URBAN Café Commune (MOKO新世紀廣場)

Open Now

Now Closed

一家三口，人日到Moko Urban 慶祝生日，分別叫了卜卜脆炸魚薯條、升cup晨光第一炮、豬柳貝果🥯早餐，每份早餐都配以餐湯、出名牛角包和餐飲。今次揀咗凍蜜桃🍑茶、Latte、凍檸樂，最出色都係蜜桃茶😋

東鐵線連接到港島真係方便好多，港島想去MOKO唔洗再喺太子行過去，直接搭到旺角東站又快又唔怕熱😆 想食西餐又未試過哩間，見到all day breakfast就啱喇！lunch 時間人多多，好彩前面冇人等，所以第一張就到喇。如果大家去等位記得要企喺佢要求嘅位置等，企開啲都唔得架，就算冇其他人等都一定要企埋去，如果唔係唔會安排位畀你架（職員係咁表示嘅）✨升CUP晨光第一炮 $158巴馬火腿同煙三文魚正常，法式香腸有兩款，味道都唔錯。炒蛋幾滑溜，蕃茄唔會酸，大啡菇嘅菇味略淡。牛角包牛油味香濃，咬落幾鬆軟。鮮果乳酪食落味道帶少許芝士咸味。✨車起芝士牛堡配薯條 $158薯條香脆，面層撒上少許芝士絲，食落帶點芝士味👍🏻 車打車士配牛堡梗係又香又濃郁啦😋 牛堡表面有啲乾同硬身，中間反而幾juicy。✨龍蝦湯湯味幾香，唔會太咸，仲有小龍蝦肉，濃郁程度都算唔錯，如果再濃啲更好😆✨凍蜜桃茶肥b嘅正常版同我嘅走冰版，顏色差好遠😂 冰塊溶解之後，茶味變淡咗；冇冰版當然係最濃味。蜜桃味幾香又夠濃，同時亦冇蓋過茶味，飲落有茶味又帶清甜桃味。🔍整體感覺：餐廳半露天形式，商場頂透點陽光照落嚟，感覺好開揚又relax

到URBAN Cafe Commune食午餐， 地點位於新世紀廣場， 餐廳採用開放式設計， 非常開揚但人流很密集。 點兩個餐～晨光第一炮$98、升cup晨光第一炮$128。⭕晨光第一炮🧆（牛角包、法式香腸、香滑炒蛋、炒雜菇、慢煮蕃茄和煙肉）～ 整體最好味牛角包， 外脆內軟， 煙肉口感硬， 其他都是普普通通。⭕升cup晨光第一炮🧆（牛角包、法式香腸、香滑炒蛋、炒雜菇、慢煮蕃茄、煙三文魚和巴馬火腿）～ 升級版多了煙三文魚和巴馬火腿， 味道正常， 都是牛角包最好🥐👍🏻。⭕餐湯🥣～ 龍蝦湯有幾粒龍蝦仔， 味道都幾香濃。⭕熱咖啡☕～ 咖啡味道香，但入口不夠濃。餐廳食物普通， 用餐時間一個鐘有點趕， 牛角包🥐的確幾好味。