半熟工房 (Closed)

今晚上完堂，又去左Shopping，行到有點兒倦，就去試食半熟芝士撻，係半熟工房見到無人排隊，立即衝入去買一個朱古力撻試試半熟朱古力撻($22)價錢較貴少少，拿起時仍微熱，入口第一啖，口感軟綿綿，內裡似mosse蛋糕，而非流心的朱古力漿，但朱古力仍濃，撻皮幾脆，食落唔膩。

早兩天去試了他們出了一段小時間的抹茶味布雪，外表就好似一個放大了的macaron，但其實口感完全不似的！上下兩層係兩片好鬆軟的蛋糕，好香的蛋味，中間內餡就是日本宇治抹茶混合濃厚北海道忌廉，凍食的感覺有少少似雪糕，抹茶奶油味道雖說不上十分之濃，但仍有幾香的抹茶味，而且勝在整體甜度好適中，味道不會過甜或者太假。口感和味道都是值得比好評的！每粒＄１５，買夠５粒就會跟一個盒，都幾靚的。仲有其他口味包括朱古力味, 士多啤梨味, 同埋原味！食完有點唔夠喉，就入手多個朱古力撻 半熟朱古力撻入面真係流心的！朱古力味可以說是超濃香，就連撻皮都有朱古力味！朱古力餡的質地保持一貫的滑溜，甜度適中 不會過甜或太膩，每件＄２２，食完好飽 值得試試！

今日經過買了半熟朱古力撻吃~ 之前已經聽過朋友仔和網友說這個朱古力撻好好吃!! 果然佢咃係冇誇張呀! 一見到賣相已經覺得好吸引, 個撻大大個, 漲漲的, 個撻面好似會幾鬆脆咁. 個撻色水亦好靚, 深啡色的~一睇就知朱古力味會好香濃~!! 一食之下...不得了, 真係超好味! 除了入面的餡料好香濃朱古力味之外, 連個撻邊都係有朱古力味㗎! 呢樣真係好驚喜, 因為通常其他地方的朱古力撻的撻邊都係用番普通牛油皮, 但呢度食就可以令到滿口都充滿濃郁朱古力的味道, 超幸福!!!  而入面餡料都好香滑, 又唔會好甜~ 口感同半熟芝士撻的餡料一樣咁幼滑的. 配合鬆化的撻皮, 高質! 雖然22蚊一個撻聽落好似唔便宜, 但性價比又真係高喎~ 所以以呢個質素黎講 我依然覺得係抵食!  鍾意朱古力的人真係要去食下!

半熟朱古力撻 ($22)好大個朱古力撻喔！齋睇佢外表已經覺得口感會好鬆化，而且憑佢深啡嘅顏色就可以估到佢朱古力味應該幾濃。朱古力味非常濃郁，甜度適中，流心餡料跟芝士撻般綿滑，如慕絲一樣。撻皮很鬆化軟熟，富有朱古力味，各位朱古力控仲唔快啲試下！

番工番到餓餓地要食d甜野提提神，今日趁有時間諗住去買芝士撻，無意中發現新出左半熟朱古力撻,平時好鐘意食朱古力既我當然無放過佢啦!《半熟朱古力撻$22》因為要攞番公司同人happy share,唯有再整番熱佢，但完全無影響入面半熟既效果。新出既朱古力撻都幾香濃滑溜，中間好creamy,熱辣辣既時候食好幸福《半熟芝士撻$22》另外見到半熟芝士撻剛剛出爐，忍唔住買左個，水準仍然保持住，咬落軟滑，芝士味道清新香濃而唔會覺得膩。