安利魚蛋粉麵

Open Now

Now Closed

價錢唔係特別平，真的; 要排隊，真的; 服務唔好，真的; 環境一般，真的。但特別好食，如果你唔可以為食而忍受以上缺點，就千祈唔好去，等其他人排少咗隊，你同大家都少幾份怨氣，可算功德無量。切腩魚片撈粗- 用香香的醬油處理過的粗麵，加上濃濃肉味又冧的牛腩，非常高質。相對魚片就普通了，不過雙拼加4蚊值得要埋。因為粗麵處理過，是有點鹹，未必人人接受到。但不要用湯去溝淡，個湯其實差唔多濃味，我朋友溝淡唔到反而會破壞咗個撈麵。奶茶- 濃香茶味。上餐上得好快，無需要催，又有單可以check有無漏單，其實可以同伙記零交流。

𝙝𝙞𝙜𝙝𝙡𝙮 𝙧𝙚𝙘𝙤𝙢𝙢𝙚𝙣𝙙𝙚𝙙 𝙗𝙮 𝙖 𝙛𝙧𝙞𝙚𝙣𝙙 𝙬𝙝𝙤 𝙡𝙞𝙫𝙚𝙨 𝙞𝙣 𝙨𝙝𝙖𝙪 𝙠𝙚𝙞 𝙬𝙖𝙣 𝙖𝙣𝙙 𝙮𝙤𝙪 𝙢𝙪𝙨𝙩 𝙩𝙧𝙮 𝙩𝙝𝙚𝙞𝙧 𝙘𝙡𝙖𝙨𝙨𝙞𝙘 𝙣𝙤𝙤𝙙𝙡𝙚 𝙨𝙤𝙪𝙥! 𝙗𝙚𝙚𝙛 𝙗𝙧𝙞𝙨𝙠𝙚𝙩 𝙖𝙣𝙙 𝙛𝙞𝙨𝙝 𝙘𝙖𝙠𝙚 𝙖𝙧𝙚 𝙢𝙮 𝙛𝙖𝙫𝙤𝙧𝙞𝙩𝙚. 𝙮𝙤𝙪 𝙢𝙖𝙮 𝙜𝙚𝙩 𝙖 𝙘𝙤𝙢𝙗𝙤 𝙤𝙛 𝙩𝙬𝙤 𝙩𝙤 𝙛𝙤𝙪𝙧 𝙞𝙩𝙚𝙢𝙨 𝙞𝙛 𝙮𝙤𝙪 𝙡𝙞𝙠𝙚!.有個住喺筲箕灣嘅朋友幾乎隔日嚟食魚蛋粉，搞到我都心郁郁專程過嚟食返碗牛腩魚片米，爽腩同坑腩一早賣哂得返切腩，瘦牛腩牛味重又軟稔唔痴牙，偷食咗朋友一舊牛筋好入味，滑到雪一聲咁跣落喉嚨，另外魚片頭都好彈牙，值得一讚嘅係而且呢度湯底調味較淡有別於坊間嘅粉麵店，飲埋湯底都唔會口渴😋 奶油多由兩塊熱辣辣脆卜卜嘅厚多士夾住冰凍牛油同煉奶，可以一試！

每逢夏天，去石澳沙灘之前，指定動作到東大街搵食，呢間貴人少少但又偏偏要幫襯，原因就係食開有感情，佢地啲夥計個個好有性格，佢哋未必會對你笑面迎人，不過呢啲地道餐廳往往就係有咁嘅人情味，人總是犯賤的千祈唔好午市或者假日嚟，一定大排長龍，食嘢都會影響心情，雖然係為食而食，但係都唔好背脊頂背脊吖印象佢哋重新裝修都有兩年左右，簡潔舒適，好多人都特登揸車嚟食，儲落好多熟客價錢貴唔貴？見仁見智，不過個人覺得好食嘅嘢，就算貴少少都係值得嘅魚蛋河⭐️⭐️⭐️⭐️⭐️另一半最愛魚🐟蛋河，佢話河粉幼滑，與別不同，魚蛋魚味特出，彈得來你會覺得有豐富膠質，湯底清甜，食後沒有口乾感覺切腩片頭撈粗⭐️⭐️⭐️⭐️⭐️黎呢度都係為咗佢，配搭滿足晒我所有願望一囗坑腩，一囗魚片頭，再沾上一口滿佈蔥花的上湯，特登嚟食都有價值鮮油奶多⭐️⭐️⭐️⭐️⭐️必食三寶之一，我又點會忘記你吖，外脆內軟嘅多士，包住慢慢溶化嘅牛油，加埋煉奶嘅香甜，無可抗拒加多杯港式凍奶茶少甜，就更加perfect啦，另外提提大家呢度逢星期四休息，唔係摸門釘就唔好啦

