和氣食堂 (黃大仙中心南館)

Open Now

Now Closed

朋友聚會再次選擇哩間餐廳，因為餐廳食物款式多選擇，份量多就不在話下，每次食完令人都會想回頭再食下其它野，今次我地除左叫溫泉蛋牛油果沙律作頭盤外，仲叫左千回火鳥、燒日本廣島蠔。溫泉蛋牛油果沙律：沙律用個大兜盛載，方便自己撈混醬汁，溫泉蛋輕輕開蛋汁就自動流落在下面的蔬菜中，清淡得黎又Fresh，作為開胃既頭盤就岩哂。千回火鳥：燒到金黃色，擺放於精美的日式碟上加上檸檬作配襯，簡直如同係日本食到既擺放方式，令我有一刻感覺如同係日本既感覺，咬落外皮微脆肉汁伴隨嫩滑既雞肉當中，美味可口。燒日本廣島蠔：香噴噴，一碟4隻，有兩款口味，分別惹味多蒜的蒜蓉燒法及芝味無窮的水牛芝士燒法，兩款口味都好正兼保持到蠔的滑溜口感，正。到主菜，我地分別叫左厚燒鰻魚牛油果卷及大板豬扒丼。厚燒鰻魚牛油果卷：個碟又係日式精美碟，觀感巳經飽足，鰻魚汁甜甜地配上淡味的牛油果、魚子和飯，成為美味的配搭。大板豬扒丼：嘩，外形好高，似座雪山一樣，原來係用椰菜絲堆砌而成，下面是大大塊既吉列豬扒配上滑蛋同醬汁，天氣熱時，濕濕地食無甘dry。最後叫埋哩度出名既軟雪糕：糯米糍紅豆抹茶牛乳雪糕，為哩餐劃上完美的句號。

嚟到黃大仙中心，好多舖頭都有位，見到呢間好多人等，反正唔肚餓拎咗飛行陣街等menu超級多刺身壽司，種類同選擇令人眼花花，叫咗個前菜過口癮先一上到嚟，隻顏色已經好搶眼，令我胃口大開薄薄嘅pancake皮包住滿滿嘅餡料，有厚切三文魚，芒果，牛油果同蟹柳，最後上面有蛋黃醬同埋多到瀉嘅蟹籽每種配料都有種新鮮感，夾埋一齊甜蜜肥美但唔油膩，食到好滿足安格斯牛扒黑醋沙律同樣好開胃，下面墊底有沙律菜，粟米粒同番茄仔，上面係牛扒切塊，再淋上酸甜嘅黑醋汁牛扒本身簡單嘅黑椒調味，煮得剛好又夠粉嫩，加埋生菜一齊食好fresh鯛魚湯泡飯用咗刺身級鯛魚，中間插住有菠菜卷同烤過嘅白芝麻店員詢問我哋使唔使幫我哋落，之後就逐一加入好似飯素嘅玄米脆脆，蔥花最後倒入奶白色嘅鯛魚湯當個湯同石鍋撞擊嘅時候，不斷冒起好多滾燙嘅泡泡，感覺到整個泡飯熱辣辣刺身鯛魚片本身帶微粉，淥熟後呈白色魚肉望落白滑，食落鮮甜，整體感覺好濃郁，鍾意食魚嘅朋友仔唔好錯過千回火鳥係雞中翼同雞尖痴住嘅部位，烤到金黃色嘅雞皮咬落焦脆，入面嘅雞肉都幾滑，亦可以加上檸檬汁白咖喱烏冬上面有一層厚厚嘅薯仔忌廉，撒上黑芝麻，另外上嘅係炸雞件烏冬質地幼滑彈牙，入面嘅咖

