熨烤達人 (Closed)

眨下眼，又到"這一家"生日會 嘞！型爆索女Q話要搞搞新意思，就睇下索女Q呢次搞邊科先 ……噢 ~韓燒熨斗齊齊熨，聽落又几新鮮過癮 喎，我同豬仔一於奉陪"這一家"！"熨烤達人"位處旺角洗衣街，鐵皮屋型嘅小店，亮著個卡通熨斗招牌, 極之易認 ！雖然索女Q預早book定位，但餐廳規定人齊 先放枱，搞到成班為食兵團要趕頭趕命到。是晚為食兵到咗9成人數，等左一陣，餐廳安排咗張有兩個爐頭嘅長枱畀我地， ！的骰鐵皮屋~石屎牆+鐵皮蓋嘅設計，尤如置身小型貨櫃箱 呢！座位狹窄擠迫 ，成日都會唔覺意地同後面枱嘅客人互相碰撞 ，坐得極之唔舒服 ！唯一好處 係有圓桶型收納儲物凳，好使好用！石屎牆上裝上TV, 可以一邊燒一邊欣賞MV , 間唔中會出現 BB、GD、太陽等， 啱晒一班韓迷發燒友呢 ！索女Q發辦，點咗巧多 豐富嘅海鮮、牛肉、豬腩肉等等，另外再點咗啲特別菜式，務求滿足我地呢班為食兵 ！飲品方面，我地叫咗啤酒及Cider Special，Cider巧大杯 , 賣相係  潮興型仔款~成樽倒插入酒杯度，唔知嘅仲以為含有酒精成份呢 ！味道有三種：分別係荔枝、士多啤梨

早前睇雜誌見到依家新韓燒店，再加埋睇到食友嘅食評，搞甚麼「熨斗」韓燒，覺得幾得意過癮，但又見到有啲負評，所以，十五十六試唔試好，最後大家都話試，原因都喺貪新鮮。可能新店關係，又喺位處旺區，交通方便，所以，晌門口見唔少人等位，雖然訂咗位，都要等一陣先有枱，韓燒果然人氣依然。踏入店內，內裡一如好多韓燒店，型格行先，石屎牆，曲形辛鐵，營造成一個小洞穴咁款；不過，「電油筒」圓櫈外，餐枱就有別常見嘅不銹鋼，改以木枱，添加咗一份暖和感。而抽風系統採用上抽式活動抽風管，效果算OK，至少枱枱坐滿時都唔會煙霧彌漫。叫得韓燒店，燒烤當然喺主打，以牛肉嘅種類最多，此外，唔少得雞肉、豬肉、海鮮、蔬菜；仲有一啲餐前嘅開胃小食，如沙律、紫青瓜、八爪魚……等等，以及多款香口菜式同飯麵。我哋先點飲品，邊飲邊等個爐「慶」熱，而飲品選擇唔多，就喺頭上吊住個餐牌度，Cider Special、韓國罐裝果汁，一隻手都數得晒。Lychee Cider Special、Strawberry Cider Special $43小弟揀咗款荔枝西打，之前晌元朗一間韓食店都試過依款飲品，貪佢冰涼清爽夠大杯，西打有少少似檸七味，全無酒精成