哥哥添飯•妹妹泡茶

Open Now

Now Closed

為咗送別觀塘Office嘅哥哥，妹妹就專誠去到觀塘創紀之城搵食，哥哥仲揀咗呢間哥哥添飯妹妹泡茶。話晒都係商業大廈裏面嘅餐廳，以為唔使等位，點知平日夜晚都座無虛席，我哋都等咗一陣先有位，可見相當受歡迎。原因喺呢度價錢一啲都唔貴，而且仲有一系列嘅台灣夜市特色小食，可解一眾滯留香港嘅朋友的鄉愁。我哋分別叫咗晚市套餐，入面包括咗三款前菜，分別係椒鹽爆溪蝦、涼瓜、同漬物拼盤，我尤其鍾意椒鹽爆溪蝦，夠香口又夠高鈣，而且份量都唔少。原來哥哥都好滋陰，所以揀咗花膠胡椒豬肚雞配炸炸脆米同白飯，另外仲有燙青菜同時令水果，夠晒豐富，營養又夠均衡。花膠胡椒豬肚雞湯嘅胡椒味唔會太重，而雞嘅份量都唔少，而且又唔會過熟，肉質仍保持鮮嫩。湯內仲有大大件花膠，仲要唔只一件，足夠分埋俾妹妹食。而我自己就揀咗破布子煎封比目魚配蟹肉菠菜圈，同樣配埋三款前菜、白飯同時令水果。比目魚扒有兩大件，煎得非常香口，而旁邊嘅蟹肉菠菜圈亦做得夠精緻。既然同哥哥餞行，當然要叫得豐富啲（其實係我自己為食😜），所以我就指定揀咗我最鍾意嘅煙肉起司蛋餅。蛋餅入面有芝士同埋煙肉，雙重美味，非常香口。見小食價錢唔係貴，所以另外仲揀咗九層塔一口鹽酥雞球，

可憐既朋友仔今晚有排OT🙈 見佢咁慘我就去佢公司附近陪佢食埋個晚飯先由得佢再孤伶伶加班啦～(反正我公司行過黎都唔遠🤣)呢度既晚市套餐包左三款前菜，一款主菜同一款水果，擺盤吸引又精美😍我叫左紅燒牛肉麵(少麵)&熱水蜜桃果粒愛玉(少甜)，朋友揀左星期一三五限定嘅花膠胡椒豬肚雞&熱鮮手工製芋圓奶茶(少甜)，兩個都係配滷肉青菜😊椒鹽爆溪蝦好香口😋 食落好似台灣好出名果個蝦叔叔，不過呢個係迷你版😂牛肉麵湯底勁濃郁勁香😍 麵條彈牙👍 牛展厚身但略嫌唔夠淋，牛筋就好淋好入味😋熱水蜜桃果粒愛玉(少甜)有淡淡既水蜜桃同玫瑰花味，幾清香👍愛玉好有口感，呢個組合都幾夾😋花膠胡椒豬肚雞湯勁重胡椒味，都幾刺激😂用料超大方！！朋友淨係食料都食飽，飯都唔太食得落🙈佢大讚啲雞肉好似慢煮出黎咁，口感非常好👏豬肚唔會韌，花膠又俾得多，呢個set性價比超高！！❤️佢差唔多飲曬成碗花膠湯結果飲唔落杯芋圓奶茶😂 就決定拎返公司邊飲邊加油🙈🙈 祝福佢🙌

觀塘哥哥添飯 妹妹泡茶新式台灣餐廳😍個餐廳名非常特別 即刻就會俾佢吸引咗🤣加上餐廳門口嘅落地玻璃門 日頭食一定好打卡able!.🎈塔香松露台式燒雞 半隻 ($108)燒雞另外可以跟牛油果沙律或菠菜起司一口薯今次選擇咗試吓一口薯🤙而主角燒雞味道非常驚喜 雞皮燒得好香脆但雞肉反而又唔老 就算雞胸肉都仲係好juicy 調味唔算重 食到淡淡既松露味之外仲有少少雞味 建議大家點多啲跟咗嘅松露醬 真係超級香！.🎈麻辣紅燒牛肉湯麵 ($88)湯頭好清爽 唔係出面又油濃既味精湯 食完碗麵再飲埋湯都唔會口乾😋牛肉係入口即化個種 特別係牛展既筋完全淋哂咬都唔洗咬 冇牙都食到啊😍食個味道好平衝 係一碗高質既牛肉麵.🎈前菜雖然係套餐跟嘅前菜 但真係要專登攞出嚟讚一讚👉椒鹽爆溪蝦超級香脆 加咗椒鹽粉之後極惹味 秒速清哂😍就算單點都可以一試嘅前菜🤤👉漬物拼盤除咗有常見嘅酸瓜之外 仲有苦瓜同話梅嘅漬物🧐.🎈九層塔鹽酥雞球 ($28)新鮮炸起熱辣辣上枱就最好食😋最鐘意係伴碟既炸九層塔好香脆 雞肉都唔鞋 重口味人士表示如果鹽酥雞粉再多啲就更正😋.🎈混一式綜合手工芋圓 ($44)除咗混一式之外仲有另一款芋圓叫大三圓🤣分別