淳吟居酒屋 (Closed)

📍 淳吟居酒屋 Jyungin📍 佐敦 渡船角 • 文英街33號地舖-位於佐敦、柯士甸交界的渡船角、「八文樓」舊區，雖然餐廳不少，但在晚上的時候還是有點人煙稀薄～這家《淳吟居酒屋》就選擇了在這樣低調的文英街上開業門面充滿日本風味，裝潢以木系為主，坐得舒適～主打日本直送海鮮、大阪燒等，還有香港少見的鹿肉漢堡！吃著他們有質素的居酒屋料理，與朋友暢談著，度過了愉快的一個晚上 (o˘◡˘o)後來才知道他們是北海道人氣居酒屋的過江龍🐲 難怪水準這麼高！-北海道厚岸生蠔 (半打) 配大吟釀 (300ml) ($228)日本直送的北海道厚岸生蠔✈️口感飽滿、入口creamy，帶鮮甜味道🦪配大吟釀 (300ml)🍶，令鮮味更上一層樓味道清爽宜人，喝下去感覺順滑👍•芝士年糕大阪燒 ($95)喜歡大阪燒的朋友絕對不能錯過這裡的大阪燒！這裡的大阪燒有數款特製口味，而這款 { 芝士年糕 } 就融合了年糕QQ的嚼勁與芝士邪惡的拉絲入口軟綿，口感豐盈😍加上大阪燒醬汁跟配料，濃濃的日本味道！🎌•北海道帶子配紀州南高梅子冷素麵 ($128)口感十足的帶子 配搭 爽滑彈牙、帶清新酸甜味道的梅子冷素麵還

佐敦雖然係舊區，但呢區依然有好多好野食😋，今日帶大家去到柯士甸站附近，試下呢間「淳吟」居酒屋🏮！嚟呢面建議由柯士甸站出，只需行兩分鐘就到！餐廳環境幾舒服😌，燈光有格調，傾岩同朋友暢所欲言！我地試左餐廳幾款特色菜✨。軟棉蝦夷蝦鹿🦌肉漢堡平時好少見，鹿肉唔鞋口，食落依然濕潤，仲帶點肉味👍🏻，反而味噌味道有點濃，蓋過肉味。而下面茄子🍆烤得幾稔身，意外地同味噌醬味道相襯！「梅子冷素麵」梅子味好清新，醬汁味道唔會過濃，蓋過梅子味🙂！而上面黑松露點綴口感，總體比人一種好細膩感覺！「海鮮大阪燒」夠足料，又豬肉，魷魚🦑等材料。口感方面，食落唔會好稀/好水，口感豐富，幾滿足！串燒既話，我地幾鐘意「厚切牛舌」，食落唔乾，唔韌，質感軟嫩，口感爽滑，灑埋調味料一齊燒，更加惹味😋！嚟到居酒屋🏮，就當然要飲埋日本清酒🍶。剛好餐廳🍴有推出優惠，$108就可以品嘗到3杯不同濃度清酒🍶，分別薰酒、爽酒同醇酒，配淡味、油膩同濃味食物。我自己覺得幾特別，當唔同美食再配清酒🍶，味道會有唔同，大家不妨試下。我覺得呢間居酒屋價錢可以，唔算貴，野食質素都唔錯！大家想同幾個知己嚟傾計食野，呢度係個唔錯選擇～～

涼風送爽嘅夜晚，行完西九文化區拍拖，再嚟到渡船行呢頭搵嘢食，見呢間居酒屋感覺幾好，就揀咗佢。先食一個軟棉蝦夷鹿肉漢堡扒兩食(紫蘇)，味道我覺得似淡少少嘅漢堡牛扒，配上有蘿蔔蓉嘅酸汁，十分惹味。再嚟一個柚子胡椒雞腿肉串燒，外皮香脆，內層肉質就嫩滑，有少少柚子甜香，相當唔錯。然後食土手味噌煮日本黑毛和牛牛雜，啲牛雜就冇香港嗰種有埋牛肚同牛栢葉，主要係牛腩同牛筋，炆得好冧好入味；但我反而最愛嘅係蘿蔔，啲汁入哂冧冧啲蘿蔔係好吸引架！！然後有海鮮大阪燒，細細個但都好足料，醬汁木魚唔會太多，恰到好處。清清地嚟個北海道帶子配紀州南高梅子冷素麵 ，冷麵好似有啲淡淡地嘅花香味，配上個湯汁，食完覺得好舒暢。甜品有個蕨餅，係餐廳送架。黃色嗰嚿用左黃豆粉，爽口啲冇咁甜，綠色嗰嚿係綠茶味，煙韌啲甜啲，建議先食黃再食綠，另外有啲紅豆蓉伴碟，有個甜甜嘅結尾。

以前去渡船角呢一帶，會覺得唔多方便，依家有柯士甸站就唔同晒，出站後行5分鐘就過到嚟。今晚又趁老婆上完堂，費事煮，到訪「淳吟居酒屋」食餐和風晚飯。呢一帶可謂靜中帶旺，附近全都喺住宅，人口不少，事隔多年再過嚟，眼見多咗好多食肆，而且，特色食肆都可不少。 唔喺店員講都唔知，「淳吟」可講喺北海道札幌嘅人氣居酒屋，而香港店主早年晌日本留學，認識到「淳吟」日本店主，之後邀請在港合作經營，就誕生香港店。近門口，特別設咗兩張4人枱，可以講喺動物友善區，當晚都見到有客人帶同愛犬嚟用餐。進入到餐廳之內，裝潢簡約，以深木色為主調，天花掛咗啲風鈴，牆上又有啲東洋掛畫，頗充滿日本風情。因為四周都放咗唔少不同種類嘅清酒，亦好一派傳統居酒屋風格。枱上嘅餐具，亦喺好別緻嘅瓦器，色澤深沉卻富雅氣。既然定位為居酒屋，食物嘅選擇就相對多，翻開一版又一版，果然有好多選擇。有前菜、沙律、時令推介、大阪燒、串燒、炸串、壽司、刺身、卷物……等等一應俱全，而壽司、刺身亦有拼盤選擇。而飲品就以酒類為主，如生啤、燒酌、汽酒、清酒……等等，特色酒品任你揀，酒迷真喺唔好錯過。當然，顧及唔飲得嘅客人，仲有好幾款非酒類飲品，如汽水、特色梳打。炸