金鶴拉麵 (蜆殼街)

Open Now

Now Closed

近排身邊好多朋友都去旅行旅行癮起好掛住日本嘅拉麵呀就搵間人氣超高嘅拉麵店試吓店面細細 好有日本拉麵店既感覺北海道極濃蟹湯拉麵 ＄138蟹湯超濃郁 蟹肉份量適中 都幾鮮甜仲有木耳 豚肉叉燒 同埋流心蛋忍唔住飲埋個湯極濃雞白湯拉麵 ＄138白雞湯味道好香濃湯底有住豐富嘅骨膠原配上一塊豚肉叉燒及兩件雞胸肉 仲有流心蛋不得不提佢個炸牛蒡店員喺上菜嘅時候仲好貼心提醒要快啲食如果唔係會好快淋兩碗拉麵既麵質口感彈牙 粗幼適中一路食住碗麵仲係熱辣辣會出煙㗎就咁食碗麵 飲埋個湯已經好夠飽朋友仲叫咗店員推介嘅Coedo啤酒 $48麥味香濃 入口有清新嘅果香除咗堂食，原來仲可以外賣自取架一路食都見到唔少客人來外賣響屋企都可以享受到日本拉麵嘅風味可以再黎encore!

好耐無得去日本旅行, 好掛住日本嘅食物.上網揾到呢間日本餐廳, 揾埋個響附近返工嘅朋友仔一齊來懷緬下響日本食拉麵光景.餐廳裝潢好日式, 可以當正自己響日本......北海道極濃蟹湯拉麵 ($138):一上枱就見到大堆頭嘅蟹肉.除咗蟹肉, 配料仲有兩片紫菜, 一大片豚肉, 半熟溫泉蛋,木耳絲, 紅椒絲同蔥絲.日本拉麵當然要先試湯底.一口濃郁鮮甜味蟹味! 又無過鹹, 仲要無味精感覺!拉麵掛湯, 硬度適中而且唔會太淋.大堆頭蟹肉好鮮甜, 令到成碗拉麵成哂分.極濃雞白湯拉麵($138):配料有兩片慢煮雞胸肉, 一片豚肉, 半熟溫泉蛋,木耳絲, 紅椒絲, 蔥絲同炸牛蒡.湯底口感順滑, 濃而不膩. 同樣無味精感覺!雞胸肉不但無雪味, 而且嫩滑唔鞋口.炸牛蒡口感特別, 亦可提升鮮味.拉麵同樣掛湯, 硬度適中, 唔會太淋.食飽飽, 朋友仔仲要外賣多個拉麵返去照顧一下OT緊嘅同事.

第一次光顧天后分店，地方雖比土瓜灣店細，但都坐得舒適，骨子企理，待客有禮。大廚推介是日精選期間限定蟹湯🦀拉麵🍜，係我本來打算一嚐的。店員服務亦細心，想從盒內先取筷子🥢，及後發現只有牙籤，店員詢問後，便告知筷子會連拉麵上。試食北海道極濃蟹湯拉麵 ($138)，蟹湯名副其實「極濃」，濃而不鹹，食後唔會口渴，蟹肉份量夠且鮮甜，拉麵彈牙，有咬口，軟硬適中，入味！黑蒜醬油拉麵 $98 （*$78 𝐷𝑖𝑠𝑐𝑜𝑢𝑛𝑡 𝑃𝑟𝑖𝑐𝑒 𝑜𝑛 𝑂𝑝𝑒𝑛𝑅𝑖𝑐𝑒)下次再試吓期待以久嘅金鶴鰻魚飯❗️🍱推薦: 🥢🥢/5.金鶴拉麵 𝐾𝑎𝑛𝑒𝑡 𝑆𝑢𝑟𝑢 𝑅𝑎𝑚𝑒𝑛 🍜 (蜆殼街 𝑆ℎ𝑒𝑙𝑙 𝑆𝑡𝑟𝑒𝑒𝑡)𝑃𝑟𝑖𝑐𝑒: $236𝑅𝑎𝑡𝑖𝑛𝑔: 8/10 - 北海道極濃蟹湯拉麵 🦀𝐿𝑜𝑐𝑎𝑡𝑖𝑜𝑛: 𝐹𝑜𝑟𝑡𝑟𝑒𝑠𝑠 𝐻𝑖𝑙𝑙 (𝑒𝑥𝑖𝑡 𝐴)———𝐶𝑜𝑛𝑡𝑎𝑐𝑡:𝑆𝑎𝑛𝑑𝑦 𝐿𝑒𝑢𝑛𝑔

北角炮台山一帶都好多好嘢食之前都試過金鶴拉麵見到期間限定嘅北海道極濃蟹湯拉麵就再黎幫襯試下蟹湯拉麵配咗蟹肉絲、日式叉燒、紫菜、半熟蛋、竹筍、木耳絲湯底係濃濃嘅蟹味蟹肉絲都好香麵質都係一貫比較粗身少少加上湯底比較稠身所以好掛湯不過我個人口味本身比較清淡食到中後期就覺得鹹左少少另外叫咗極濃雞白湯拉麵配咗日式叉燒、雞胸肉、半熟蛋、竹筍、木耳絲、炸牛蒡絲湯底超濃厚，雞嘅精華份量十足飲落去係好Creamy雞胸肉煮得好滑加添左炸牛蒡絲賣相更加靚另外再加左一串黑毛豬串燒豬肉燒到好有炭香味不過咬落就乾左少少調味亦都略鹹雖然開左幾間分店但食物都算Keep到水準值得一讚

天氣開始轉冷，係時候食熱辣辣拉麵。真的好懷念在日本落住雪食拉麵的情景。今次去金鶴拉麵食，之前都去過幾次，有時會有季節限定。今次有北海道極濃蟹湯拉麵，所以就點了。蟹湯真的名副其實好濃，濃得有點結。應該真的是用料十足，而且蟹味濃郁，蟹肉亦比想像多，好豐富呢。再喝一口茶，真的好像置身在日本呢！（疫情令我想像力越來越豐富了） 另外點了黑蒜醬油湯拉麵，黑蒜味特出，配有兩塊雞同一塊叉燒。我覺得金鶴拉麵的配料比一般拉麵店多，通常只有一兩片肉，但這個麵有三片肉，而且叉燒好大片，雞肉亦好嫩滑。小食點了日本明太子雞翼，有少少辣，明太子都幾多，只係細隻左少少。下次想試饅魚飯！