🥢朋友生日飯，約好左黎呢間食。點解係呢度呢？皆因呢個壽星公鍾意食日本野，又大食，梗係去性價比高嘅和食餐飯啦，而且呢度係大家屋企嘅中間點，仲唔係不二之選？壽星公🎂order左勁多野食，好彩呢度價錢唔貴，唔係嘅話我咪乾塘？🔆香芒🥭燻鴨胸沙律（黑醋）$65 - 鴨胸軟腍咸咸地，肉質出奇地細嫩，用上熟透芒果肉，配搭黑醋同新鮮蔬菜 totally match!🔆4點刺身盛B $178 - 鮮𩶘魚、海膽、珍寶赤蝦、三文魚，唔係厚切就係大大件，呢個價錢就食到貴價刺身，而且份量完全滿足2人食有餘，抵啦！🔆鰂魚湯泡飯 $108 - 媽呀！個魚湯真係香到不得了，而且無味精真材實料。店員將半壺湯加入鍋飯當中，視覺嗅覺大刺激，仲有三種飯素自行加入，真係超級美味。店員仲貼心提醒，餘下嘅餘湯加入自己碗中而唔加入鍋，就可以避免魚湯蒸發而浪費啦！🔆手打稻庭烏冬 $62 - 烏冬好煙韌彈牙，伴上蔥花紫菜同鵪鶉蛋，加入烏冬沾上湯，蛋香味濃郁，好好味～🔆千回火鳥🐥3隻 $38 - 日文火鳥即係雞翼，呢款燒雞翼，用上多種調味，香口之餘味道豐富刺激，食到我地舐舐脷。🔆宇治金時🍹 $38 & 糯米糍紅豆宇治抹茶牛奶雪糕 🍨$42

以前細個係附近讀書成日流連黃大仙中心, 都好多年無黎過啦, 今晚約左住附近住既舊同學, 再次踏足黃大仙中心和氣食堂食飯!成9點先到都仲坐無虛席, 好彩d人開始賣單走唔洗幾耐就入得啦。坐低見到佢櫻花圖案既器皿同埋d餐具都幾靚!温泉玉子牛油果凱撒沙律先黎個沙律fresh番下先, 牛油果好靚, 估唔到佢咁大碟!黑松露鵝肝帆立貝卷又黎我最愛既黑松露, 帶子新鮮, 一啖食落去先食到濃烈既黑松露味, 咬幾下再食到鵝肝香味火炙宮崎和牛壽司炙燒過既焦香, 加埋肉汁同埋油脂, 入口即融千回火鳥香口4點刺身盛A4款刺身都好新鮮好甜, 我最愛係蝦同埋蠔大阪豬扒don依個西利, 係menu見佢個樣咁出眾, 就一於試下, 椰菜絲加豬扒汁都好味, 下面既滑蛋豬扒飯仲有加左芝士, 勁好味! 但係份量都真係大, 我同朋友食到哩度都開始捧住個肚了焙茶鮮奶依個係我揀既, 10分推介本身諗緊飲抹茶鮮奶好定依個好, 但抹茶鮮奶好多地方有, 反而焙茶少見d, 無揀錯呀! 焙茶味好香, 好岩我愛飲茶既口味, 加埋鮮奶飲到我lamlam脷依個朋友揀既藍柑白桃梳打又係重量級, 我見佢飲極都仲有😂朋友話酸酸甜甜咁。可能我對黃大仙中心既

黃大仙中心，相信住係果面附近既人對這地方並不陌生，後期大裝修後改名叫南館，今日朋友約左我去哩度食日本菜，去到餐廳坐低後，店員沖了兩杯玄米綠茶給我們，我同朋友睇過餐牌後，實在有好多好吸引既美食想食，於是我地決定只係系當中挑選5款食物: 分別叫左香芒燻鴨胸沙律、黑豚肩燒丼、廣島蠔寄世鍋、牛油果芒果三文魚班戟、千回火鳥。大概十分鐘時間過去，食物便開始送上，黑豚肩燒丼先到，香噴噴，面頭有好多蔥花同芝麻，黑豚片有點酒香味，配埋燒汁及珍珠米飯，仲有泡菜，食一碗巳非常夠飽。跟住到香芒燻鴨胸沙律送上，芒果厚薄適中，配埋帶點肥的燻鴨胸吃，甜甜地又帶點鴨胸的咸香，加上下面的黑醋汁沙律菜，食落非常開胃。千回火鳥都出來了，名字改得特別，其實即系串燒雞翅，咬落肉質嫩滑入味。朋友喜歡的牛油果芒果三文魚班戟登場，裡面材料好足，三文魚咬落新鮮。我地仲叫左個廣島蠔寄世鍋的湯飲，小小鐵鍋內材料豐富，有蝦有蠔、蜆、蟹棒、韓國粉絲、菜、鳴門卷，菇類等等，仲有埋塊三文魚腩扒，似足海鮮湯，食完巳經好飽。食完正餐，朋友話想食埋甜品，於是叫左個抹茶雪糕，餐廳用個白色小碗器皿加塊小木板送上，望落很有日式風格，而雪糕旁邊仲有幾粒綠色和白

