Read full review
2019-01-18
6680 views
老婆嘅教會年年元旦都會搞大旅行,次次都大規模架,不過,因為年齡層分布廣,所以,要搞去邊都好有難度。今年,就去咗大埔海濱公園,然後再到沙田嘅麗豪酒店食自助午餐。呢間餐廳幾年前都嚟過,同樣都喺食午餐。一行百幾人浩浩蕩蕩嚟到「濠餐廳」,因為我哋都嚟得早,到步都未夠12:00pm,所以,本來頗空盪嘅用餐區一下子被我哋塞到爆。環境裝修簡約,我哋剛好被安排坐晌落地大玻璃旁,光猛更感開揚。先介一吓午餐有咩嘢食,雖然,睇勻就唔覺有咩貴價嘢喇,但種類、款式都算多。而大部分食物都集中晌中央區,其次嘅,甜品及飲品就安置晌附近另一組區域。沙律、生果5大盆沙律菜、10多款配料、4款醬準就喺組成沙律吧嘅陣容,話多唔多,話少唔少咁啦。唔鐘意自己搞嚟搞去,仲有8款預製好嘅沙律,喺沙律嘅懶人包。沙律旁放有幾款生果,喜歡嘅話亦可以拼埋沙律一齊食。冷盤、芝士盤冷盤類有啲煙三文、切肉腸、肉卷……之類,款式較大路常見,唔算好特色。反而,芝士嘅選擇就比預期多喎,有成4款,有軟,有硬,但最鍾意喺佢已經切好晒一嚿嚿。慣性,第一碟點都喺要食啲沙律及生果先,堅可以開開胃增加戰鬥力,因為沙律陣容都唔算強勁,就再配啲冷盤嘢,就成為小弟嘅頭盤
5大盆沙律菜、10多款配料、4款醬準就喺組成沙律吧嘅陣容,話多唔多,話少唔少咁啦。唔鐘意自己搞嚟搞去,仲有8款預製好嘅沙律,喺沙律嘅懶人包。沙律旁放有幾款生果,喜歡嘅話亦可以拼埋沙律一齊食。
冷盤類有啲煙三文、切肉腸、肉卷……之類,款式較大路常見,唔算好特色。反而,芝士嘅選擇就比預期多喎,有成4款,有軟,有硬,但最鍾意喺佢已經切好晒一嚿嚿。
如大多數自助餐,都喺一款中湯,一款西湯,雖然有個牌仔,不過都只喺寫住「中式例湯」,飲落先知喺乜。而餐湯旁就放咗多款麵包,軟硬兼備。
一向啲人想回本就會晌凍海鮮度搶灘,亦喺盡見港人貪婪之地,因為見過有兩枱人,一趁長蟹脚翻貨,亳不留情就扒滿一整大碟。稍為貴價啲嘅只有長蟹脚,其次仲有青口、大蜆、凍蝦、翡翠螺,補貨較慢。
雖然,小弟晌自助餐一向都好少食呢個類別嘅菜式,皆因質素普遍都喺普通貨色,不過,都稍稍介紹下。刺身有3款,包括三文魚、油甘魚及希靈魚,再另一邊有啲烏冬、冷麵、墨魚仔及什錦壽司。
由於客人太多,都好難咁慢慢影相,加上小弟今日狀態一般,食嘅嘢唔太多,唔能夠介紹得太詳細。熱盤嘢憑記憶及相片,大概有16、17樣左右,選擇唔少,足夠應付到絕大部份人嘅需要。
雖同屬熱盤嘢,但都專登分開嚟寫,因為真喺將食物區一角全擺放咖喱類食物,而且,更放咗清真認證證書出嚟,表示啲雞牛羊喺經過頌經,適合信奉回教人士享用。
由頭到尾,見佢都喺主要得燒豬脾,如果有多款西冷或肉眼就好嘞。
由於由電梯一轉就進入餐廳範圍,所以,好少人留意到出面泳池旁仲有一個戶外燒烤區,當中更提供原條燒魚,仲有雞翼、豬扒、烤野菜、菠蘿……等等。
由門口位,再轉角嘅長枱,擺咗好多甜品,的的骰骰又有、原個裝蛋糕又有、中式西式兼備、即製班戟機啦……等等,概略目測,絕對超過廿款。
午餐都有呢兩個品牌嘅雪糕,算喺咁喇,而且,放滿兩大個雪糕櫃,口味亦有唔少,雖然狀態未喺十足,但點都要淺嚐番少少。
呢方面比唔少高星級嘅自助餐選擇多,除啡茶,一入門口位就有好多韓國樂天嘅罐裝飲品,任攞任飲,立時有啲似去咗食日式放題或任食韓燒,哈哈!
Post