浜燒太郎 (Closed)

去開將軍澳做嘢，順便約住响附近嘅M聚一聚，佢話帶我行遠少少去食好嘢，跟住佢一直沿唐俊街向海邊行，過埋播道書院，再行一陣先到翩滙坊，如果無熟人帶路就真係唔易搵啊哈，原來係去食日本嘢M話呢間食材係由日本築地或漁港直送店內裝修充滿日式風情，內有幾間屋簷下的個室，有私人空間，至啱傾謁先在個室外除鞋才入去，獨立又舒適先叫幾款串燒食吓先，冬菇、露筍燒得幾香大蔥雞肉串清甜肉嫩，大蔥好香。精選刺身拼盤有3種刺身，店員話刺身係由廚師按時令發辦，所以唔知道會係邊三種架，今次係厚切三文魚、厚切赤身和帶子。帶子鮮甜爽口，赤身和三文魚油潤肥美好鮮味。既然海產由日本直送，梗係要試試啦。叫咗北海道活帆立貝同日本廣島蠔。帆立貝洗淨並已把肉切開2片，店員開始時會幫忙注入清酒燒，稍後加蒜茸牛油汁再慢慢燒，差不多時就俾客人自己玩。燒到收水，並有少少焦香，就食得喇，帆立貝鮮甜可口廣島蠔亦新鮮爽口，充滿海水味牛油醬油烤鱈白子，白子即魚的精囊這個白子賣相有點像豬腦或魚腸。表面燒到微微焦香，口感綿密結實，牛油味香又沒有腥味，味道不錯，白子，還是河豚的最好吃鹽燒味噌漬鮭魚腩，皮香肉滑好好味加埋青檸汁更茄子味噌田樂好得意， 切到像風琴

將軍澳一個位於九龍東較偏遠既地方，偏偏今日我地黎到呢到食到一種越洋過海既海產味！一開始先講一講兩個甲羅燒，姐係燒蟹蓋，入面除左蟹膏同肉之外，分別加入左鵪鶉蛋同另一款係三文魚子同海膽。網燒完之後蟹膏味都幾重，三文魚子的確增加左口感，但本人都係鍾意鵪鶉蛋個份濕潤既感覺。鵝肝同帆立貝都好足料好大件，鵝肝燒至香脆，帆立貝都好creamy，係今日我覺得最好食既一道菜。海鮮丼有好多款式既刺身，雖然唔係款款都好好味，但款式同分量都好十足，入面啲赤醋飯都幾好食。又食左海膽啦，今次海膽好細粒但粒粒都鮮味十足，重點係冇苦澀或腥臭味，108蚊都好抵食！叫得浜燒我地又點會淨係食蟹蓋，呢到有大大隻帆立貝，燒烤方面有牛油，食用油同蒜蓉汁比大家自行燒烤，其中蒜蓉汁都同海鮮十分配搭，一隻帆立貝可以分到兩件，份量十足。係燒海鮮之中個人其實更喜歡呢個大蜆一黎夠大隻二黎鮮味充足，重點係58蚊就有6隻，唔落任何醬汁都夠晒鮮甜！燒牛舌相對一般，材料質素唔錯但我更喜愛佢燒得耐啲脆口啲。今日最貴既就係呢味鱈場蟹，外面只要你一咬就會感受到佢既醬油味，剪開蟹肉大大條食落都好過癮！仲要介紹既有明太子蛋卷，雞蛋甜度適中，明太子好多，一上枱

📍將軍澳📍日本🇯🇵超人氣過江龍😍即燒海鮮🦀産地直送💯新開優惠🌟$98限時⏱半分鐘❤️任❗️夾❗️海鮮😏------------------------------前幾日啱啱見到fb有介紹😎見到即燒海鮮好吸引，趁未有太多人去，即刻衝去試試佢🤣因為6點就去到，時間尚早，所以就可以坐🔻塌塌米嘅迷你包廂🔻😍😍❗️❗️要除鞋入去，同埋有拖鞋俾您著，好細心😛如果需要落單嘅話，㩒個alarm就可以🥰超級高私隱度😆------------------------------新店開張🌟仲有個限時⏱任夾嘅優惠😆要用指定嘅長筷子係魚缸🐟任❗️夾❗️海鮮😍每枱有一次機會✅自問揸筷子技術好純熟就一定要挑戰下🥳🥳------------------------------但我自己本身就唔係太識揸筷子🙈所以就放棄啦🤣🤣我哋一嚟先叫咗北海道帆立貝、大蜆、鮑魚同象拔蚌嚟燒😛職員都好細心教我哋要點燒會比較好食😎一開始就燒北海道帆立貝🤩先落料理醬，燒佢一陣，再落牛油蒜蓉，令到佢更加香😏😏食落肉質仲好嫩，好鮮味😍😍唔會過老，令到個肉質實曬🙈而大蜆燒一陣就開曬口，啲肉都幾大，又無沙😛最正就係鮑魚🤤🤤一放上個爐仲郁下郁下，好新鮮咁🤣但唔可以燒