自從搬左屋入左井欄樹住之後，就探索多左彩虹附近一帶既食市！比我發現左黃大仙有間人氣極高既日本餐廳，位於黃大仙既街坊商場！位置勁方便，係黃大仙站出行五分鐘就到了！話明係街坊商場，價錢好合理！仲有超級多選擇！男士女士都岩，一定食得飽！天氣熱，一定要叫野飲！賣相吸引既檸檬藍柑梳打，味道特別，好清新，唔會太甜！仲有宇治金時，好有綠茶味！比足100分既牛油果沙律！黑松露勁香，勁足料第一次食左口魚，有少少爽口牛油果夠熟，好健康！仲有超彈牙既稻庭冷麵混合蛋，蒜蓉等醬料，加埋d醬汁，烏冬夠凍，好開胃！左面既係芒果花之戀，三文魚新鮮，夠多芒果右面係海膽鮮蝦拖羅蓉卷，夠睇頭，海膽好香甜，加埋蝦同拖羅，有層次感！超級香口既魷魚軟骨，唔會太喊，味道適中，剛剛炸起，食到唔停口！比較特色既小貝柱軍艦，唔係太辣，貝柱鮮甜仲有好新鮮既3點刺身盛刺身新鮮，夠凍，爽甜仲有好好味既燒雞翼，少少辣，但38蚊3隻，真心抵wor！整體黎講，坐得好舒服，食物質素高上，價錢又合理，難怪咁多人去食啦！我地走既時候都排哂長龍了，6點令鐘去到就可以唔駛等位啦

今日約左個住黃大仙嘅朋友食晚飯，其實已經係第3次黎呢間食，但係因為佢太多選擇，所以食極都仲有好多未食過！ 同埋價錢又相宜，味道又保持水準👍🏻所以成日都好多人黎食！鯛魚湯泡飯 泡飯用個石鍋載住，上枱時鯛魚是生的，店員隨即會淋上熱滾嘅生魚湯，所以唔怕魚過熟或者浸得太腍😆 鯛魚切得好薄，生魚湯幾鮮甜，仲有d 佐料例如紫菜碎，蒜頭碎，蔥花等等可以撈埋一齊食，兩個人食好飽肚🤪 4點刺身盛A 叫左個豐富刺身，有三文魚，甜蝦，廣島蠔，鱆紅魚，三文魚好厚切，蠔好creamy 夠鮮美🤤 千回火鳥 個名好特別 其實姐係燒雞翼🤤 少少微辣，燒得非常均勻同埋入味，個外皮好香脆而最鍾意係內裏好嫩滑，真正外脆內軟😚 仲叫左燒茄子，呢個認真燒得好高技巧，燒到個皮好容易同埋茄子肉一分就開，茄子肉好juicy同埋撈埋面上嘅麵豉食好夾🤤 跟住叫左個甜品share，個名叫阿法奇朵，係熱辣辣嘅咖啡加雪糕，原本苦嘅咖啡加埋凍同埋甜嘅雪糕，味道原來出奇地夾！落幾多咖啡可以自己決定😆

和氣食堂我地已經唔係第一次去，但係母親大人仲未去過，所以我哋今次決定帶佢去試吓啲正野海膽刺身盛A：好大排海膽，仲有甜蝦、三文魚同埋帶子！好鮮甜！火焰左口魚邊牛油果沙律：左口魚邊份量唔少，成個沙律亦都好大盆！蔬菜新鮮，醬汁酸酸甜甜，好特別好開胃！芝士厚燒玉子：芝士配玉子，永遠都係絕配！千回火鳥：個醬汁微辣，雞翼咁樣串住燒食得方便！石狩窩豬骨湯底：湯底清甜，裏面有好多魚肉同蔬菜，仲有好多日式粉絲！安格斯牛肉炒飯：個炒飯嘅份量真係好大，好足料，有好多牛肉！一句講晒，抵食！糯米糍紅豆宇治抹茶牛奶雪糕 & 嶡餅白玉宇治抹茶牛奶雪糕：呢度嘅甜品真係好出色，必食！佢哋個抹茶牛奶雪糕質素拍得住出面專賣抹茶雪糕嘅日式鋪頭！加埋其他配料，係十級正！超級推薦！呢間餐廳經常全院滿座，有興趣嘅朋友不妨早少少嚟到！

