雞吧

Open Now

Now Closed

石門變左美食天堂之後都未嚟過 聽聞呢間炸雞外賣店超抵食🤩呢到主打即叫即炸無骨炸雞 有成十二款口味咁多‼️除咗炸雞仲有多款小食同主食 夠晒多元化🙌🏻.📌半半炸雞 $98一份有十件炸雞 等於佢地嘅M size 但就可以揀兩款味道✌🏻炸雞有驚喜 外皮肉嫩 爆晒汁 啖啖肉 唔會好油膩食到一口油🍗最特別係層炸皮加左香草入去 食落更加香口 同平時港式/韓式唔同架🌿揀左青檸蒜香醬同美式香草牛油醬👅青檸蒜香醬係自家製嘅 似蒜香蛋黃醬加左青檸汁 蒜味濃又帶點微酸 幾清爽🧄美式香草牛油醬同樣都係酸酸地 似美式嘅沙律醬加檸檬汁咁 仲有啲香草味 幾開胃🧈.📌雞肉卡巴 $46因為係open kitchen可以睇住佢地整 擺勁多餡入去 超足料👨🏻‍🍳滿滿嘅沙律菜唔簡單 mix左羅馬生菜, 九芽生菜, 紅毛生菜, 牛油生菜同紅雜菜 仲有啲洋蔥絲 口感豐富又爽脆🥬🧅雞肉粒嘅份量都唔少 都嫩滑仲有啲雞皮 應該用左雞髀肉🍗用左香草醃過 食落唔會有雪藏味🌿揀左墨西哥蕃茄醬 辣辣地酸酸地 惹味又清新🥫.📌芋泥丸拼地瓜球 $36芋泥丸有驚喜 佢唔係平時嗰啲芋圓包地瓜泥 而係芋泥包住流心鹹蛋黃醬‼️外脆內綿密 帶淡淡清甜芋香嘅芋泥皮

相信大家都預咗直至四月都唔會有出街食晚飯嘅機會，嗰個唔係屋企試吓做地獄廚神，就係出街買外賣返屋企醫肚😌 今次就想記錄一下月頭喺沙田買返屋企嘅一間外賣店🐣🛍Menu:1️⃣ 大蝦牛油果卡巴（$68）大蝦好彈牙！🦐 我覺得佢哋自整醬汁酸酸甜甜好開胃，而且份量真係落得恰到好處，令到個卡巴食落口唔會乾，同時亦可以食到大蝦、生菜、牛油果嘅味道，唔會話咬落口啖啖都一樣係醬汁嘅味道👍🏻 2️⃣ 半半炸雞（$108）呢個可以揀兩款口味嘅炸雞拼盤，其實total有八款任君選擇🙌🏻 其中一款我就揀咗個人必食嘅韓式甜辣炸雞，另一款就想試吓特別啲嘅柚蜜檸檬炸雞🍗 我同屋企人食完都被佢哋嘅柚蜜檸檬炸雞俘虜咗😍柚子蜜嘅香味好出，一打開個外賣盒就已經撲鼻而來，檸檬嘅微酸亦令個炸雞食落口一啲都唔油膩🍋 3️⃣ 墨西哥芝士波（$48）一開始由個名開始我都已經毫無戒心，以為呢個只係好單純嘅芝士波，直到食落口嘅第一啖先發現原來佢係「辣」嘅芝士波！🥵 所以食第二粒芝士波嘅時候就決定咬開一半望吓入邊有咩乾坤，令到個芝士波咁辣🌶 雖然食咗兩三粒我已經開始頂唔順，但都辣得幾過癮😝4️⃣ 雙色流心芋泥拼地瓜球（$36）芋泥流心完全跑贏左番薯流心💓

朋友最近介紹，話係石門開左間炸雞好好食，叫我試下。平時要我專登過去石門就真係有啲難，不過現在屯馬線開通左，所以今晚收工就坐地鐡去石門站買炸雞外賣番屋企食。去到京瑞廣場一期上兩層電梯轉右就到，我地點左大半半炸雞 $138 一個價錢可以食到兩種風味。我鐘意食辣所以就點左火辣熔岩炸雞，另一款就點左雪山芝士炸雞。羊肉卡巴都幾熱門，好在還有，可以跟餐，就跟左小食地瓜球。另外再點了一份蛋餅。多人既話叫4人6人8人套餐都好抵食，價錢$359，599，699。炸雞有分大中細，細既就$58-62，中既就$88 - $108，大既就 $118-138。番到屋企當然第一時間就影相打卡，半半炸雞每樣有8件共16件雞，份量10足。跟住當然食炸雞，火辣熔岩夠晒辣，岩晒愛辣既我，但怕辣既就不太建議。芝士夠晒多鐘意食芝士既一定要選。羊肉卡巴，滿到瀉既羊肉，好有羊肉味，肉肥肥地，有肉汁。蛋餅幾有驚喜，肉鬆好多。地瓜球流心，好好味。