讚好台灣

Open Now

Now Closed

去完大酒店🏨肚餓🤤想搵食，原本諗住食糖水，點知必嘉街有既甜品🍮店執咗，咁啱俾另一個團契既弟兄姊妹👯‍♀️見到我，就一齊去食讚好台灣，最後一張6人枱俾我地坐。佢地食正餐，我剩係想要甜嘢，叫咗杯凍珍珠奶茶🧋，原價$22，跟餐價$12，有弟兄姊妹齋叫嘢食我就要咗個quota，凍珍珠奶茶珍珠都夠，Q，奶茶🥤味濃，可惜係我之後返屋企成晚失眠

今日和太太往紅磡讚好台灣食晚餐, 我們點了滷肉鹽酥雞飯, 蕃茄湯肉燥綜合湯面、酥炸花枝丸、麻醬生菜、凍珍珠奶茶和熱蜂蜜lemon。滷肉鹽酥雞飯滷肉半肥瘦食落有油花, 肥而不膩, 鹽酥雞炸得金黃, 炸得乾身惹味, 配菜有滷水蛋, 生菜和豆角, 滷水蛋蛋味好香, 生菜和豆角食落爽口美味, 飯食落軟綿, 配上滷水汁食落醒胃, 整份滷肉鹽酥雞飯材料足料, 食落美味；酥炸花枝丸炸得金黃, 花枝丸食落彈牙, 配上香料, 食落醒胃；麻醬生菜麻醬食落開胃, 醬汁味道適中, 菜食落新鮮爽口；最後凍珍珠奶茶茶味香濃, 甜度適中, 珍珠食落大小適中均勻, 口感美味。餐廳食物美味, 份量十足, 價錢合理, 我和太太食了一頓高質台灣美食。

收工去紅磡搵F，順便食埋飯啦~朋友話呢間台灣嘢不錯，間店幾細下，同埋好多人，我地都等咗十幾分鐘先入到去，好彩d人都系食完就走門口塊玻璃就已經貼住menu，等位嘅同時都已經決定好食咩我就點了這個台南唔想肉卷飯，不得不說分量好大好足，肉卷系厚厚四塊，外面炸得脆脆的，入面有D似扎肉，淋上D醬汁，味道不錯！D飯系好有台灣便當風味，飯面有滷肉，拌菜是半隻滷蛋同D青菜，真系好似系台灣食便當咁！朋友點的是紅燒牛肉飯，配菜都系一樣啦，牛肉都系大大舊，非常香，味道好濃郁。而另一個朋友就點了蕃茄豬軟骨面，睇落系好濃郁嘅蕃茄湯底，豬軟骨都系大大舊！呢間嘢D料真系好足，咩都系大大件。小食方面，我地點了小香腸同皮蛋豆腐，台灣嘅香腸系好好食的，就好似香港嘅臘腸咁，當然比臘腸好食好多倍！呢個小香腸都系，好香口好好味，令我唸起了台灣的大腸包小腸！正呀！個皮蛋豆腐就不過不失啦，豆腐好滑，配上醬汁是很不同的風味。值得一試！飲品我地當然系揀台灣最出名嘅珍珠奶茶啦~果然不出所料，冷熱奶茶都不錯，特別是熱的，更能飲出佢地奶茶的真正味道，不會太甜，香滑，配上煙韌的珍珠，真系以為自己又飛咗去台灣！哈哈~四個人埋單落來都系人均70左

今天和朋友在黃埔睇完戲，他建議食台灣菜，指附近有間台灣菜都不錯，在黃埔行過去都只有大概10至15分鐘。 雖然已經夜晚9點，但都仍然有不少客人，等了一會，終於有位啦...因為太肚餓所以2個人嗌到成枱餸。 紅燒牛肉湯麵: 食台灣菜當然要食牛肉麵啦，牛肉煮得夠腍，湯底不油不膩，而且價錢也不算貴，份量足，幾好味！ 鮮番茄香酥排骨湯麵: 眼見好多鮮番茄，但湯底未算太濃郁，排骨炸得剛剛好，保留到少少肉汁，而且夠入味。 鹽酥雞併小香腸: 鹽酥雞是台灣出名的小吃，除了好吃之外不油膩是很大的重點！不會吃完後滿口都是油，調味剛好，令人想追住食 小香腸大概是台灣的大腸包小腸，煎過的腸仔甜甜的，並埋青瓜絲食幾好味。 海帶花枝丸湯: 花枝丸大大粒，紫菜都好好味，可惜湯底未算好吸引，不過不失。 醬油滷大腸: 大腸處理得好乾淨，食落絕對沒有豬臭味，醬汁帶少少甜，幾可口。 凍珍珠奶茶: 這杯珍珠奶茶奶比茶多，大概是台灣的珍珠奶茶的特色吧，但茶味比較淡，喜歡奶味重的朋友可以一試喔！ 雖然食了很多東西，但晚餐兩人埋單都只是$190，算非常便宜了。唯一不讚好就是食完出來，身上都有