加藤屋 (H.A.N.D.S) (Closed)

加藤屋 05.08.2021之前同事已經試過「加藤屋」日式鍋定食，覺得壽喜燒湯底好多油，所以怕怕。於是今次我試叫日式牛肉鍋定食（清湯底），點知清湯湯底都咁多油，即使用盡方法隔走也隔唔到幾多⋯⋯惟一方法就係只加少許湯落飯，放棄超油膩湯底。好彩牛肉鍋啲料算幾豐富、好味，有半隻蛋、蟹柳、獅子狗卷、豆卜、冬菇、生菜，牛肉就不多，三、四塊。另外，個定食話有泡菜，差啲以為漏咗⋯⋯原來飯上面幾條，份量好少，同平時見到醃製泡菜顏色不同。只要個湯底少油、走油，其實個定食味道不錯，可惜啲油好似唔洗錢咁，真係嚇怕人。另外同事叫「加藤牛肉飯」同「特盛麻辣牛肉飯」，牛肉粉量多，味道不錯。05.08.2021 星期四午餐：日式牛肉鍋定食（清湯底） 日式野菜和西生菜各一盒 玄米茶

加藤屋下午茶時段，$15一份細牛肉飯/細豚肉飯，我個人喜歡在接近6時下午茶時段即將結束時下單，要兩份下午茶餐，總數$30, 吃得飽飽，就不用吃晚餐。雖然下午茶加價在即，加至$20一份，但依然很化算。