韓淼莊 (Closed)

好多年前喺呢頭返工嘅時候，已經食過呢間舖頭隔咗咁多年返嚟再食嘅時候品質依然高企嚟到呢間舖頭，我覺得必食嘢係炆牛肋骨前菜： 薯仔普普通通，泡菜嘅調味偏向甜同埋辣,唔酸既，我鐘意湯：足料，有蘿蔔有骨有肉好夠味主菜：上面隻大冬菇好厚身有肉地又入味牛肋骨望落同好似我地食開既牛仔骨咁樣，要提一提平時牛仔骨圍住支骨果個圈有個好un 既筋，呢度一樣炆到化開左，絕對輕鬆咬開，肉味慢慢滲出黎，入邊有好多蘿蔔全部都透晒勁入味，湯頭偏甜，不過都幾討好，攞嚟撈飯堅正最後生薑熱飲，可能佢比我d 水唔夠熱溶唔晒個底好甜總結：食過返尋味👍

呢一年半載，韓風大熱，炸熱韓燒開到成行成市。其實，要吃好味韓風，炸嘢同BBQ之外，一樣有好嘢食。浪子講緊既係大角嘴食街(正名係大成街)裡頭的一家開了好幾年的傳統韓風餐廳，走的是套餐路線。無火爐，無炸雞筒。有的是真正滾熱辣的石頭窩。兩個人，叫了兩個晚餐。這兒的價錢超平，$50一個石頭窩飯，有豬牛雞可選。當然也有其他炒飯或套餐。但兩個男人，都係食一大個石頭窩飯較飽肚吧。$50已包餐飲，可選紅棗茶，薑茶，雪梨茶等即沖特色熱飲，頗有誠意。先來四小碟前菜，聽鄰座的熟客說，可以換其他款式，如魚干之類。但浪子一時想不起還有甚麼前菜好吃，也就無妨，店方隨機選了四款給我們，都是很有水準的前菜。其中泡菜是好合格的，驚喜的是薯仔，煮得很稔很入味。約10分鐘左右，兩個熱騰騰的石頭窩就上檯。嗱嗱臨拍照後立刻將韓式辣醬和生蛋拌勻，最後一大窩足料的石頭窩飯。兩窩都好足料好好食，其中一窩的蛋較生，撈出來的飯比較好吃。難得是兩個窩都做到超多飯焦，一刮即起，絕不黏底。服務方面也很好，雖然服務生只有兩人，但可能場裡不太多客的關係，也serve得很快。裝璜感覺就較老舊，有點古早味的韓式餐廳，但這也真的是食傳統韓國餐的餐館。美

團購咗韓式食品，決定星期六去試試。優惠限於下午2:30後才可用，於是就2:30去到。由於當天早上跟朋友去了民華食豐富早餐，所以其實兩點幾都未肚餓。不過費事又要再找別的日子過來，於是都係食了吧！有三個餐可選，炆牛肋骨、石頭飯同燒豬肉。選了炆牛肋骨，配以白飯，加$1要了凍柚子蜜。凍柚子蜜完全不及格，超吝嗇所致，一點味道也沒有，超淡。先來前菜，有4小碟，kimchi, 魚乾、芽菜、酸青瓜。kimchi 好辣，魚乾太咸。炆牛肋骨，配以白飯，白飯整整一大碗，一看就知無辦法食得晒。炆牛肋骨，上枱時仍bok bok聲，好滾。牛肋骨份量好多，有7-8件，還有鮮菇同蘿蔔。蘿蔔炆得入味又甜又淋，牛肋骨也是，炆得好淋，肉炆到只是輕輕黏著骨頭，不錯，好吃的！個汁帶少少甜，正常地有層油，但撇咗層油，用汁來拌飯是不錯的。差點忘了，還有例湯，青紅蘿蔔湯，有味精。