夢工房西日料理 (Closed)

今日見到自己放假得閒，特登去到葵芳新都會廣場同埋葵涌廣場行下街。咁喺，行街之前梗係食啊我其中一樣至愛嘅日本野呢。見到夢工房有靚靚嘅美式裝修，而且又係任食放題，就入咗去食野啦。一入到去就見到有一大疊嘅點菜紙，估唔到有好多嘢食喎除咗正常嘅刺身，壽司同其他日式菜之外，佢仲特別在可以揀一個鍋底打邊爐，另外出面仲放咗各式熟食，飲品，甜品同埋雪糕等等。真係樣樣野食少少都夠晒飽啦。事不宜遲，一於食下嘢先:-刺身拼盤估唔到每一樣刺身都非常新鮮同鮮甜，特別推介貝類嘅刺身，唔係間間有任食可以叫的。焗蠔有黃金燒蠔同埋蒜香兩款味，兩款都一樣剛剛焗起，熱辣辣香噴噴。炸物仲試咗幾款唔同嘅天婦羅，一貫新鮮炸起同埋香口，正。蟹膏雞粥似係用足料煲咗一輪既老火粥，下火之選。另外重試左雞翼尖同埋燒汁炒牛肉，味道不錯的。火鍋日式湯底再配肥牛，豬肉，雞肉同埋韓式麵。湯底香濃比得上日式火鍋店，另類好選擇。

今日嚟到葵芳，估唔到葵芳竟然都有日式放題，價錢仲好抵，閒日19:00前入座價錢係$158位⋯⋯嘩！呢個時勢呢個價錢真係好難得！未食過都好，一試無妨啦！ 店內都算寬敞，裝修有點兒西式化，似食西餐的架局！ 近門口位有飲品自助吧，仲有甜品自助吧！ 同一般的放題無異，都係劃紙仔，簡單易明！食放題，首輪一定係揀刺身啦～店員好有禮貌地接過我們已劃好的order紙, 等了五分鐘都未到，令人唾涎的刺身拼盤好快便呈上⋯睇得出師傅真係好俾比機喎，因為個刺身拼盤堆砌得真係好吸引，而且有發光裝置，仲有噴煙特效！！勁呀！未食都先俾個like先！ 另加$78/位仲可以任食生蠔同松葉蟹段！生蠔係至愛，唔加錢任食就對唔住自己～ 生蠔真係好大隻，有手板咁大！而且仲肥嘟嘟，肉好厚！松葉蟹棒雖然每次上少少，但蟹肉鮮甜，口感實在喔！甜蝦size有手指般大隻，肉質鮮甜，唔錯！其他刺身都可以。 食完一輪刺身，跟住就到熱食，熱食選擇都幾多，蟹粥、炸蠔、串燒、天婦羅、清酒煮蜆⋯⋯出面一般放題有的食物，基本上夢工房都有！ 其中最特別，竟然有自選火鍋一欄！有三個自選湯底，想食咩湯自己話事！熱辣

夢工房西日料理葵芳葵義路2-10號新葵芳花園好爵中心商場1樓其實我都好少去葵芳，今日好友生日，當然在Openrice找家近佢既好野食，據聞夢工房放題性價比高，請來試試佢吧！其礎收費兩小時放題$168+升級版$78生蠔松葉蟹每人$168, 當然有人生日梗有大食大啦，加上…這個價錢又真係唔貴嘛！ 這裡有分入面同出面兩大庭，我早book就有出面個梳化靚位，環境真的好舒服！飲品任叫，除了有常見的康師傅外，驚喜位還有暖既康師傅在一個暖既維他奶櫃內，認真夠窩心！甜品櫃也夠豐富，有牛奶公司雪榚同百福豆腐花，但更窩心的是佢有埋Yogurt，仲有幾隻味，呢牌晚晚出街食，一陣食翻兩個乳酪先！ 食品種類非常豐富，當然二話不說就先叫刺身，基本上所有紙上既都想試…三文魚甜蝦Tuna墨魚片立魚蟹腳甜蝦無走雞，佢上檯既原來連埋升級版既生蠔松葉蟹放在一起…勁吸晴呀！當然先滿足手機先啦…佢肚餓嘛！哈哈！刺身就正正常常，Tuna同三文魚都屬中上，不過就要講下那幾隻美國生蠔，真係足手掌咁大隻，味道好鮮，不是超腥味那種，比好多酒店步飛的小蠔更正，如有朋友好少食生蠔的就一定會喜歡這款較易入口的，美國大蠔算是這晚其中一個驚喜。