一方堂居酒屋

Open Now

Now Closed

尖沙咀厚福街向來都係食肆林立嘅地方😋，我地都周不時嚟依度開餐🍽️，今日我地就搵到一間樓上居酒屋試試，一出𨋢瞬間有置身於日本嘅感覺😚，由𨋢口到餐廳都有超多日系風格嘅裝飾，但唔同嘅係餐廳中央有部播懷舊廣東歌嘅卡拉OK，新奇得嚟又相當有氣氛😆，坐落位置都幾闊落，以寸金尺土嘅尖沙咀嚟講都幾難得，啱哂想成班傾下計食野CHILL下嘅朋友呀-令和生蠔🦪 - HKD 108入到嚟店員就同我地推薦日本空運過嚟嘅靚生蠔🦪，一於試試佢！🤤 上菜時單係大大粒嘅賣相已經令人震撼呀😍，擺盤都好精緻，真係忍唔住同佢打張卡先📸，食之前可以先用少量青檸汁調下味，食落好鮮甜多汁😋，肉質肥美又有咬口，更突出蠔嘅鮮甜味道呀，真係忍唔住一啖一隻咁食呀😆，而配上店家嘅秘制醬汁都別有一番風味，真係推薦鍾意食生蠔嘅朋友一試呀👍-花魚一夜干🐟 - HKD 98開頭都唔知一夜干係咩意思🙈，同朋友傾計得知原來係先浸鹽水處理再風乾製法嘅魚🐟，忍唔住叫嚟試下，上菜時條魚都幾大條🤩，而且魚嘅表面煎到金黃色，真係未食都流哂口水呀😆，食落魚質好厚實又幾嫩滑，魚味濃郁唔腥，而且魚骨唔多，可以啖啖肉真係好爽，岩哂我依啲唔鐘意挑魚骨嘅懶人呀🤣，係性價比幾高

同一位唔食水產嘅朋友來到食日本料理，揀了這間位於尖沙咀的一方堂居酒屋，餐廳除了有刺身、壽司外，還有很多熟食的選擇。☺️👭🇯🇵🥢香印豚肉卷（$38/串），這款串燒的味道咸甜交集，沒想到一塊塊的豚肉燒包住大大粒爽甜又多汁的香印提子，配搭得很有創意。豚肉卷塗上燒汁燒得好入味，邊邊位置帶點脆口，連同青印提一齊食，清甜多汁，感覺唔會好咸同時又可以解膩。🫒🥓🔥北海道豚肉炒麵（$88），炒麵彈牙，有甜醬油的味道。豚肉塊塊鬆軟，非常多洋蔥、蘿蔔絲。雖然是簡單的料理，但夠哂美味。🍜🥓🐷甲羅燒蟹樂道（$98），甲羅燒混合了蟹膏、蟹肉、蟹籽、香蔥、生蛋，味道鮮甜、濃香滑溜。除了可以塗在香脆的法包外，餐廳還準備了一些由綠豆紙包住的壽司醋飯，塗上甲羅燒醬又是另一番風味。🦀🍳🤤博多蕃茄牛腸鍋（$38），牛腸鍋需要煲一段時間，食完其他的主食就剛剛好可以食了。雖然牛腸鍋唔係人人都喜愛食，所以唔係太多居酒屋會供應。我地唔算是抗拒食內臟的朋友，所以就點了這款「內臟火煱」。牛腸幾有嚼勁，越咀嚼越有陣陣獨特的肉香味道。因牛腸本身會連帶一些油脂，所以整鍋都會有蕃茄和不少的椰菜中和返油膩感。🐮🍲🍅🥬

厚福街有好多好嘢食，比我搵到呢間高質居酒屋😋環境舒服，刺身同熟食都有水準👍🏼▫️鱈魚干 - 佐酒小食👍🏼▫️刺身盛合🫶🏼海膽：兩大片，好清甜冇腥臭味，配紫菜，可以自己包黎食，紫菜都脆🫶🏼真鯛：清爽無筋🫶🏼鰹魚：氣味香濃，不愧為海中和牛🫶🏼油甘魚：油脂香口🫶🏼深海池魚：齒頰留香🫶🏼帆立貝：上乘水準🫶🏼甜蝦：好大隻，爽滑全部刺身食完都有餘韻口中擴散，唔會有海鮮腥味，證明食材品質優良，夠新鮮，而且好厚切👍🏼性價比好高！▫️金馬倫芝土卷將麵包包住芝士炸，夠脆香，芝士味濃郁😋▫️大蝦天婦羅炸衣唔厚，食落爽脆彈牙▫️雞軟骨串燒得好好，食落有嚼勁，仲有油脂香▫️三文魚腩串燒到連皮都脆卜卜，魚腩好嫩滑▫️北海道豚肉炒麵鐵板上可以保持熱度，豚肉片大塊，醬燒味濃郁，炒麵幼身，配洋蔥、椰菜好好食！

厚福街一直都係尖沙咀覓食之地，小編去過好多間地舖，估唔到商業大廈入面都有寶藏！雖然餐廳面積唔大，但係氣氛非常熱鬧，平日都幾乎滿座。居酒屋嘅選擇好多，而且價錢非常相宜，係尖沙咀黎講性價比好高！----------------------------北海道豚肉炒麵 $88炒麵用鐵板上，保持住熱辣辣🔥豚肉熟度剛好，帶微微油香。麵條好索汁，味道完全唔寡。----------------------------三文魚芝士卷 $88三文魚幾新鮮，裹住海帶同埋cream cheese，卷物上仲有啲黑松露點綴，口感非常豐富。----------------------------牛舌 $48牛舌豐富多汁，帶微微炭火味好惹味。----------------------------吞拿魚三式丼飯 $158中拖羅顏色非常粉嫩，入口即化，而吞拿魚蓉同赤身都幾鮮美。壽司飯調味偏甜，幾易入口。----------------------------壽司盛合除咗入口即溶嘅中拖羅之外，小編特別鍾意左口魚邊同三文魚！左口魚邊帶豐富魚香，肉質柔軟，好滋味，而三文魚口感滑嫩同埋好有咬口。同丼飯一樣，壽司飯經過特別調味，甜

