好運印尼餐廳

Open Now

Now Closed

呢間米芝連推介餐廳我儲咗好耐，難得今晚阿仔同老公嚟觀塘陪我食飯，一於就的起心肝去食印尼餐。餐廳個位置非常之唔就腳，仲要行上一條長命斜路，如果唔係特登要來，一般人應該都唔會揀喺呢度食飯。呢間餐廳細細間，嚟呢度食嘢嘅人似乎都係係熟客。佢哋嘅餐牌非常之簡單，係嗰種一啲都唔花巧，實實在在煮俾你食嘅餐廳。因為老公同阿仔都唔熟悉印尼餐，所以就由我揸fit。嚟得試餐嘅，就諗住嗌多幾樣，食唔晒最多就打包攞返屋企。首先要咗半打沙爹，雞、牛、羊，每樣兩支。呢度嘅沙嗲仲有豬肉的，不過印尼係回教國家，基本上唔會有豬肉沙嗲。啲沙爹味道唔錯，唯一唔係咁滿意的就係佢嘅沙嗲醬係預先撈喺上邊的，唔似其他餐廳會另外上沙嗲醬，俾人客自己沾嚟食。主食要咗印尼炒麵同印尼黃錦飯。坦白講，個黃錦飯味道係可以的，但係比起印尼炒麵就遜色好多。呢個印尼炒麵真係超超超好食，我已經好耐冇食到咁好味，炒得咁香嘅Mee Goreng 喇！另外一個我想念的就係梭多雞湯。呢度嘅梭多雞湯同我心目中嘅都有幾大出入。雖然都叫做足料，但係俾我嘅感覺係佢多汁而唔係一個真正嘅湯，所以有少少失望。既然食得印尼菜，咁就一定要試佢嘅加多加多。唔知道喺唔喺今晚嗌嘅餸太

細數在觀塘區可以經營三十年的小店中，呢間小店一定入圍 ……好運印尼餐廳。由推門一刻，就有80年代的味道。門，是木框的，整間店仍存在當年的裝修風格。感覺陳舊，但絕對乾淨。由於小店是家庭式經營，他們視店舖如家，所以非常乾淨，完全沒有油煙，地下，牆身，枱面，餐具，出奇的清爽。雖然由2013年起，每年都在米芝蓮指南推介內出現。但我個人喜愛，並不是因為米芝蓮推介，而是它能給我家的味道。是日替我們落單的是一名伯伯，溫文，有禮。而送餐具的姨姨亦得貼心，應該怕枱面不潔，所以請我們親手接筷子，因不想筷子放在枱上。雖然菜式味道並不驚人，但絕對有家的味道。何為家的味道？我會打個比喻為健康。當晚我點的不外乎炸雞，炒米，沙嗲等等。但在碟上，你唔會發現有多餘的油份，味道亦不會太濃，恰到好處。致於值得推介的會有三樣，沙嗲羊及雞串。羊及雞都很嫩，沙嗲醬好味。當晚我亦有叫牛，但稍為有筋。而另一樣推介是炒米粉，唔油，香口。第三樣是雜錦飯，因可以試多種配菜。總括而言，這小店絕對值得一試。溫馨提示一下，他們8點鐘只是last order，所以建議大家唔好太遲入座，否則就不能細味這份家的味道。

好運印尼餐廳係米芝蓮推介餐廳,咁耐只係得一個差評,就等foodki同同事一齊試下,因為今次係成十個人一齊食,所以叫左幾多野食menu好運印尼餐廳@觀塘加多加多(7.5/10)($45)係印尼隨處可見既印尼菜,亦可稱為gado gado 或者Lotek。Foodki會稱呢道菜係印尼沙律。材料有豆腐卜,烚蛋同蝦片等等,淋上自家製既花生膏,作為前菜真係好開胃,花生膏沾上蝦片真係好正。foodki有個同事係印港混血兒,佢都話呢道菜夠正宗。好運印尼餐廳@觀塘印尼春卷(6/10)($45)呢個有啲似小學食既咖哩角,不過春卷樣,都係唔錯既小食。好運印尼餐廳@觀塘印尼黃錦飯(8/10)($55)即係雜錦黃薑飯,乜野都有啲,岩曬貪心既香港人食,佢有巴東牛肉,印尼炸雞,蛋,花生,芽菜,青瓜同肉鬆(?)。味道非常好食,首先講講黃薑飯,一食入口有好香既薑味,炒到粒粒分明,配上花生同埋其他配料送飯真係一流。再要講下巴東牛肉真係好腍好入味,少少辣,好開胃好好食,而炸雞就覺得有啲乾身,有啲失望。整體黎講,呢碟飯真係推介,因為乜都可以試下,食左半間好運既野食,哈哈。好運印尼餐廳@觀塘印尼炒麵(7/10)($55)炒麵

今日終於同肥妹仔試左呢間印尼菜!!其實佢餐牌真係幾單調, 種類唔多...但勝在實而不橫... 都值得一試!!我地叫既頭盤: 加多加多沙律!!呢個沙律最好味係個醬汁,但係一邊食都諗唔到點溝出黎!!不過真係好惹味, 增加食慾!!加埋佢D蝦片, 食落好有層次!!牛肉沙嗲啱啱燒好即刻食,條條熱辣辣, 牛肉又唔韌!!加埋佢個醬料認真一絕!!印尼炒貴勺之前去過好多間都食過!!不過呢間既炒貴勺特別之處!!就係食完個碟底竟然無油!!呢方面真係好欣賞, 唔會食到成口油淋淋咁!!但份量唔多, 如果你胃口大應該唔夠食!!酸辣牛肉呢個餸我係第一次試!!之前都係食巴東牛肉多呢!!但酸辣牛肉試過一次包你上癮!!酸酸辣辣食到出晒汗, 好惹味呢!!而且佢味道送飯一流!!不過份量都係唔多...綠豆冰甜得黎唔會甜到漏!!食完熱氣野飲一啖, 成身涼晒!! 正!!