爆丼屋 (Moved) New Location

早幾日見到朋友post佐張成碗都係海膽嘅丼飯相😍勁吸引，一心諗住今日要去試吓😜點知去到發現原來仲有好多款式嫁🙈睇到心大心細，最後揀咗呢兩款😜😜✨四重火山🔥盛丼黎到真係Wow一聲 !食材份量真係好爆滿😍拖羅蓉仲堆到好高🙈我識嘅呢款丼，除咗有拖羅蓉之外仲有三文魚籽、蟹肉同超多海膽😍😍😍開頭以為好小海膽嫁，黎到真係有驚喜🥰拖羅蓉口感幼滑,份量又多撈埋🦀蟹肉，三文魚籽口感豐富好滿足🥰另外一碗係✨北海豐盛丼呢碗我認為係抵食之選👍🏻入面有兩隻大赤蝦🦐帆立貝、海膽、火灸左口魚裙邊同三文魚籽最欣賞火炙左口魚裙邊，佢魚油味好香濃，兩塊真係唔夠喉，貪心😜多兩塊就更加正啦😝😝😝

想一嘗新鮮魚生飯旺角爆丼屋幫到你🙌🏻今日五點去到趕得切限堂食前食到我最❤️的三色海膽丼但只得加拿大海膽其餘海膽沽清😔雖然有少少失望但海膽癮起無計啦🤣不過原來嚟到個賣相同樣吸引🙀滿滿海膽鋪滿丼上😋有少少火炙味😚 好新鮮creamy食一啖成囗都係海膽嘅甘甜味😍跟住就叫咗個北海豐盛丼兩隻肥美嘅牡丹蝦爽囗鮮甜,三文魚子籽魚油濃郁停留喺嘴入面口感無法抗拒🤤帆立貝五大片都一樣鮮甜可口😬至於左口魚我就真係唔識欣賞啦感覺滑潺潺咁😂最後嘅爆盛蟹籽沙律一聽個名就知道啲蟹籽好澎湃加埋食到ShopShop聲嘅青瓜叫咗唔會後悔😎食完大滿足✌🏻感覺好幸福🥰

［北海豐盛丼］以前勁多人排隊反而無試過，但自從疫情之後，見少左人排隊就入去食下啦！哈～款式好多選擇，但我最鍾意一定係生蝦！！於是就叫左呢個北海豐盛丼，名副其實的豐盛呀～只係賣相已經夠晒霸氣，食落去都夠新鮮！有赤蝦、海膽、三文魚子、帆立貝、等等最欣賞係赤蝦，夠大大隻，入口都好鮮甜，真係大滿足！而帆立貝就中規中距，沒失準也沒大驚喜！最敗筆應該係海膽，比較腥，而且一點鮮甜都沒有～～失望！希望有更好的改善～～另外，飯既份量真係唔多，男仔黎講可能會唔夠飽～～要注意啦！！

成日都見人話爆丼屋好食，又成日排哂長龍。講到咁吸引，呢日小弟終於約左朋友黎試下！係門口等個陣為左爭取時間，我地已經睇左要食d咩。小弟同朋友都花左d時間去揀，因為樣樣都好吸引最後我地決定叫兩個丼share食個飯份量都幾多，材料都好新鮮。海膽丼d海膽多到遮住哂d飯！食完今餐小弟同朋友已經決左左要再黎食過

平日去都爆丼屋門口，都會見到有幾十人排隊，都唔知要排到幾多點，所以一直冇入去試。尋日，見時間尚早，大約五點半去到門口見到唔使排隊，就去試吓。但原來入面都已經坐到full full地。一入到去，座位都幾迫下，再見到份滿有經歷的Menu完全覆蓋着我的餐具，有輕度潔癖的我，已經即時扣晒分。再見到隔離枱叫咗份三文魚火山盛丼，有點覺得伏伏地（佢地最後係食剩一半的）。望住個Menu，同男朋友都不約而同選擇了北海豐盛丼。裏面有海膽、赤蝦、帶子、三文魚子同炙燒左口魚裙邊。刺身都尚算新鮮，但略嫌帶子薄了一點。不過，炙燒左口魚裙邊絕對有驚喜，有少少燒香左味道，口感食落都唔錯。真係好彩冇叫錯野食八卦的我不忘周圍望下周圍的人食d咩，見到個燒鰻魚盛丼都幾多人食，同埋都幾吸引，如果下次再食呢間，都應該會試吓。

