CHOO CHOO (Closed)

我同女朋友係荔枝角行完街搵嘢食，記得朋友曾經介紹過一間喺長沙灣叫choo choo嘅餐廳，朋友話呢間西餐廳令佢回味無窮，所以擇日不如撞日，我同女朋友就搭地鐵搭一個站到咗長沙灣。餐廳比較偏遠，由地鐵站行左13分鐘到，中途仲俾啲街道號碼搞到行錯路，所以大家最緊要用Google Map ,地點就一清二楚啦！餐廳裏面嘅燈光適中，最適合同女朋友二人晚餐。枱同枱既距離都足夠，可以留翻啲私人空間同女朋友傾計。但最震懾到我嘅係呢兩部LCD電視，電視會播放不同風景既影片，你彷如置身係一架火車上，喺火車穿越另一個城市之際，你一邊享受晚餐，一邊欣賞迷人嘅風景。我足足望住部LCD電視10分鐘，因為喺火車上一邊食飯一邊欣賞風景係我由細到大所憧憬嘅，而呢間餐廳正正俾到我咁嘅感覺，所以我蕩失路都值得。講完「風景」當然要講番啲食物啦！我哋總共叫咗三道菜同埋兩杯飲品。第一個出場嘅就係五成熟既牛肩胛配露荀黑松露波特菇。賣相相當吸引，上面作裝飾嘅係牛油。我對牛肩胛認識不多，淨係知道佢嘅口感同外觀和肉眼扒差不多，但我食完發覺牛肩胛好少筋不特止，仲非常嫰口多汁，加埋啲牛油一齊食，口感更加豐富，呢道菜對女朋友嚟講可能係膩左少少，

早幾日，來呢長沙灣呢間餐廳食飯，野飲野食都唔錯，最驚喜系北京鴨卷同甜品！餐廳裝修好特別，以火車做主題，牆邊仲有螢幕播住風景，模仿火車開動叫左波蘿椰子特飲酸酸甜甜，做凍飲一流，開胃！而且個杯同杯墊都好令，配合火車主題熱朱古力加拉花，賣相取勝！北京鴨卷好似Keba ，不過係本地特色的Keba。厚厚的面皮入面係洋蔥，青瓜，幾舊鴨肉。麵皮經過烘烤，所以有幾香同脆，不過有D過厚。不過鴨肉就好鬼juicy 配埋濃烈的洋蔥同清淡的青瓜，好食又飽肚，正！                        墨西哥辣肉醬配脆酸忌廉牛油果醬，都幾特別，記得以前去外國就成日食呢D。辣肉醬唔係特別辣，配脆脆有D dry 。不過牛油果醬配脆脆就一流，搞到最後D脆脆只能配辣肉醬，牛油果醬如果可添加就更好啦！                        海鮮幾好食，D蝦，青口，食落幾新鮮。不過墨魚筒就可以再香口D，西班牙炒飯好似唔夠火候，飯有D硬。                        個甜品好驚喜，賣相無得彈，睇相就知啦！frozen cheese 夠凍，甜而不膩，切開舊cheese ball 入面流出ras

今晚黎到呢間o係長沙灣既cafe, 呢間cafe唔近地鐵站, 但都成日爆滿, 所以吸引左Vi今晚黎試試佢~餐廳環境好特別, 以火車做主題, 2邊仲播住外國既風景, 就好似置身o係外國既火車上面, 向住另一個目的地進發咁!其餘裝修都配合旅行同火車既氣氛, 好中意呢度既環境, 未食野已經好興奮野食選擇唔算多, 但好多都幾有特色, Vi同朋友點左慢煮三文魚配芥末醬, 泰式軟殻蟹墨魚麵同北京鴨卷~飲品要左呢杯Mix Berry, 用燈泡裝住, 賣相已經吸引, 不過味道好酸, 應該真係用左好多berry, 質感似沙冰~泰式軟殻蟹墨魚麵好香, 上面有原隻炸軟殻蟹, 墨魚麵頗彈牙, 無咩汁但都有好多香料同蒜頭既香味, 辣辣地幾好食~ 呢個北京鴨卷比想像中大份, 同埋其他地方比較小見, 鴨卷皮烘得微脆而且唔太厚, 入面包左鴨肉同青瓜, 仲有好香濃既醬汁, 味道係好好而且加左青瓜好清新, 但就食得有點狼狽, 一咬d料就流出黎~慢煮三文魚係Vi既favourite, 唔係度度有得食, 有得食都未必整得好食, 呢件三文魚既顏色依然紅卜卜就知道煮得剛好, 肉質十分滑, 介乎生同熟之間, 魚皮仲有小小脆tim,