成日經過呢間餐廳都見到長長嘅人龍，都好想試下佢，但每次都怕要等好耐，所以無勇氣拎籌。終於前幾日終朋友食晚飯，六點幾經過見無長龍，就決心入去試下呢間日本餐廳餐廳嘅環境裝潢都好有日本feel，啲牆紙同色調都係走和風，感覺幾舒適火焰左口魚邊牛油果沙律好多牛油果！燒咗嘅左口魚配魚子醬加沙律菜嘅味道好豐富，又好fresh！👍👍👍😄鹽味燒牛舌肉質好彈牙，燒得啱啱好，好juicy~3點刺身盛三文魚腩刺身好厚好肥美！油甘魚都一樣厚身，好新鮮，水晶蝦好彈牙，配埋佢醬食更突顯到佢嘅鮮味😍白咖哩烏冬最上面一層雪白嘅顏色似蛋白，質感似忌廉🤣用筷子推開就會見到啡色嘅咖哩，整個探索過程好新奇有趣😆味道都okay，咖哩略帶甜味。千回火鳥宇治抹茶芭菲啲麻糬同丸子好煙韌，抹茶雪糕好好好濃郁好好味💓

第一次食和氣食堂已經覺得唔錯，係值得再嚟嘅餐廳。難得今日又嚟黃大仙食晚飯，仲唔畀我揾到機會再食？店入面差唔多坐滿曬，好彩去到啱啱好有位～朋友拍版嗌咗呢個沖繩風沙律。一嚟到見到啲綠色 一條條唔知乜嚟覺得好奇怪，朋友介紹之下先知道原來係沖繩特產海葡萄～係好有益嘅食物，真係恕小妹無知啦。咬落脆卜卜噉又鹹鹹地幾易入口，真係長知識了。呢個黑松露鵝肝卷係幾特別，但口感就唔算太好，唔知係煎得太熟定點。白咖喱烏冬係呢度必試嘅食物！好大份又creamy ，忌廉同薯仔一齊打到起泡，翻開佢原來入面仲有好多咖喱！雖然冇乜配菜，但豐富嘅口感都搭夠。呢個泡飯都幾過癮，魚湯好鮮甜，但啲配料就有啲乾。如果可以落多少少油去煮啲料會更好。食飽唔夠候要填飽埋個甜品胃，所以嗌咗個抹茶雪糕。不過唔係一般嘅雪糕，而係阿法奇朵 (affogato) 雪糕。本身係意式甜品嘅阿法奇朵係用熱咖啡淋上雪糕，但呢個竟然用咗抹茶!! 抹茶淋上抹茶雪糕簡直就係雙重享受，實在夠晒創新又好食。試過兩次呢度嘅嘢食都冇令我失望，希望嚟緊有機會再試埋其他～

今晚一家三口去左黃大仙搵食，去左番新左既黃大仙中心。見到呢間和氣食堂咁多人食，決定一試內裏裝修有特色，地方乾淨企理，full house！4點刺身盛：超新鮮、超正！好多唔同款！刺身超級厚切溫泉玉子牛油果凱薩沙律：沙律夠凍身，擺咗一段時間都唔會變暖！撈埋隻蛋個醬簡直係絕配三文魚海鮮沙律脆脆卷：壽司卷上面好多料！脆脆加埋三文魚個配搭好特別，口感豐富，正！千回火鳥：烤得啱啱好，肉質唔會乾！而竹籤咁樣插亦食得好方便鯛魚湯泡飯：賣相一流，味道亦一百分！湯底濃郁鮮甜，自己可以隨着喜愛嘅份量加添！本人覺得超好味！白咖哩烏冬：另一賣相一百分之作！上面既白咖哩好似cream咁，撈埋下面另外一種質地嘅日式咖喱，濃度啱啱好白玉宇治抺茶牛奶雪糕 & 糯米慈紅豆宇治抺茶牛奶雪糕：雪糕好軟滑，抺茶同埋牛奶味濃郁，good見到呢個推廣覺得好抵，下次一定要試總括嚟講和氣食堂環境舒適乾淨，食物新鮮好味，一定會再返嚟食

