功德林上海素食 (世貿中心) (Closed)

※本文以用餐當日的環境、服務和食物質素為準，口味亦因人而異，文章只作參考之用。 -向來都知道食素比食肉健康得多，但小妹實在係重口味人士，又偏愛食肉，所以食素對於我黎講真係遙不可及，偶然食下都仲可以既。機緣巧合，某次在元朗那間素食餐廳食左餐好好味晚飯 （可惜已結業），原來素都可以好吸引好好食，係爭在你點煮。是晚去左有數間分店的「功德林」晚餐，堅持不加味精、不加色素、少鹽少油！餐廳貴為有營食肆，榮獲不少獎項，包括2015-2017米芝蓮推介的素食餐廳，認真厲害。來晚飯的人可不少，有年輕的來聚餐、也有家庭樂和老人家慶祝的，可見素食已續漸年輕化，大家也開始注重健康，愛護地球。打開餐牌，前菜/冷盤、滋補燉湯羮、小菜、香辣小菜、暖胃鍋物、素面、甜品都有，另外有點心供應，但只供應到下午四點，所以今次食唔到想試的點心。(餐牌太多放在文末)雪梨橙汁、青瓜蘋果汁 各$38我倆各叫了一杯鮮果汁，小妹的雪梨橙汁清甜易入口，味道不會很甜可以證明無額外加糖；青瓜蘋果汁無加糖的關係，真無好勁青瓜味，蘋果味反而唔太明顯，就係健康的味道。田園粟米羮 $48味道比平時出面飲既清淡，感覺沒特別落鹽或糖，唔會好鹹，健康之選。

今日和太太往銅鑼灣功德林食南瓜雜菜湯, 功德林三拼盤、凍豆漿、皇帝菜苗餃、芙蓉木耳豆苗、上海冷面和高力豆沙加香蕉。南瓜雜菜湯, 南瓜味香濃, 鮮甜, 雜菜帶出鮮味, 好好飲。功德林三拼盤, 我們點了上海烤夫, 無錫脆鱔和脆皮素鵝。烤夫配上冬菇食落爽口, 獻汁好濃, 烤夫有啖啖獻汁、美味；脆膳煎得乾身香脆, 配上芝麻好香甜；素鵝煎得香口, 裡面的配菜爽口, 油而不膩凍豆漿好香豆味, 味道香甜, 解喝一流皇帝菜苗餃, 熱辣辣, 菜苗好爽口, 皮薄餡靚, 好好食芙蓉木耳豆苗, 有蛋白, 木耳和豆苗, 蛋白好香滑, 木耳好爽口, 而豆苗好新鮮, 整個送食落好爽口上海冷面, 份量十足, 配上蘿蔔絲和青瓜絲、醬料有沙薑, 甜醬、辣醬和醋等, 冷面好爽口, 蘿蔔絲和青瓜絲好清甜, 配上沙薑, 甜醬、辣醬和醋等食落口感很多層次, 食落好開胃。高力豆沙加香蕉: 上桌時熱辣辣, 香蕉好香甜, 豆蓉好香滑, 食落不覺油膩, 好食的中式甜品。今晚素菜好豐富, 好好味,坐位環境舒適, 邊食晚餐邊看維港夜景, 正!