小澤日本料理 (Closed)

我自己就好少會去中環食野因爲好遠😂呢間日本野真係值得試!但係只係講緊lunch😂佢lunch有個set叫✨自選三式飯✨入邊有大約成30樣野俾你揀包括左丼飯 壽司 同小食等等🤩跟住你就可以任揀3樣野即係你可以3樣野都嗌丼飯😂😂但係你一個人一定食唔曬所以我覺得最好係兩個人去食叫3個飯👍🏻因爲佢所有野都好吸引我地就叫左2個飯咋🥺【半燒三文魚飯】呢個係必叫!有成5舊勁厚嘅三文魚仲要燒過啲魚油好香令到成個飯好好食🤤🤤【角切魚生飯】所有魚生都好大粒同新鮮仲要重點係堆到好多🥳另外仲叫左【蒲燒鰻魚】都幾厚同好香👍🏻【炸餃子】冇咩特別😂【燒雞扒】個雞好滑多汁同個皮脆架🥰最後仲有【半燒帆立貝壽司】呢個就冇乜鮮甜味一般啦同埋仲會每人都有一球雪糕我地嗰日有豆腐同抹茶揀正！😆呢間餐廳有個唯一嘅缺點就係佢地嘅壽司飯太過黏黐埋一舊咁🥺🥺

好出名嘅一間小型日本餐廳， 鋪面超細間，而且係中環半山嘅位置。但係好full，一定要book位先食到(個老闆娘聽電話嘅語氣真係有啲差😅)。之前成日聽朋友講有幾好食同抵食，今次終於同佢地一齊嚟食啦！我post相上ig，個個都話我識食😂經過朋友推介，我揀咗 I, J, Q。半燒三文魚飯最好食嘅一個個個都推介！三文魚好厚身，而且燒得啱啱好，入面仲係半生熟咁，而且啲三文魚油香仲keep住。正！不過我想講食完啲三文魚已經超飽，因為真係好油膩。蔥碎油甘魚飯個人比較prefer一件件嘅魚生，碎咗唔係好食到魚生嘅感覺🙈。而且要留意呢碗係好大浸蔥蒜味嘅！半燒帆立貝壽司帆立貝好好食，好新鮮，厚身。呢度嘅魚生真係唔錯！最後仲有雪糕食，今次有芝麻同埋柚子味揀，我揀咗柚子。個雪糕都幾好食，柚子味好清新，消滯啱啱好。佢唔係嗰啲好creamy雪糕，而係比較似冰沙texture的隻。好食係好食，但係冇我想象中咁好食，可能期望太高🙈而且午餐$115又唔係真係咁抵食(?)😂 不過呢啲咁地道小舖真係幾特別，而且魚生真係好新鮮好好食。所以一定會再嚟食嘅