泰園 (Closed)

有少部份泰國基因嘅我，上星期先自己挑戰整泰式鳳爪，今日就同班嗜辣既朋友黎挑戰泰國菜，發掘泰國之樂園，為之後既泰國trip打打底。柚子蝦沙律依家天氣好熱，開胃菜最啱食啲有涼又好味嘅沙律。柚子蝦沙律都算係泰國菜必叫，因為呢款菜集齊鹹(魚露)、酸(青檸）、甜(柚子）、辣（辣椒）既味道，最鐘意嗰啲炸香咗嘅乾蔥同埋蒜頭碎，柚子超甜多汁。椰汁雞湯同冬陰公嘅材料基本上係一樣，入口舒服，因為微辣，而且充滿椰奶同南薑嘅香味。生醃奄仔蟹 （必試招牌菜！！！）生蟹除左醬油蟹真係無試過，今次泰式真係第一次，奄仔蟹蟹膏鮮黃色好多好肥美甘甜，而且蟹肉鮮甜嫩滑，可以直接吸入喉嚨，大量蒜片、辣椒同蒜蓉可以提升其鮮度。泰式海南雞上桌一見係超黃既黃油雞，外皮具光澤，雞肉超滑及非常夠味，加埋佢個泰式辣醬及薑蓉真係無得頂！辣爆海旋風呢個辣椒醬係餐廳秘製，我地order左特辣，一撈見到紅油滿佈同粒粒既辣椒籽，真係睇見到興奮。東風螺索曬辣椒汁，肉質爽滑，超正！南瓜海上鮮原個鮮南瓜整，海上鮮有大頭蝦、魷魚同魚柳等，呢個係較杰身d有加蛋既紅咖喱，入口比較帶甜，同海上鮮相襯，岩怕辣d既朋友，而且送飯一流啦!魚生拼盤各款刺身都可以配豉油

近來泰菜店真的愈開愈多呢，而且都各有特色。小妹前幾日就去左尖沙咀金馬倫廣場，開張只有三個月的「泰園」品嚐了一頓美味泰菜。.店內樓底夠高，餐廳環境又夠大，坐位與坐位間夠寬闊，又有卡位坐，感覺頗舒適。.餐廳內仲有海鮮吧呢，即揀即燒，望上去都相當吸引!.最近天氣又開始熱返，所以坐下先要了杯菠蘿冰，味道一般，都係青檸梳打好飲。.泰式生腌蟹 $198 (原價$280)以魚露、蒜頭、辣椒同酒去醃既蟹，醬油味唔會蓋過左蟹同蟹膏本身既鮮味，味道唔差。.活立魚刺身$258刺身擺放得相當美觀，望返價錢其實唔貴，而且份量都好足。平時唔食刺身既小妹都忍唔住食完一片又一片，食落質感柔軟幼嫩，感覺好鮮味。.刺身拼盤 時價這一份拼盤包括了生蝦刺身、帶子、蟶子和象拔蚌。每款刺身食落鮮甜之餘，也感覺新鮮。記得要配埋所附既醬汁食，更加惹味。.象拔蚌味道鮮甜爽口，配埋泰式醬汁食好滋味。.四式拼盤 (蝦餅, 魚餅, 春捲, 香葉包雞) $188每款份量都比平時多，蝦餅同魚餅食落熱辣辣且彈牙非常; 春卷都夠香脆可口; 反而係香葉包雞味道比較普通。如價錢可再調低一點就更好。.冬蔭功湯 (小/大) $78/$168湯料好足，有魷魚

做飲食，區區都喺個戰場，好似泰菜館，晌飲食網站查一查，單單一個細細哋嘅尖沙咀區就有成30多間，雖話有本地客，又有遊客，但競爭應該依然劇烈。為慳成本，唔少餐廳都上晒樓，今晚嚟到新開無耐嘅「泰園」，唔止上樓，嚐泰菜要有個新態度，因為泰菜館仲有刺身食 ，的確少有。餐廳佔商廈全層，一出電梯就喺，用餐區呈L形，室內環境相當之大，樓底又高，灰色雲石，深啡木枱襯綠色皮椅，無一般傳統泰菜館嘅感覺，型格得嚟仲有少少科幻感 。靠落地玻璃窗一排位固然有街景睇吓，感覺好啲，不過，最裡面幾張卡位，因為挨背夠高，私隱度亦好啲。餐廳中央位置放有多款新入貨嘅海鮮，如：大元貝、貴妃蚌、大魷魚、虎蝦……等等，最啱做炭燒菜式，一嚐食材真味 。例行公事，梗先翻一翻餐牌，大概了解吓有咩選擇。由沙律、頭盤、肉類、海鮮、湯類、蔬菜、粉 / 飯、飲品及甜品，基本上一應俱全。雖話位處尖沙咀，但定價又唔算貴喎，好似頭盤咁，除泰式生蝦、螄蚶、拼盤外，大部份都喺五、六十有交易，肉類都唔過百，而飯麵都喺六、七十搞掂，實屬相宜。先嚟幾款飲品，朋友揀嘅椰青（$38），評語喺冰涼清甜，而椰汁冰（$20）或許有人覺得普通，但喜愛椰香嘅朋友，就會