阿叔泰麵 (積信街) (Closed)

大圍一向都有好多唔同種類既餐廳選擇，今次揀左食泰國野🇹🇭。平日大概7:30pm左右，已經差唔多full house，都幾旺場。牆身既畫作同天花都充滿泰國元素，而且有好多唔同既鮮艷色彩，好歡樂☺️泰式椰子雞湯麵配蛋麵 ($60)椰子雞湯煮到好白滑，味道甜甜地，好易入口，好飲到停唔到💯。另外叫左平時好少食到蛋麵，麵科既顏色比平時見到既麵更黃。雖然蛋味🥚唔算好出，但都幾有咬口。配料有雞肉🐓、雜菇🍄同車厘茄🍅。雞肉大大塊，食落唔會太乾太硬。冬蔭功湯麵配河粉($64)食呢個麵記得趁熱食，酸辣冬蔭功湯落左好多香菜，夾埋超香好惹味🤤 辣度唔算好辣，大概3小辣左右🌶🌶🌶，不過攤凍左好似再辣d。泰式河粉同平時食開既河粉質地差唔多，不過係一塊塊咁，幾得意。至於配料方面有青口、蝦、蟹柳同豆卜，份量都幾多。凍泰式綠奶茶 ($28)望落去顏色雖然跟抹茶🍵很相近，但口味完全不一樣。唔似抹茶或者一般的奶綠既味道，有少少似係泰式奶茶果種茶味🌿，未試過呢種特殊的口味都可以試試。凍泰式檸檬茶 ($24)叫呢杯飲品純粹想睇下泰式凍檸茶同港式有咩分別。驟眼睇，我以為只係用青檸取代檸檬🍋，但原來個茶底都係泰式奶茶果個茶味。um.

《阿叔泰麵》大圍💛一直都想去這間黃店，雖然佢招牌係船麵，不過我個人唔太喜歡船麵，但都可以試下其他泰式既料理🤗舖頭有吧枱可以望都街景，可惜我到達時已經有人坐緊，唯有等下次啦！舖頭唔算太間，坐位大約30個左右，午巿時間都坐滿👥不過樓底比較高，所以感覺不會太迫🥰＜燒豬頸肉飯＞$60豬頸肉燒得好焦香，而且比較厚身😌份量都唔少，反而白飯既比例會少一點🍚不過豬頸肉比較油膩，其實都相當足夠，而且肉既質素比較高👍👍👍＜凍泰式綠奶茶＞+$10我見咁得意所以試下，好似抹茶既色🟢有一股好難形容既味道，但好飲的💫注意：綠奶茶已經係調較好味道，所以無法減甜，而且不建議少冰，因為少冰後會太甜🤭總結：環境同味道都不錯，希望下次可以試下晚巿同坐吧枱🤗Remark：設有加一服務費

很喜歡到大圍尋食，有好多不同特色的小店，趁今日星期五，阿仔上完網上堂後，我哋來到這間，橙色窗框同信箱，讓你有一種很想入去的衝動，一於試試看小店格局，橙色窗框附設吧位，如坐這裏用餐，應該幾有feel。天花掛上泰式紙傘，充滿泰國風情我哋都鍾情食船麵，就一人一碗。我揀咗牛肉河粉，牛腩好淋，入口鬆軟，牛味濃郁，還有幾粒小牛丸。 湯底很濃厚，應該冇加味精，飲落唔會口渴河粉較我們平日食的闊身，索曬啲湯，又滑又好味。 每碗都有炸豬皮，芽菜，通菜，花生碎。主菜和配菜的份量非常足夠。阿仔叫咗雞肉金邊粉，有幾隻小雞槌和幾片雞腎， 雞槌和雞腎都好入味同樣加上炸豬皮，芽菜，通菜，花生碎，非常足料。檯面有張小貼士可以把魚露，白糖，白醋，胡椒粉加入船麵，但我覺得唔加都好好味。加$15有自選小食，當然加了。選擇了棟篤炸丸，有牛丸，豬肉丸各三粒，唔係話用炸醬炸嗰隻，唔怕熱氣又夠香口，加上甜酸醬，好夾午餐附送泰式凍菊花茶，泰式凍檸茶或熱青檸蜜。 熱青檸蜜，來到真係嚇一跳，個杯大到呢好似湯碗咁，青檸清新蜜糖又滋潤凍泰式綠奶茶，呢個平時比較少飲得到，泰式茶葉的獨特味道，有點點青草和薄荷的味道，值得一試休閒的吃了個午餐，原來