韓味屋

Open Now

Now Closed

星期日 想帶男友到北角覓食醒起之前在附近上班的一間韓國食店再次光臨 全場爆滿 門面姨姨很有禮貌 我們點了泡菜豬肉蓋飯及石頭鍋飯圖片顯示是前菜 個人很愛菠菜泡菜豬肉蓋飯 泡菜夠味 又辣豬肉可以軟身少少 有d難咬開 石頭鍋飯！饞食的男朋友又點了海鮮煎餅超推薦！不乾身 又足料！偶爾想食韓國菜 會再次光臨

今日星期六，去北角做嘢，鬼咁熱又落大雨，其實都冇乜胃口中午又醒起丹拿花園果邊有間嘢有韓式生牛肉食即刻心郁郁過去揾呢間韓味屋，唔知道心水菜喺中午有冇得食呢！！？（之前係夜晚食）一坐低，揾極成張餐牌都冇生牛肉，唔通冇得食.....當我十分失望之際，問一問店員，哦，原來都有！只不過冇show出嚟不過要成138蚊！唔緊要，一場嚟到冇理由空手而回，一於去相！前菜是薯仔、瓜菜同腐卜主前是生牛肉餐牌我都post埋喺呢度

平日見佢排長龍，一定唔會去食，但琴日喺舊店隔離擴充多一間新鋪開張，即管去試吓，店內坐位都唔算好迫，服務員態度好，一大壺紅棗杞子水放喺枱，可以自己斟兼任飲，好窩心。一坐低就送上兩碟前菜，每碟都可以添一次，感覺良好。每位都送嘅胡椒海帶湯，好飲到唔停得口，好彩有得添多一碗。海鮮滑豆腐辣湯竟然冇胡椒海帶湯咁辣，都好濃味，海鮮都算多，物有所值。韓式伴冷麵，合格，沒驚喜。牛肉炒粉絲蓋飯定食，勁大碟，可以分兩餐食，味道好。

今日黎到一間好多人排隊既食店由於之前見到佢門口咁多人等所以都會有種衝動想去試下佢一LUNCH就去啦都要等咗成二十分鐘先入去入面好細 位有啲迫等位期間已經點定野食一入到去就有得食啦有啲前菜食下個薯仔幾好味 其他都一般般之後黎個主菜啦係雞肉黎既佢碟野好濕咁 我覺得麻麻地 唔算入味都唔算好味 淡淡地有個優點既 份量多餸既份量比較多除咗呢樣 冇乜好喇我覺得同埋個到既坐位坐得比較迫鋪頭太細冇計但我個雞肉飯都要成六十蚊我覺得唔太抵同埋真係唔太好食整體都一般般只係環境麻麻應該都唔會再去

嗰日同Mr C行開黎呢邊。見鋪頭剛剛開門，冇排隊（平時排隊排勁長龍！），咁難得，緊係入去食啦！之前食過，知道前菜可以免費添一次，既係話我哋可以試六款，正！首先係spinach, kimchi同薯仔。好味！九秒九食完，叫Mr C出去睇下可以另外添啲乜，哈哈！今次要咗芽菜，青瓜，魚仔。芽菜唔係好夠味；青瓜就冇乜，菜葉多啲，但嗰汁好味；魚仔就正常。另外有兩碗海帶湯-海帶份量少咗啲。Anyways，我哋點咗兩個湯飯。我叫牛肉粉絲湯飯（$60），Mr C就點咗個辣海鮮豆腐湯飯（$60）。我個湯飯先上台。仲係熱辣辣，滾湯架！份量都幾足。牛肉既質感就差啲。有幾舊好多根，好難咬。但粉絲好多，湯嗰味道好正。我放咗嗰飯入碗湯裡面，好好味！Mr C嗰湯飯都係熱辣辣咁，我試過味道，都OK！豆腐夠滑，海鮮有蝦，clams，等等。份量好似都OK！唯一覺得呢個地方實在太細。入去坐低肥啲都有難度。不過我都明。如果唔係，點做得住。我建議真係要早啲去，如果唔係真係要等好耐！

並非首次造訪, 食髓知味, 尊誠帶同太座再臨讓味蕾開Party! 兩個人簡單叫三個菜, 南瓜炆牛肋骨, 煎海鮮餅, 韓式炸雞.叫好菜後, 貼心的侍應禮貌端上前菜(可添一次)和熱湯, 前菜有一碟三款, 味道香口鮮美, 甜酸與辣程度剛好, 沉實而refersh. 湯有點來自黑椒的辣, 開胃!南瓜炆牛肋骨端上時, 南瓜陶空, 內盛牛肋骨至滿瀉,隨之侍應用長剪刀一瓣瓣剪開, 內盛之汁液流出, 牛肋瀉下, 南瓜有如花開之勢, 非常震撼!煎海鮮餅, 真係唔食都要試吓! 彈牙鮮蝦, 鮮嫩魷魚, 可以話係全香港最好食嘅韓式煎海鮮餅!最後上係韓式炸雞, 由於眼闊肚窄, 各人淺嘗一件後打包回家宵夜食.驚喜嘅係, 夜深打開外賣盒時, 香味四溢! 當然沒有當時即食的脆口, 但味道仍十分可口, 絕對係必食之上品!

去得韓味屋食lunch 預左等位,據聞12時已要等....因為座位太少啦。附近韓X家和其他高貴韓食店, 樓面又大又靚, 佢是名副其實up dup 小店, 要hea要談心就甭去了, 店內仲有溫馨提醒客人吃飯時不要玩手機, 你仲敢喺度hea?而且獨特規矩還不只一個。這店規定每人一定要點最少一個主菜或套餐,連幼兒也照計。即是如果你兩公婆帶1個幾歲豆丁也必須要點3個主菜以上(份量超大), 要有打包的心理準備。同事親身經歷過。但如果不帶小孩又等到位入去食, 就會覺得麻煩少少都ok. 因為食物味道實在好食過啲連鎖店多多聲, 而且大碟夾抵食, 又熱辣辣, 味道有少許調淡了的感覺, 但依然足料。我地5個人去食, 五大碟差不多一次上晒, 上菜超快, 食又食得過癮~還有一些貼心的地方, 就是奉送美咪的蘿白湯和微甜的紅棗茶, 令這頓豐富的午餐更完美~

第一次來這裡用餐，前菜可以無限添加，白飯也是。 前菜十分好吃~添了三次。我們兩人點了兩個set lunch海鮮辣豆腐鍋同特級牛肉蓋飯海鮮辣豆腐鍋大讚!很喜歡!下次會去試試看他們的炸雞~看到鄰桌點了炸雞，很大的一份，看起來很不錯哦~