半熟工房 (Closed)

半熟已經第n次幫襯喇，每次行過都好想食返個😁半熟芝士撻 $22曲奇皮好香牛油香味而且食落好鬆脆，微微熱既芝士撻食落口感超creamy而芝士味好濃。SIZE好大個之餘味道好似比原店-BAXK 果間更切合香港人口味，比較中意食佢既半熟❤️百吃不厭！

今日行經過半熟工房, 係街上就聞到陣陣既芝士撻香味,吸引左我入去。幾好既係唔需要排隊,就可以即買即食。半熟工房的芝士撻外面係金黃色,賣相非常吸引,而食落唔會好辣咀,溫度保持得十分恰當,而半熟既芝士十分滑溜,口感極佳!

一路有食開呢度既半熟芝士撻, 相比起同區既另一間.. 我覺得半熟工房更勝一籌的.今日又心思思想買黎食下 每次心情唔好既時候 黎食一個就會開心番晒~ 美食對我黎講實在太重要!!呢度既半熟芝士撻每十二分鐘出爐一次, 今日去到出爐左一陣, 唔算太燙口, 八分熱, 咁樣仲好, 會容易D入口~我鍾意佢撻皮係用牛油曲奇餅底, 好鬆化, 好香!!!個撻面焗得好靚, 漲卜卜咁樣, 薄薄一層咁包實入面準備流出黎既半熟芝士......咬落去芝士餡呈流心半熟既狀態, 質感軟棉棉, 夠晒軟滑creamy, 超級正, 聽店員講個芝士餡仲係以北海道和美國忌廉芝士兩款芝士調製, 所以芝士味都好夠香!人流方面, 依家真係冇之前咁多人排隊, 甚至有時係唔洗排就買到, 但對我地呢D真.芝士控黎講其實係一大喜訊~因為可以快D買到黎食 我一定會多D黎支持!!!!順帶一提, 依家出左一樣叫"葉子派"既新產品, 好得意 形狀係一塊葉~好似都唔錯, 下次食完再分享!

番工番到餓餓地要食d甜野提提神，今日趁有時間諗住去買芝士撻，無意中發現新出左半熟朱古力撻,平時好鐘意食朱古力既我當然無放過佢啦!《半熟朱古力撻$22》因為要攞番公司同人happy share,唯有再整番熱佢，但完全無影響入面半熟既效果。新出既朱古力撻都幾香濃滑溜，中間好creamy,熱辣辣既時候食好幸福《半熟芝士撻$22》另外見到半熟芝士撻剛剛出爐，忍唔住買左個，水準仍然保持住，咬落軟滑，芝士味道清新香濃而唔會覺得膩。

之前打得火熱來自日本嘅芝士撻，相信大家都試過，我都曾經花咗粒幾鐘去排隊試咗，但試完就覺得不值，後來知道另一主打芝士撻嘅半熟工房喺銅鑼湾開咗，今日行過見到得十幾個人排隊當然要試下啦，他們還有原味同綠茶選擇，今次試咗原味先，一試之後，真是覺得可以打敗日本那間，外皮酥脆，芝士味濃，同埋真係半熟，真的不錯，他們還很细心見舖頭內貼了孕婦特別安排，就係孕婦不用排隊，好细心喔，抵讚

自從杜小姐在其旅遊節目介紹過日本這個半熟芝士撻後，坊間不少店舖都紛紛推出相類似產品，連日本元祖店都渡江過來開店。小弟一向熱衷嘗試新美食，但礙於這店舖一直高據長龍榜榜首，故未有時間一試，直至前天路過一間本地薑半熟芝士撻專門店，見到剛剛出爐，而排隊人龍亦不算太長，遂趁機買番個試一下。這店的出品在網上口碑算不錯，據講是由港人遠赴東瀛取經歸來開店，裝修簡約清新，除了主打芝士撻外，還有半熟芝士一口蛋糕及其他賣相精緻的西式蛋糕甜品。排隊約6分鐘，其間焗製麵包香氣從製作室飄出，令人食慾大振，終於見到聞名已久的半熟芝士撻出爐，每個約三吋直徑，牛油曲奇撻底，撻面焗成金黃色，一個個齊齊整整排好，令人見到都垂涎欲滴。望真啲，原來除了原味之外，還新增咗自家研製嘅綠茶味半熟芝士撻。小弟最鍾意試新嘢，除買咗四個原味芝士撻外，還買了兩個綠茶味試吓。原味芝士撻，聽聞咁耐，終於一撻在手，忍不住立即一啖咬落去。牛油曲奇撻底，薄薄的，香脆鬆化；半熟芝士餡，近乎流心狀態，一啖咬下去芝士漿立即湧出來，質感柔滑，帶著乳酪的酸香，面層烤得焦香的忌廉芝士，最是誘人，芝士奶香夾雜淡淡的檸檬香味在口腔緩緩滲出，減低了膩感，沒有想像中飽滯

由於之前喺「半熟工房」尖沙咀店買過半熟芝士蛋糕同綠茶半熟芝士蛋糕嚟食！今日下午我們經過見到他們嘅銅鑼灣新店就買咗半熟芝士撻同綠茶半熟芝士撻嚟食！半熟芝士撻嘅表面焗得色澤金黃，有非常香濃嘅牛油同芝士香味，芝士嘅質感相當軟滑！係本人嘅必食推介！綠茶半熟芝士撻嘅表面色澤比較濃，撻邊嘅位置焗得有微微燶嘅感覺，雖然綠茶嘅味道好甘香濃郁，但本人始終都係喜歡原味嘅半熟芝士撻！

試過SOGO的半熟芝士燵, 算是不錯, 但要排上成個鐘才食到就見仁見智, 這間本地薑在銅鑼灣開了分店, 行經見到人龍不長, (10個左右), 又要試下, 一食....比sogo那間的creamy, 心是軟的, 好像會流出來, 味道亦ok, 奶酪的味道亦夠, 另外燵底亦比較鬆化, 牛油味香d, 而且只排5-10分鐘, 真是值得一試再試

行過Sogo附近，見到有人挽住個半熟紙袋，咪講笑即刻去排個隊買翻D一陣坐底同老友share，但一向食開泰昌既蛋撻既我，見到$22個既撻真係有點不可思義不過普通半熟蛋糕已經食到無晒新意，那就買佢半打來試試看！唔係好多人，排15分鐘就有，你知啦，入夜少少都無得食架嘛！有得買就買啦此外個紙袋堅靚，增加食慾唔似一向既半熟蛋糕向下凹砍，蛋撻反而漲卜卜，我仲用手指督下佢，不是空心的好喇…緊張時刻到喇！嘩…真係要學伙頭智叻星咁，雙手拓鰓，跳高大叫好味奶香到不得了，我估那是好重芝士既緣故，有蛋味，個餅底就當然唔夠泰昌鞦啦，但真係好濃芝士味，吃一個就一定唔夠喇後記：吃完過了成個鐘個口還有那陣芝士味，原來終於有蛋撻比得上泰昌蛋撻喇！