今日去到一間尖沙咀樓上居酒屋厚福街多野食。但其實上面大廈好多寶藏，好多很讚的店。不妨上樓尋一下寶。今日上到一間居酒屋，環境好舒適，食物質素亦很高。前菜先叫了兩切沙律：波菜沙律- 每人一份，相當開胃，切得好靚，食落有少量麻醬，十分開胃。八瓜魚沙律這個八瓜魚咬口十足，咬落去超彈牙，但又吾會覺得硬。加埋佢有柚子汁，相當清新。八爪魚都幾鮮味，柚子汁一流。南蠻炸雞皮脆像嫩就是用來形容它。全新鮮炸起，好熱好脆，但裡面肉汁依然。魷魚圈佢炸物其實都幾出色，全部都係新鮮炸起。最緊要enjoy三文魚芝士卷今日都叫左一款卷物。卷物總是千變萬化，三文魚在外，芝士心其實好好味，又吾會搶左三文魚既味。燒牛肉他他牛肉味超重，凍食，低下鋪了冰。香，重牛肉味，吾洗太多調味已經好好味。北海道豚肉炒麵最後都點了一個炒麵，味道吾錯，份量都幾多。店員好有禮貌，會主動加茶。

假日出尖沙咀做完Facial, join埋丫妹食dinner。揀咗厚福街一間樓上餐廳---一方堂居酒屋。餐廳面積不大, 踏入一眼望哂, 地方乾淨企理。主打刺身、壽司、串燒, 而主食款式相對較少。揀咗三款刺身, 每款刺身均為厚切,深海池魚: 質感超爽滑, 有鮮魚香。三文魚: 厚切滿足口感, 魚質偏林。帆立貝: 味道鮮甜, 厚切能滿足口感。三文魚芝士卷: 飯卷包住了cream cheese同埋少少菠菜, 三文魚放面, on top加上了食用花瓣同埋黑松露點驟, 整個入口一咬, cream cheese味道較為突出, 再食到三文魚淡淡魚香同埋微微黑松露香味。川海老唐揚: 海老size比預期中細隻很多, 炸得酥脆, 有少少鹹味, 細味食到甘香蝦膏, 點沙律醬食, 味道更提升。露筍豚肉串: 豚肉緊密包住了幾條幼身露筍, 清甜露筍多汁, balance了表面豚肉嘅膩。日式炒雜菜: 椰菜、菇粒炒埋一碟, 加咗木耳絲, 椰菜甘甘地, 整體水份多, 唔會太乾。北海道豚肉炒麵: 炒麵濕炒較為林身, 配上豚肉片同埋椰菜, 幾有層次。

平時去尖沙咀行完街，夜晚食飯厚福街都係一個唔錯嘅地方，鍾意呢度餐廳林立，總會搵到間啱心水，今次試下一間新開嘅日式居酒屋。這間新開嘅居酒屋以木系簡單裝潢為主，座位都算寬敞，坐得都幾舒服，唔會覺得迫夾。食飯當日隔離枱有一大班朋友在開心聚餐，令現場嘅環境氣氛更加熱鬧。✨黑松露油金魚沙律油甘魚鮮甜爽口，仲有蟹籽、三文魚籽再配上黑松露一起食，又會食到另一個層次。✨串燒▪️京蔥雞肉 滑嫩的雞肉，唔同京蔥一起吃雞味會比較濃郁，和京蔥一起吃更加帶出雞的鮮味。▪️鹽燒黑豚腩 呢個，掂啊。入口即溶，唔會䁷得油膩，肉味香濃又Juicy。▪️牛肉串 女朋友係牛肉控之一，這個牛肉串牛香肉嫩，不需要沾任何醬料，加埋蒜片一齊食更惹味。▪️露筍豚肉串 無諗過露筍同豚肉可以咁夾，一啲都唔膩，女朋友鍾意食到要再叫。✨北海道豚肉炒麵豚肉非常幼滑，加上配菜炒，更加帶出豚肉本身味道，而且麵條吸收左豚肉的肉汁，加上煙韌適中，真的值得一試。✨三文魚芝士卷女朋友見到係有芝士，諗都唔諗就點，因為我係芝士控。三文魚超新鮮，未試過卷物會有露筍，咁樣配露筍和忌廉芝士都幾特別。✨一方堂奈良卷呢個呢，女朋友話外型好似燒賣，食完都食唔出係椰菜定生菜黎，上

係尖沙咀想找間可慢慢食及傾下偈的日本餐廳，見介紹似乎不錯所以來試試。位於厚福街大廈的樓上店，很易找。坐位算闊落，服務也不錯。食物方面，串燒不錯，尤其喜歡牛肉蘆筍卷，肉味十足，醬料也配得剛好。鵝肝多士也幾好，香口美味。香蔥吞拿魚卷也幾特色，壽司飯內還藏有芝士及菜，不過略嫌芝士味較濃，蓋過了吞拿魚的味道。北海道豚肉炒麵也炒得幾香口好味，日式炒雜菜也不錯。總括而言，若想喺尖沙咀找間日本餐廳可慢慢傾吓計敘吓舊，這是間可考慮的選擇。