒有甚麼異樣，只是一般的菠蘿包，但是菠蘿包內夾附著一塊牛油，在下要把牛油從菠蘿包中間拿出來，拍照後再把牛油放回菠蘿包中間裡去。菠蘿油鬆脆無比，與在下之

每次早上過灣仔必系金鳳食早餐去金鳳絕對要點距d菠蘿包同埋凍奶茶啦！菠蘿包耶，今次點的菠蘿包系新鮮出爐的，咬下去仲可以感覺到麵包入邊系暖的呦！！菠蘿皮脆卜卜~上面脆下面軟，食到好享受！凍奶茶味道依然甘濃~沙爹牛肉面呢個一般般啦，因為牛肉同埋牛肉唔夠軟，沒我想像中好食~下次要試試距的雞批先得~

每日LUNCH時間，灣仔間間食舖都排滿人等位食飯，呢一間當然不會例外啦，而且佢位於一條馬路旁，行人路已經窄，仲要排滿等位既人，有時望見都唔想等。但係等既時間越耐，就顯得越珍貴。每次黎到都係食佢地既精選午餐：菠蘿油：雖然無朝早出爐時既熱辣辣，但配上那塊凍冰冰既牛油，都實在令人興奮。火腿奄列：算係普通貨色。沙嗲牛肉公仔麵：估唔到呢到既沙嗲牛係咁好食，沙嗲汁好正，牛肉嫩口，配上公仔麵，真係好美味。凍奶茶：成為呢到既招牌，當然要一試啦，無左D冰溶後水汪汪既淡淡既情況，由始至終都係咁濃味，正。不過老闆成日都不斷趕人走，好慘。詳細資料：http://hk.myblog.yahoo.com/zysk-c/article?mid=740

29/11/09 (星期日)今日要去灣仔辦事，辦完事之後，見尚有時間就想入去這間人氣茶餐廳飲番杯奶茶食番件雞批，順便休息下。點知行到門口，見到四圍都人頭湧湧，好多人排隊等位，所以就改為買外賣。凍奶茶($14)： 凍奶茶是鎮店之寶，無冰，奶茶全是預先放入雪櫃雪凍，不會因為加冰而令茶味减淡，凍奶茶入口又香又滑，夠香濃，有水準。雞批($6.5)： 新鮮出爐，熱辣辣，雞批料多，又香又鬆脆，非常好食。

奶茶奶茶奶茶奶茶奶茶奶茶奶茶奶茶奶茶奶茶奶茶奶茶奶茶估唔到真係咁正.有天經過, 因為次次經過都冇位, 入去問又話d批呀都被人訂左.今次經過見到d奶茶有外賣杯擺晒係雪櫃度.就咁買一杯.$14哦, 咁即係同太興一樣la, 太興就將d冰分開擺, 咁咪會冇咁淡囉.但係太興係比較多奶.而金鳳就係比較多茶, 幾好, 唔同感覺.貴得有道理, 同買果汁價錢差不多, 幾好.