Little Tipsy Restaurant & Bar (Closed)

約了友人到觀塘工業區食晚飯......沒想到一入店內，就令我很驚訝！環境很舒服，桌椅顏色配襯得很美、很柔和，令人 relax 下來 店員安排了這個位置給我倆，可以自成一角 食物選擇不多，我們點了「凱撒沙律配海蝦」、「芝士煙肉墨西哥薄餅」及「烤安格斯肉眼扒配烤薯仔及田園沙律」。凱撒沙律配海蝦，蔬菜新鮮、蒜茸飽香脆、海蝦香口，但略嫌份量少！芝士煙肉墨西哥薄餅，薄餅夠薄、香脆可口，不油膩 烤安格斯肉眼扒配烤薯仔及田園沙律，我倆起初不想點這碟菜是因為要切，我倆工作已很疲累。但因愛吃牛扒，最後都點了。沒想到上菜見到，不用自己切呀 簡直喜出望外！肉眼扒肉質嫩滑，薄薄一塊滲入醬汁，好味 意猶未盡，最後再點了甜品"Tiramisu"。Tiramisu，味道不太甜，但亦略嫌太少了。

朋友生日，相約晚餐選於方便大家嘅地方而相信官塘都會有很多未知嘅小店一早都問咗可以預備生日伴碟裝飾但由於太倉促當日先同職員講都ok叫咗2個小食，3個main course個蕃薯條好好味😋因為太好味所以無影相食完先記得😆另加個凱撒沙律不過太有特色，d沙律菜原條上我哋忍唔住，要出手切開😂主菜出場🐮叫咗安格斯肉眼落單後好快上檯係咪煎定？又唔似🤔因為係熱，同埋比想像中好味😋又係切開咗先記得影肉質係ok的，同埋唔鞋口，非常好大家都搶住食黑松露意粉好好味呀，可能本身我鍾意食有汁意粉呢個汁又唔算太漏加埋d菇菇真係正😀海膽意大利飯呢個個味道比較特別我哋都唔係好接受到😆可能係海膽加埋d巴馬臣芝士所以得出個味道我哋唔係好受到最後叫咗件焦糖啤梨蛋糕🍰俾壽星女過程好好笑因為臨急叫職員畫伴碟我想叫佢畫個豬頭佢以為我想畫連豬佢話廚房煮嘢食叻，但畫功麻麻其實我只係想要個普通豬頭🐷🤣🤣Anyway好多謝職員嘅配合真係畫咗個豬頭😌職員都好好，幫我哋手影相最後我哋都滿足地離開

JM觀塘收工, 互就地點就揀附近工廈餐廳, 發現位於王子大廈(以前好舊而家翻新勁靚)有間Little Tipsy嘅review都唔錯, 咁就book左枱啦. 入到餐廳感覺環境勁chill, 枱櫈又新又靚, 有別於大多數西餐廳Little Tipsy係無set嗌嘅, 咁樣反而flexible好多.>凱撒沙律配海蝦 (HKD98)羅馬生菜每片都係完整而均勻塗滿沙律醬, 當中有超薄片烘麵包, 大大片巴馬臣芝士, 脆脆煙肉同埋四大隻煎香海蝦. 食材夠哂新鮮高質. >海膽意大利飯伴巴馬臣芝士及脆玉瓜 (HKD228)見到”海膽”同”Risotto”已經流哂口水呢! 果然, 一大”執”新鮮海膽整齊排喺碟正中間, 意大利飯都係海膽嘅顏色, 想必大廚用了勁多新鮮海膽燴意大利飯, 味道香濃得誇張❤️之餘巴馬臣”芝”味都突出到, 脆玉瓜切成小粒所以成件事味道同口感俱備, 勁正!! >慢煮西班牙黑毛豬配大蒜伴洋薏米(HKD258)是日推介嘅黑毛豬果然無令人失望😍, 以慢煮烹調普通豬扒已經非常tender, 何況係矜貴嘅西班牙黑毛豬? 切好一片片黑毛豬勁易切, 肉質嫩到一個點完全無筋,

