大助燒肉專門店

Open Now

Now Closed

是日午餐又再次來到九龍城，不過今次唔係食泰國菜，而係日本菜。呢間餐廳都係我的必食推介之一，雖然餐廳主打日式燒肉，但其實餐廳的午市套餐、定食質素都不俗，尤其是刺身丼！！面對外面成36度的高溫，我實在不會想再食熱辣辣的湯麵或燒肉，一於食碗刺身丼涼快涼快啦！北海丼北海丼入面有三文魚、吞拿魚、三文魚籽及帶子4款配料，都幾豐富呀，而我最愛的吞拿魚亦無令我失望，微微的油香加埋厚厚的質感，好正；其他亦見鮮美，質素不俗。套餐附送沙律、味噌湯、日式蒸蛋及甜品。

好耐無黎九龍城搵食，同舊同事黎左呢度，水準依然高質呀！lunch早左半個鐘打電話book位，留左雅座俾我地，坐得非常舒服。大家都係嗌lunch定食，有味噌湯、中華沙律、茶碗蒸同甜品（迷你三角朱古力）。分別嗌左三款：北海丼（$98）、滑蛋鰻魚定食（$75）、滑蛋豬扒定食（$75）。北海丼食材非常新鮮！真係大滿足呀！特別係個油甘魚，真係入口溶化。試左一啖鰻魚都好唔錯！雖然menu好似普遍貴左，不過lunch又免加一喎！