Video
Read full review
2018-07-14
275 views
呵呵....今日跟朋友又來我熟悉的觀塘區搵食, 今次唔係食西餐, 係食海鮮餐, 以後食海鮮唔使去到老咁遠嘅鯉魚門及西貢了。估唔到平日觀塘區嘅中式酒樓晚市都有咁多食客幫襯, 呢間囍雲天地理位置較為輸蝕, 我喺觀塘地鐵站急步行過來大概八~十分鐘, 可能因為位置輸蝕, 酒樓以平、靚、正海鮮餐吸引食客。餐牌十居其九都係海鮮, 外於今日又係兩條友撐枱腳, 散叫大大碟唔叫得幾多樣野, 掃完一輪餐牌.最終都係食二人海鮮餐 ~ 八道鮮味（$438 /2人, 免茶免加一）有飲品, 有鮑魚, 有蝦, 有埋龍蝦食, 仲全免, 埋單只需$438, 睇價錢及海鮮, 堅抵！至於質素如何? 試完話你知！椰青水 （套餐奉送）套餐包椰青水或橙汁或生力啤, 我哋揀咗椰青水, 入口頗清甜, 仲有粒粒椰子肉俾你咬下。礦泉水灼鮮鮑魚估唔到$438 套餐嘅鮑魚都有咁大隻。火候仲控制得恰到好處, 鮑魚剛剛熟, 爽口彈牙, 拈少許芥末豉油食, 鮮味更出紅燒皇子乳鴿每位半隻, bb乳鴿炸得皮脆肉嫩, 肉汁豐富, 乳鴿炸前已用滷水汁浸至入味, 夠香口。勁蒜蒸貴妃蚌貴妃蚌爽甜, 蒜蓉下得狠 , 非常惹味, 口臭都抵!白灼九節蝦九節蝦頗大隻
估唔到平日觀塘區嘅中式酒樓晚市都有咁多食客幫襯, 呢間囍雲天地理位置較為輸蝕, 我喺觀塘地鐵站急步行過來大概八~十分鐘, 可能因為位置輸蝕, 酒樓以平、靚、正海鮮餐吸引食客。
餐牌十居其九都係海鮮, 外於今日又係兩條友撐枱腳, 散叫大大碟唔叫得幾多樣野, 掃完一輪餐牌.
最終都係食二人海鮮餐 ~ 八道鮮味（$438 /2人, 免茶免加一）
有飲品, 有鮑魚, 有蝦, 有埋龍蝦食, 仲全免, 埋單只需$438, 睇價錢及海鮮, 堅抵！至於質素如何? 試完話你知！
椰青水 （套餐奉送）
套餐包椰青水或橙汁或生力啤, 我哋揀咗椰青水, 入口頗清甜, 仲有粒粒椰子肉俾你咬下。
礦泉水灼鮮鮑魚
估唔到$438 套餐嘅鮑魚都有咁大隻。
火候仲控制得恰到好處, 鮑魚剛剛熟, 爽口彈牙, 拈少許芥末豉油食, 鮮味更出
紅燒皇子乳鴿
每位半隻, bb乳鴿炸得皮脆肉嫩, 肉汁豐富, 乳鴿炸前已用滷水汁浸至入味, 夠香口。
勁蒜蒸貴妃蚌
貴妃蚌爽甜, 蒜蓉下得狠 , 非常惹味, 口臭都抵!
白灼九節蝦
九節蝦頗大隻, 顏色豔麗, 看似很新鮮。
果然係新鮮貨, 九節蝦煮得剛剛熟, 蝦肉結實, 鮮甜爽口, 若然你想更惹味的話, 可以拈少許芥未豉油伴食, 至於我呢......當然净食其原始的海鮮鮮甜
上湯花甲配粉絲
花甲加上大量香芹、椒絲、畺絲及冬菜, 花甲湯鹹、鮮、甜共冶一爐, 冬菜及香芹仲好鬼脆口添, 粉絲其實係呢個花甲湯嘅主菜, 吸曬花甲湯嘅鹹鮮。
清蒸游水海上鮮 ~ 倉魚
倉魚我通常煎嚟食, 未試過蒸, 蒸倉魚我總係覺得會腥, 呢度嘅蒸倉魚用上大量蔥絲, 淋上熟油及豉油, 亦可能係用游水貨, 入口完全不带腥氣, 估唔到倉魚都可以蒸得咁滑, 魚肉肉質一梳梳, 结實多汁且肥美, 那個蒸魚豉油鹹甜適中, 應記一功！
上湯龍蝦伊麵
龍蝦手掌般大, 每人半隻。
食龍蝦落口感似用新鮮貨, 蝦肉既爽彈又味鲜, 一啲都唔似雪藏貨, 淨係呢個上湯焗龍蝦及鮑魚已經值回票價, 上湯伊麵調味也適中, 食到呢度我跟朋友都覺得呢間食店喺調味方便做得適中, 夠味但唔會太濃鹹, 啱我呢啲最怕勁落味精既食客。
金銀蛋菜苗
食到呢度....其實我地已經好飽, 食埋啲菜幫助消化吧!
椰汁糕 （套餐奉送）
真係大方得體, 每人奉送兩件大大件的椰汁糕, 有椰子微香, 冰凍微甜, 食埋呢2件椰汁糕, 飽到反艇。
今餐結論 : 今餐每人$219 的飽到反艇海鮮餐, 海鮮新鮮, 火候控制得好, 調味適中, 超級超值之選。
Other Info. :
味道 : 4.5星
(The above review is the personal opinion of a user which does not represent OpenRice's point of view.)
Post