每逢去石澳沙灘游完水之後，一定會來東大街利安餐廳，食下呢個切腩片頭撈粗🍜，蔥花上湯，浸上一口鮮味腩肉混入粗麵，味蕾即時投降份量啱啱好讓我可以享受多一件鮮油奶多，脆囗加上開始溶化嘅牛油，滿足極了，再啜上一啖我喜歡的凍奶茶少少甜⋯⋯幸福指數爆燈😋凍奶茶少甜，凍檸茶少甜，完美的配搭，雖然價錢比其他粉面餐廳會貴少少，但係要食好嘢，貴少少我都覺得好值得，如果你繁忙時間來的話，可以話俾你聽，真係一位難求，我覺得佢係食魚蛋粉麵嘅冧巴溫

又到Tea一Tea既時間, 今日行經過筲箕灣就緊係要去安利食個遠近馳名既鮮油多! 順便食埋最愛既切腩片頭撈粗。食物質素亦保持一貫水準! 雖然店面已經好多顧客,但店員好快就幫我搵左2個位, 服務真係抵讚! 安利既切腩片頭撈粗賣相已經非常吸引, 片頭食落去爽口彈牙,尤其係炆得好入味既切腩，的確係好嫩口,好淋！ 而安利的鮮油多, 由於係即叫即做,所以都要等少少時間, 多士烘得恰到好處,呈金黃色！加埋片鮮牛油，真係味覺既享受！！

路經東大街，當然要一嚐好評如潮的安利。甫坐下，毫不猶豫地點了招牌菜—切腩片頭撈粗。或許期望愈大失望愈大，牛腩沒有想像中的口感，反而與乾柴不遑多讓；幸好片頭水準不錯，非常彈牙，而撈粗的味道及麵質亦頗高。建議可避開牛腩，改點片頭魚蛋撈粗，相信會倍感滋味。值得一提的是他們的辣椒油，無論外觀和氣味都看似平平無奇，然而小小一滴便倍有辣味，喜歡吃辣的朋友不妨一試。至於環境方面，餐廳非常乾淨，沒有一般魚蛋粉店的油膩感。可是，從友人碗內，頻頻發現短小毛髮，希望餐廳可以有所改進。

對上一次去「安利」已是一年多之前的事，今日再來原店已經從新裝修，雖然安利本身沒有甚麼情懷，但見到新簇簇的格局，感覺上有點陌生。 這天下午四點過後也坐到七成滿，可想而知假日和繁忙的時間有多恐怖。 一年前，我已經決定如果再來「安利」，不會再吃牛腩，因為和柴沒有分別，可惜，一坐下便如鬼迷一樣，點了切腩片頭撈粗。結果沒有失望，味道沒有變，豉油和撈麵的配搭很好，魚片炸得香口；牛腩呢？一樣冇變，又乾又瘦，柴也。如果有下次，找人提提我，不要再點他們的牛腩好嗎？

中學時代在筲箕灣上課，午餐也會光顧這間大名鼎鼎的老字號。當時零用錢不多，叫的只是16元一碗的魚蛋河，份量剛剛夠填肚。還記得每次來到總是人頭湧湧，幫手落單的是個記性很好的叔叔。他不用紙筆抄寫，卻能一次過記下五六個客人的「柯打」，而且可以準確無誤地把食物送上。我們一班同學無不嘖嘖稱奇，如能擁有叔叔這種「特異功能」，讀書時相信更能事半功倍。出來工作後，很少再經過「安利」，只是偶爾從書友的口中得知它的家族糾紛，一舖分兩店，相比下質素如何。最令人傷感是叔叔離世的消息。今天重臨，無論地點、裝修、侍應也人面全非。相同的，就只是食物的味道。很喜歡這碗切腩片頭撈粗，魚味很濃很鮮，粗麵彈牙，豉油的甜度適中。美中不足之處是切腩略嫌韌了點。細嚐這碗麵的同時，以往上學的片段，慢慢在腦海中浮現。

安利絕對是東大街的一哥，名氣和人流及都是No.1。經常有人願意額外多付三百二十元，也要光顧這間人氣名店。我以前每逢到東大街附近工作，都會毫不考慮到安利吃馳名的切腩片頭撈粗。飯後請不要吃糖水了，因為你會更需要一支一公升蒸餾水。或許是時候轉轉口味了！