🥗 沙律無論係生菜、麵包、煙肉都係原片上，口感清新爽脆。🦐海蝦微微煎香，肉質彈牙。🥩烤安格斯肉眼扒配蕃薯條及田園沙律肉眼扒唔算厚身，不過幾大塊。叫咗medium啱啱好，鎖得住肉汁。🍠伴碟嘅蕃薯條香脆清甜，唔使特別點醬，番薯嘅甜味令人欲罷不能😂 🐷慢煮黑毛豬上碟已經切片同擺得好整齊，可以睇到每片肉都係粉嫩嘅粉紅色紅，入口嫩滑一d都唔韌。本身見到配到配菜有大蒜有所卻步，因為我唔食蒜🙈店員解釋唔係平時嗰種蒜，係leek😂🍰最後食埋個甜品😋第一層係焦糖mousse ，中間夾住啤梨粒，個底係海綿蛋糕，加埋伴碟嘅raspberry，唔會甜到腬。整體而言，食物質素唔錯，仲有各類嘅酒，環境舒適，不失為一個聚會/慶祝嘅好地方🙂

Little Tipsy喺觀塘滙豐銀行樓上，門面光鮮明亮，應該是一家頗新的店。店內也是一貫的明亮，用上一些幾何圖案，設計很Modern，讓人覺得舒服放鬆。50dB IPA $68店員介紹的手工啤，鐵罐的頂部可以整個打開，可聞到非常清新的花香！酒帶微甜，然後有頗重的回甘，很不錯呢！最重要很香港製造，點都要支持下！凱撒沙律配海蝦 $98生菜是完整一片片上的，十分冰涼爽脆，煙肉片、麵包和芝士也是一塊塊的簿片，整個沙律的口感就像吃薯片一樣！而煎香了的蝦肉結實彈牙，又香又美味。焗北海道帶子配蟹肉 $108忌廉菠菜蟹肉醬汁，包著帶子再去焗，帶子肉厚夠鮮甜，整體十分惹味可口！慢煮西班牙黑毛豬配大蒜伴薯蓉 $198伴碟雖與餐牌的描述有點出入，但這個南瓜蓉、豆角加榖物的配搭也是非常好吃！慢煮的豬肉是粉嫩誘人的粉紅色，口感極為嫩滑軟腍，只需用刀輕輕一拖就能切開，而且肉味香濃，沒想到豬肉也能做到近乎入口即化的境界，大推介！朱古力心太軟伴雪糕 $68經典的甜品，Little Tipsy的上菜方式是雪糕球放在朱古力蛋糕上面。把蛋糕輕輕打開，半溶的雪糕和流心朱古力會溝成漂亮的雲石紋。

自從公司搬咗嚟觀塘之後，先至發現原來觀塘都有很多餐廳！ 而我就經常可以享下午時間或者晚飯時間去發掘一啲又好味又抵食嘅餐廳。今次到王子大廈嘅Little Tipsy食晚餐，餐廳裝修以現代風格為主調，畀客人有溫暖舒適的感覺！看見餐牌上的菜式都很多選擇，本身想叫生蠔的但是餐廳還未攞牌所以要下一次了！今次我們點了凱撒沙律配海蝦$98，法式炒薯仔配辣肉腸及火箭菜$98，廚師推介意大利飯$138，西班牙烤雞配烤薯仔$188，意大利芝士蛋糕$48。法式炒薯仔配辣肉腸及火箭菜 ~ 有一隻溫泉蛋可以撈埋薯仔和辣肉腸及火箭菜一起吃， 味道控制得很好，有少少辣又惹味。凱撒沙律配海蝦 ~ 海蝦爽口又新鮮，除了新鮮的沙律菜之外還有炸麵包和炸煙肉，如果沙律醬可以再多一點就更加好。廚師推介意大利飯 ~ 喜歡意大利飯的原因是因為口感煙韌，這一道菜又香又creamy，還有爽口大蝦值得推介！西班牙烤雞配烤薯仔 ~ 用香草烤的雞特別香， 雞髀肉相當嫩滑，但是雞胸位置比較鞋口。 但很欣賞烤薯仔感覺健康又好味。意大利芝士蛋糕 ~ 就算食到幾飽都一定要吃甜品，這件蛋糕的甜度適中，味道不錯吧!Little Tipsy的菜式味道不錯