水剌間

Open Now

Now Closed

👨🏻‍🍳水剌間 (九龍城)📍九龍城南角道60號地舖 「九龍城不能錯過的韓國餐廳😋」 呢間韓國餐廳有榻榻米！！😻除左味道好地道，燒肉都出色，見到隔離枱好吸引，老闆娘仲幫手燒🥹🫶🏻 每枱有餐具、熱茶、紙巾自助🤤柔和燈光，寬敞座位，坐得好舒服🤤員工又親切！！難怪七點左右已經幾乎滿席👍🏻 👍🏻🍽️前菜一間韓國餐廳好吾好食，睇前菜就知了🙈（有無人同我一樣都系咁覺得？？🙈）泡菜、菇類、土豆絲、芽菜、豆、菠菜全部都醃得好夠味、好正宗🥹 👍🏻🍽️牛骨湯（配白飯） $138必點‼️超好飲🥹甜蘿蔔、甜洋蔥，鮮牛骨熬製而成的湯，佢個甜味飲得出吾系靠味精🤤真系會飲吾停！！牛骨仲癲，好有牛味，好鮮，甩骨後啖啖肉，好滋味。配白飯就咁食/泡飯都好好食😋 👍🏻🍽️海鮮蔥餅 $138好大份😆重點系好！多！海鮮！！差吾多啖啖都有😋😋酥脆外皮，軟糯內餡，蘸埋醬汁，正🤤 👍🏻🍽️水冷麵 $108個人中意加埋黃芥末汁😝 （平時少見🙈）未加前系少少甜酸，加左之後雖然更帶酸，但系味道更加出更惹味🤤又夠凍，夏日消暑一流😆 👍🏻🍽️韓國青提汁 $10冰凍涼爽，解熱解渴，入面仲有青提果肉！！ 出面有張凳仔，有隻貓貓系到，餐廳門口放左貓糧，吾知系

朋友介紹我黎呢間食lunch, 因為真係好平!  佢啲lunch全部都係50幾60蚊仲要有埋前菜!燒牛肉係朋友點，我試左一啖，其實都係正常韓國食到燒牛肉既味，即係嗰種有好香洋蔥味加埋韓式牛肉醬煮出黎既味，係好食既，都係正常味~我點左豆腐海鮮湯，個湯無好紅既顏色，反而係有啲透明但面有啲紅色既油，海鮮有蜆、青口同蝦仁，而且仲有好多蔬菜，佢唔會好辣，應該唔食太辣既人都食到。不過個泡菜幾好味，我覺得佢感覺係一間好家常韓國菜味道既餐廳，無好特別好食既野，但係就係有平常既親切感，加上呢個價錢我唔會有太大要求

水剌間係九龍城一間新開嘅韓國餐廳，佢主打傳統韓式料理，唔單止廚師韓國人，會跟足韓國最地道嘅烹調方法，最特別係鋪入面有兩張傳統韓式矮枱，如果唔介意屈腳坐，都幾有風味可以當自己去左旅行咁。食物選擇唔算好多，不過烤肉、泡菜煎餅、炒粉絲、人參雞、豆腐鍋、部隊鍋、炒年糕、石鍋拌飯哩啲傳統韓菜樣樣有齊，全部菜式menu入面都有相睇，實物同相亦冇太大出入。一坐低，例牌先黎前菜，都係免費同無限追加，比較特別係有黑豆，唔多香港韓菜店見倒。調味豬肩胛肉($258) - 豬肩胛肉好大份，跟足韓國share plate份量，有四大塊，每塊都有手掌咁大。老細會一邊幫客人烤肉，一邊吹水，態度親切友善。燒烤板因為係斜放，所以一邊燒，油份會沿鐵板嘅一個缺口流落下面嘅兜仔度。烤肉切到細細件，啱啱好可以一啖一件。豬肩胛肉肉質好鬆軟，唔會燒到乾柴柴但又唔會成口油咁，因為本身已經有調味，食落甜甜地有啲似食緊叉燒咁，唔覺唔覺就成碟食晒。怕肥膩嘅可以用生菜包住食，另外仲有兩款醬汁可以蘸，不過我覺得就咁食已經好夠味。辣味炆牛肋骨($168) - 牛肋骨炆到好腍好入味，雖然menu有兩隻辣椒圖案，不過其實辣度都係小辣程度，裡面除左牛