普洱

Open Now

Now Closed

「普洱」都算係我以前飯堂，常常去幫襯佢，都係因為佢好出色嘅焗飯，自搬離左荃灣區，都已經冇去，剛剛星期五下午放假，再去回味一番，我梗係會叫返我至愛嘅焗飯啦！拎起餐牌，已經唔同，再問有冇之前食開嘅嘢，佢話冇，唉！不過我仍然叫焗飯，我叫了芝士蕃茄炒蛋焗雞扒飯，再加我嚟親一定叫嘅凍朱古力普洱，焗飯嚟到，覺得賣相可以，但食了，就真係覺得味道已經和之前唔同哂，至於杯凍朱古力普洱還可以的，今次重遊舊地，又見佢裝修左，諗住有驚喜，點知….

好多人都話 荃灣好多好嘢食！我就係lunch time 時間去左呢間普洱到試下！因為聽過朋友講好味同埋都唔少人排隊！服務員都好好，好快安排到位置！同埋服務員會好主動幫手叫啲客人坐埋一邊，又或者 叫啲客人調去其他位置，令我哋四個人好快就搵到位喇！佢嗰度出名係焗飯， 同埋佢所有飯都會包一個特色嘢飲， 當然有啲係要加$3啦！ 不過佢大部分都不用加錢的！黑椒茄子豬頸肉焗飯$45本身體佢個碟好淺以為好細碟！ 原來好大碟㗎！我最後都食唔曬！凍朱古力普洱(包左）真係好抵㗎， 而家食嘢好少有嘢飲包埋，仲要喺凍飲唔洗加錢呀

 凍朱古力普洱 $18呢個受眾人推介嘅朱古力普洱無錯朱古力係朱古力 普洱真係普洱聽落一定覺得好核突 唔知飲完會唔會肚痛但原來飲落又唔會覺得怪而係出奇地真係夾到係埋一齊飲落有少少同貢茶個啲朱古力一樣首先係朱古力味濃 但係再飲仔細啲嘅時侯會發現除左一開頭係有朱古力味 之後係會有少少茶味回甘令到成個味道綜合番少少 又真係幾特別可以推介俾鍾意試新野 或者 鍾意朱古力嘅人真係唔伏 可以一試但千其千其唔好嗌野食絕對唔值得一試

下午茶時間，雖然店內客人多，但好快有位，也會答台。 位座位看似迫同唔好坐， 但其實唔太迫， 而靠背幾舒服。先做功課，見人介紹朱古力普洱，其他不太吸引。我地二人就叫厚多士茶餐 $26 /set（可揀$18既飲品）。- 凍朱古力普洱 ： 朱古力唔膩，普洱茶味吞後回甘，而且中和朱古力甜味。味道好特別，好飲。- 芝士火腿肉醬厚多士 ： 厚多唔夠厚，同方包片差唔多。醬加料，似平時碟頭飯上既材料。 不過味道夠重， 多士夠脆。而且芝士都唔少。- 芝士雞肉火腿厚多士 ： 同上。呢個比起$22/set 既醬厚多餐抵食。總括，杯飲品好飲，其他可以少試。

本人第一次寫食評, 多多指教! 其他不說了. 講講食物~~1. 凍朱古力普洱飲得出有淡淡的普洱味, 但要我說是否跟別的好呢~~我又覺得未至於. OK啦! 2. 咩咩砂鍋米線... 唔記得個名=3=從相中所見十分足料! 味道香濃, 要連湯一齊吃呢 ;)不過我認為肉碎太多, 而沒有其他餸例如水餃呢D~~咁就有D齋...食物以外餐廳非常嘈! 環境一般.可以一試 ;)