講起丼飯，成日都有朋友會問有冇食過旺角的爆丼屋，由於長期去都有人排隊，但始終都冇去過食。呢日貪食專員去開旺角拎野，就會一會這間排隊排到癲，位於洗衣街的爆丼屋，晚上七點半去到達，已經見到勁多人圍住舖頭等位，先拎張飛，原來要等25個號碼，之後我就去拎野，大約25分鐘後返到黎，都仲有5個號碼要等。餐廳轉流算幾快，大約30分鐘就到我的號碼。北海豐盛丼（$198），成個飯有較多不同刺身，包括帆立貝、細細粒的馬糞海膽、大粒的魚籽、左口魚邊和兩隻長長肥美的牡丹蝦，除左牡丹蝦的頭有少少黑頭外，真的要扣分，其他刺身質素都ok，尤其馬糞海膽好鮮甜，值得一讚～不過所謂爆丼屋，同我預期有一點點兒落差，還以為刺身裝會勁爆勁滿，與相片有少少不符，有點失望。味噌湯算是幾足料，牛肉味幾重、還有白蘿蔔和紅蘿蔔。另外，餐廳環境勁擠迫，客人櫈與櫈之間坐到貼住，因為餐廳的轉流算是幾快，食緊同時，不停要企起身讓客人出出入入，食到有少少冇隱～總體而言，食物質素算是ok,未食過可以試下，不過回望率就唔算好高～

第二次去食依間丼飯~晚飯時間都幾多人, 好彩2個人去唔洗等位係旺角食飯預左會逼少少…要將就下2個女仔叫左2個丼飯加1個小食👇🏻👇🏻👇🏻👇🏻✨爆盛牛肉丼$128今次因爲叫2個飯所以食細size, 無大size咁堆到好高, 視覺上差少少😂但都係大大碗！最鍾意個白色醬👉🏻山葵忌廉汁, 撈飯食好開胃✨北海豐盛丼$198有好多魚生！而且都好新鮮~鍾意食海膽既朋友大讚~我就喜歡三文魚籽🙈✨一口芝士$48上台時入面既芝士仲融融地🤤因為實在太好食, 一定會有下次！價錢上其實算中等, 而且佢好食嘛加油keep住啊╰(*´︶`*)╯♡

🙆🏻‍♀️ 今晚年三十 YSAFOOD同大家拜個早年！💁🏻‍♀️YSAFOOD 恭祝咁多位來年心想事成、身體健康、人人賺個盆滿缽滿！🎉 想應節就黎爆丼屋食埋個農曆新年限定の盆滿缽滿三文魚籽丼($238) 啦！三文魚籽多到滿瀉，寓意眾食客食個滿足、幸福滿瀉！❤️❤️❤️ 睇落好震撼，但食落因爲太多魚籽所以有啲咸😂 不過配埋底既吞拿魚同白飯就接受得到既💁🏻‍♀️我地食既另外兩樣仲好食唔係講笑⬇️火灸三文魚腩他他- 睇到知好肥美！燒得超香口而且一客有4大塊，好滿足啊😍北海豐盛丼- 賣相好靚，比得好足料而所有刺身都好新鮮😍 海膽超大舊又鮮味，帶子刺身好鮮甜，成碗都好好食🤤🤤🤤

