甜入心 (Closed)

深水埗出名多野食，食完晚飯，梗係要搵甜品作個完美的總結啦，甜入心其實我試過其他分店，印象只係一般般，但本人對椰咩椰乜實在好中意，甜入心算係做得幾多花臣的，路過就俾多次機會佢吧！入到先知原來佢係總店，員工都好熱心介紹(可能當時無咩客)因為剛剛有新既款式推出，咁我地都叫左個西瓜中豆花來試下，有驚喜呀，紅色豆花，質感好似JELLY，如果勁熱入來食一碗凍西瓜豆花，真係好爽呀 不過$49 真係貴左少少囉我就覺得！坊間大部份甜品店的椰皇都係用蛋白燉，這裡係用椰水整成的JELLY，可能迎合夏天吧，味道都好好，整體來講，今次總店令我對甜入手加回不少分數，有心的甜品店呀，會不停推出新野，仲請左我地試佢既新產品，叫我們俾意見，加油，支持有HEART的食店。