怡東軒 (Closed)

午巿主力食點心，睇完餐牌後忽然任性，好想食乾炒牛河，於是喺原本的平實路線系列蟹籽燒賣皇、脆皮鵝肉餐包、安蝦雞肉咸水角，同呃 Like必選綠萼紅梅鴛鴦菌、有機茄子鱈魚酥，及雙生金魚餃伴鮑魚燒賣以外，加多碟乾炒牛河，埋尾甜品三寶有西米焗布甸、芒果布甸及黑白芝麻卷。燒賣皇同鵝肉餐包賣相平凡，勝在味道紮實。有兩款呃 Like必選點心攞過獎，其中鴛鴦菌一上枱，店員特意提醒好似藍精靈屋企的大隻企身菇，只係裝飾品，千萬唔好食咗佢。鴛鴦菌由兩件香煎野菌包，同兩件松茸蝦膠釀花菇組成，綠悠悠的草地，味似開心果。野菌包做到好似真花菇，同唐宮小聚的松露香菇如出一轍，野菌包係用雜菌做餡，味道當然唔及松茸蝦膠釀花菇。松茸味食唔出，蝦膠做得好彈牙，花茹夠厚身兼好香，好味過野菌包多多倍。相比下，另一得獎鱈魚酥同冇攞奬奬的金魚餃明顯失色，食一次就夠喇。任性之選乾炒牛河較預期大碟，有鑊氣，河粉薄身得嚟帶少少Q；牛肉份量多，具肉味；碟底冇一氹油，入口唔肥膩，越食越高興。雖然枱頭已有自家製XO醬同辣豆瓣醬，不過都係配隨牛粉上枱的辣醬一齊食最夾，食落似係余均益出品，唔知有冇認錯。甜品黑白芝麻卷屬必食，芒果布甸亦千祈咪錯過，面頭