每次經過餐廳門口都人頭湧湧，今晚特意約朋友一試，籌號有15個之差，最後應該都只係等左18分鐘左右。餐廳坐位算多，所以空間相對不多，感覺同吉野家美心差不多未坐低已經見到枱枱爆丼，飯面的材料真係多到瀉咁濟，視覺效果相當驚人但心同時不屑咁諗：個碗咁細，梗係爆啦跟朋友試了北海豐盛丼，三文魚火山盛丼及燒原條鰻魚(即係燒鰻魚盛丼走飯)，可惜和牛生熟燒售罄。材料全部魚生關係，唔洗6分鐘左右已經上枱，賣相既震撼不得不相機食先！三文魚有小鮮味，呑拿魚蓉入口啖啖肉但其實無乜味北海豐盛丼海膽同帆立貝食得出都新鮮既但不至於鮮甜。鰻魚都算好食嘅，至少肉質唔係難溶溶。最後，我地好後悔睇小左隻碗，啲飯一啲都唔少！飽到食唔晒其實咁既價錢咁既份量又咁足料，每啖個口都full晒咁濟，都好難再求味道要非常鮮甜既。但都可以一讚佢gimmick係成功既

同朋友食生日飯，原本想book枱，但這呢間只限walk in，心諗反正剛好在旺角放工，準時閃人去到總會有位。去到嗰時大約6：45分，一睇門外已經有不少人拎飛等緊，好彩唔係等好耐就輪到我們入去。餐牌圖片十分吸引，碗碗都舖滿魚生/刺身，等到實物出場，圖片唔係只供參考，所以唔洗搵海關小食先上場，雞翼皮脆肉嫩，芝麻香口，新鮮熱辣。主食北海豐盛丼，2隻大大既赤蝦，旁邊被帆立貝、三文魚籽、海膽同左口魚圍住，舖在面上，果然好豐盛。三色海膽盛丼，鐘情海膽嘅人可以食得好滿足，朋友食到眉開眼笑。

佢呢一個上面嘅用料都幾鮮甜下，特別係個赤蝦。另外佢嘅三文魚籽粒粒都係脹卜卜架！而且佢嘅帆立貝亦都有正常一隻外買匙羹咁大。另外佢上面用嘅海膽你都冇話一浸腥味。整體來講小編覺得呢個都幾抵食下，價錢只係成個Menu嘅中等。

呢間爆丼屋出晒報紙又響旺角，正常時間都要排晒長隊。一心諗住有個5點鐘既機會去食呢間野滿足下自己。點知又希望越大失望越大。事關望見個餐牌， (雖然我應該睇清楚先份) 發見完來全天候都得一個menu。仲要個起步位都成$130 。 一件污兩件穢。就點高價少少的食物開心一下。未到食既時候都feel 到呢度始終係旺角，收你成舊水個飯都係好似 譚仔咁既service 。個飯黎到見到D魚生都一般新鮮。同圖片都幾大出入。仲有既係份量其實唔多，但感覺就好似有好多魚生Pet 左響個飯上面。以男仔既speed..加埋佢係凍野... 15分鐘就食左舊幾水落肚。只可以話idea 唔錯，但旺角始終係旺...做唔到日本野果度休閒既感覺。

自問唔係大胃王，食放題好少回本⋯咁岩今晚天氣又濕又熱，想食下刺身又唔想食太多飯，爆丼屋算係唔錯選擇，人均＄150但已經飽到食唔哂佢出名餸多飯少，名副其實，岩哂我呢個唔太鍾意食飯既小朋友。佢嘅飯落咗壽司醋調味，小小暖，配搭舖向上邊涼涼地嘅刺身，幾啱夏天食。海膽尚算鮮甜，配飯幾夾。火焰盛丼舖滿火灼刺身，配合蛋汁，每口飯都心滿意足我見有人批評呢度刺身唔夠好食，但我份人比較中肯，如果你俾＄150但要求酒店級嘅質素係冇可能，以人均$150蚊消費來講，佢係合格既～