Sense Cafe (Closed)

我哋本身約一堆朋友大約6-8人，之前搵過好幾間餐廳都難book位，有啲想試嘅都冇大枱，咁啱望到呢間環境好似唔錯又任坐，又可以book到多人我哋就book咗呢間餐廳。一入去店員安排咗張長枱我哋坐，位置都OK，但後來啲食物到咗後發覺原來張枱都幾細下🥲，我哋已經分開幾次叫，但啲食物都係唔太夠位放，不過可能因為舖面細嘅關係吧。一開始我哋有叫pizza、雞翼、飯同意粉，再叫set for two，set for two係意料之外多嘢食，另外水牛城雞翼比明太子雞翼好食一啲，洋蔥圈唔係粗身嗰種所以就失色啲，pizza偏向港式一點。因為有啲朋友又未咁早到，我哋都分開咗幾次叫，跟住我哋望到menu有啲唔明，都請問返店員，但店員就有點唔耐煩咁😓。跟住我哋每食完一碟嘢，佢哋都會好快手咁收，直頭好似搶住嚟收咁，不過呢個都唔緊要，但佢哋連上面個公叉公匙羹都收埋，搞到我哋唔好意又問返佢哋拎過新🥲。到8點幾，我哋仲想叫多一樣食物同啲甜品，咁個女店員就催我哋快啲叫埋，因為佢哋last order，咁好啦...我哋叫咗一個主菜加5個甜品，指位話佢知係呢5款甜品，但佢自己把口就話「係呢4個甜品吖嘛？」🤨，咁我哋再提多次「

同朋友去食飯好多時見menu花多眼亂都會直接睇有咩套餐抵玩。佢哋晚餐嘅二人套餐有沙律、熱湯、嘢飲、兩份小食、一份意粉或pizza、仲有個主菜添，另外加份意粉已經夠三個人捧住個肚走！基本上呢間嘢啲嘢食都係正評無伏，就算係湯同沙律都唔會令你覺得係hea貨！特別推薦酒香蒜味濃郁嘅小食青口，雖然唔算大隻但夠哂入味；仲有餅底香脆配有豐富嘅海鮮同千島醬嘅Pizza，好味又唔會太heavy；而個人最推薦係大大隻嘅鹹豬手！以為咁大隻會好易焗到啲肉好乾柴，但完全唔會，豬皮食落香脆之餘仲有啖啖脂香嘅皮下膠質，油香同豬手肉汁嘅組合簡直人間味美！其他嘢食雖然味道中規中矩但絕對無伏！綜合食物、服務態度、環境、價錢等等我覺得係cp值高同值得再訪嘅好店！

今日去左佐敦睇醫生睇完行一陣，之後網上睇下有邊間cafe俾我搵到間Sense Cafe。呢間餐廳情置綠油油，睇落感覺好清新又Fresh,環境燈光舒適柔和。我地點左一個套餐已包飲品，餐湯和沙律🥗，另外叫了一個pizza又可以加$38轉套餐。南瓜忌廉湯好滑溜又cream又香濃。沙律🥗好爽脆又Fresh又新鮮，麵包粒又脆卜卜好香口，上面仲有一些芝士好好味。蒜香虎蝦黑松露扁意粉，虎蝦大大隻又煎到好香又爽口陣牙，扁意粉又有咬口又炒到好香噴噴，仲有一些菇類和盧筍又幾正。千島海鮮薄餅，薄餅底外層脆內里軟熟，有菠蘿，魷魚，蝦，蜆肉，青椒等又有千島醬和芝士一起吃正蘋果金寶雪糕選了紅桑子雪芭，雪芭酸酸甜甜幾開胃，蘋果金寶熱辣辣上面好鬆脆內里蘋果片好軟熟美味可口。

今次都是第一次來到，聽朋友介紹這間餐廳，原來是新搬來的。一出Lift門，已看到一塊草牆，給人一種輕鬆的心情。店內地方環境闊絡，位與位之間有一定距離，而且燈光柔和，給人一種舒適的感覺。香蒜迷迭香羊架 - $158羊架來到時，香氣撲鼻，賣相十足。羊架肉質軟腍，羊味味濃，嫩滑多汁，而且完全沒有羶味，正。千島海鮮薄餅 - $138薄餅餅底厚薄適中，酥香脆口，表面更加上不少千島海鮮配料，吃起上來，味道更有層次。鐵板布朗尼配雲尼拿雪糕 - $58熱燙燙的鐵板配上布朗尼和雲尼拿雪糕，加上香甜的醬汁...絕配。經過烤爐的Brownies微微暖身，外層脆口，內層鬆軟，配上冰凍的雲尼拿雪糕球與濃烈的朱古力Brownies，食落不會太甜太膩，入口極之美味可口。