之前有朋友介紹過話和氣食堂唔錯 於是就同朋友黎一試三文魚牛油果沙津勁足料 有好多三文魚同埋牛油果🤤配搭埋個沙津汁 酸酸地咁好開胃再加上三文魚同沙津菜都好新鮮鯛魚湯泡飯最驚喜因為我唔本身唔係好中意食魚好驚魚腥味😶 但朋友有興趣先嗌 估唔到個湯同埋鯛魚係完全冇腥味仲要好有鮮味加埋菠菜，葱花同埋玄米脆脆就冇咁單調 連唔中意食魚既我都愛上😌呢度壽司既款式都幾多 但我同朋友想食啲平時好少食既就試咗鵝肝壽司同埋和牛壽司鵝肝壽司個鵝肝煎到岩岩好 外脆內軟咁仲要好濃味👍🏼 而和牛壽司塊和牛肉質勁嫩滑 雖然單價有少少貴但質素冇令我地失望🙈身為雞翼怪既我緊係唔少得雞翼🤤 燒得岩岩好勁正啊燒茄子好重蒜香味 岩晒我口味 最後緊係要嗌埋甜品抹茶控見到有宇治抹茶芭菲即刻心心眼 果然冇令我失望好濃抹茶味🍵 ！！呢餐真係出乎我意料之外 食得勁滿足

黎到黃大仙 本身以為係美食沙漠 點知比我食到呢間好值得推介嘅日式餐廳😍 一入到餐廳 待應就面帶笑容安排我地坐位 又成日留意我地夠唔夠茶 仲識好風趣幽默咁講下笑 服務態度比左我好好嘅印象👍 必食💓 芒果三文魚蟹籽沙拉🥗芒果好新鮮好甜 呢個時節好難得食到咁甜嘅芒果🤤 再加上新鮮厚切嘅三文魚同埋好多好多嘅蟹籽撈埋切到薄如絲嘅蟹柳同埋青瓜 而且沙拉醬好足夠 食落又爽甜又粒粒蟹籽 令我同朋友都好滿足😍😍 雖然都幾大盆 但我地都食得哂😆 真心推介！驚喜💓千回火鳥有少少微辣 雞皮燒得好香脆😋一口咬去發現d 肉汁鎖住左係入面 雞肉好嫰滑 燒得剛剛好 呢個價錢食到咁高質嘅燒雞全翼 好抵😍回味💓燒日本河豚魚乾魚乾燒得唔會太硬 食落唔醎 食落好香魚味 有d似三文魚 蘸上千島醬 一流小吃😆👍黑豚肩燒丼👍好大塊䐁肉 有咬口一d都唔韌 而且同肉上芝麻好香 令到成個豚肉更香口感更豐富😋 仲好貼心咁有辣辣嘅泡菜送飯添😎廣島蠔寄世鍋好大鍋 好足料 有蝦 廣島蠔 蟹腳 蜆 豆腐 白菜 韓國粉絲😆 海鮮都好新鮮 好彩叫左個豚肉飯 送珍珠飯一流呀🤤香蒜燒茄子🤤茄子好食到皮都食埋 本身去串燒店都必叫茄子 第一次個皮唔燶 而且茄

好幾年無去黃大仙覓食，估唔到藍館呢度咁多新派餐廳，同個fd係個商場到兜黎兜去，被呢間餐廳既Menu吸引左去排隊，因為見到有好多野飲同雪糕揀。沙律幾大碗，2人share都卓卓有餘。貌似一般巨峰野飲，但一飲就發現內有乾坤，竟然加左果肉增加口感，為杯野飲加左唔少分。個名同賣相都幾有氣勢外皮微脆，咬開有肉汁，連雞翼尖都唔會太乾，兩人鯨吞5隻無難道 。雪糕當然係必叫啦呢杯雪糕真係幾正，雪糕夠滑又有牛奶味，糯米糍味道同口感都非常好，仲有成六6粒咁多，必點。因為要留肚番🐢食晚餐，所以只係食左小食同甜品（其實都唔少）。呢度有咁多款野食揀，約埋一班fd黎樣樣都試下就最岩。