麥金.麥金馬來西亞特式茶啡室 (Closed)

每次行開大角咀，都會覺得嗰度係美食天堂，林林總總嘅小店都充斥着人龍，勁多野都想食🤩今次食馬來西亞野食先~餐廳門面，裡面裝修都有種喺大馬食地道野嘅感覺，但估唔到佢menu都幾齊全，除左大馬style, 仲有日式同泰式😂我難得嚟到梗係咩都叫d啦😜✨細滲肉骨茶 - 材料嘅款式都幾包羅萬有，有豬肋骨，豬肚，雞腳，豬手，油炸鬼，豆卜，令湯底個味都幾濃郁，仲可以無限refill, 幾抵玩，配飯食一流！✨原條蒲燒鰻魚飯 - 估唔到會喺馬來西亞餐廳見到鰻魚飯，所以就睇下佢咩料，不過原來係幾正路嘅鰻魚飯，大大條好肥美~✨南洋鮮油燒麵包 - 麵包好香脆，牛油半溶狀態勁邪惡，但幾惹味😋✨泰式生蝦 - 連泰國野都有😂又真係做到嗰隻味，蝦肉幾爽口，個辣汁先係精粹，沾蝦食有風味得多~✨美祿恐龍 - 最鐘意佢面頭有咬口嘅美祿粉，係食馬來西亞餐廳必叫嘅飲品之一！✨椰汁斑蘭冰 - 我一向都鐘意斑蘭口味嘅野，呢杯飲品較重椰汁味，帶有淡香斑蘭味，都幾好飲~

馬來西亞菜一直都好受港人歡迎勝在味道好又抵食 夠晒親民☺️呢日就同左朋友去左大角咀嘅麥金.麥金食晚餐.🌟南洋鮮油燒麵包燒麵包唔係普通嘅白麵包🍞啡色嘅麵包食落好香脆中間夾左厚厚嘅🧈牛油同埋咖央醬係必點嘅小食🤤.🌟怡保芽菜雞配黃薑飯黃薑飯煮得好入味 而且雞肉好嫩滑🐔雖然有少少骨 但都好易食仲有芽菜墊底.🌟娘惹喇沙湯底非常出色 有馬來西亞當地小店嘅風味😋令我諗起去旅行嘅日子🥲至於麵底用左油麵 唔重鹼水味而且彈牙配埋蝦🦐、蜆、扎肉、豆卜等等嘅配料好豐富性價比好高👍🏻.🌟凍桔仔華梅水朋友揀左呢款飲品 我試左啖覺得出奇地夾因為馬拉菜式普遍比較濃味 配上呢杯酸酸甜甜嘅飲品覺得特別清新朋友果然係食家😝.🌟凍椰汁斑蘭冰椰子味好濃郁 帶有淡淡嘅斑蘭味💚雖然係飲品 但係飲落有種飯後甜品嘅感覺.餐廳嘅餐具同裝修都好有心思😙尤其係餐具真係好精美 令人食慾大增

最鍾意嚟到大角咀美食 因為有好多平民美食😚 呢間小店裝潢好似馬來西亞道地嘅餐室咁 感覺好有風味🏖 有餐具到裝修 都有馬來西亞傳統風情💙 味道都好正宗呢⭐️ 細滲 🍖小份嘅肉骨茶基本上乜都有😋 肉骨茶入口甘香藥材味唔重 但比較濃黑椒味🌶 忍唔住飲晒成碗比較濃但唔口渴 建議可以自己加上蒜蓉同辣椒再調味🧄 有排骨腩肉等送都好新鮮 🥩⭐️ 蛋黃奶油勁量雞扒珍珠飯 🍗奶油充滿鹹蛋黃嘅鹹香非常邪惡😈用嚟撈飯夠曬滋味🧡 雞扒烤得好香脆又唔會肥膩🐔⭐️ 南洋鮮油燒麵包 🥯重點推介一定要食‼️話喺呢度嘅名物絕不過分🤣 多士剛好燒的香脆 🔥 牛油用了非常新鮮沒有油益味 🧈咖央甜中帶椰香🥥 兩種半溶嘅感覺二合為一超滿足🥰

Tea time真係抵到爛😫，$20-30幾就有咖央多士同粉麵食😨，叫一個tea想加多士都係+$10，好抵真係😂-💕 怡保芽茶雞黃薑飯 $52👅好味指數：7.5/10飯可以簡珍珠飯/黃薑飯，黃薑飯色澤夠黃，有黃薑味香、雞湯味夠濃雞件夠滑有啫喱。👍🏻-💕 波士頓龍蝦叻沙(半隻) $88👅好味指數：9/10叻沙湯底勁香濃‼️質感夠濃稠，椰香味重，亦有淡淡蝦香🍤龍蝦勁大隻又有蝦膏，索哂湯汁肉質又彈牙😍配料仲有烚蛋、蜆、豆卜、扎肉等，成碗裝到滿哂🤣份量驚人，正❤️-💕 加配椰香鮮油咖央多士(半份) $12💕 加配南洋鮮油燒麵包(半份) $16👅好味指數：8.8/10兩款味道相似，厚切牛油😍+ 咖央醬，咖央質感比較似漿糊，偏水潤啲而唔係果醬咁，味道偏甜啲，而多士都係烘得好香脆😍-環境：7/10服務：6.8/10整體味道：8/10回頭率：8/10

喺大角咀見到麥金麥金有下午茶套餐食😍 有多款馬來西亞特色食品 花多眼亂 決定入去食返個下午茶😜下午茶最平$26就有交易😱 仲可以以優惠價加配小食同飲品 相當抵食🤩 我哋叫咗兩個餐 分別係怡保芽菜雞同椰香咖央多士🤤 怡保芽菜雞加左$10轉脾 肉質果然超級嫩 而且雞肉彈牙 唔係雪藏霉雞肉👍🏻 椰香咖央多士香脆多咖央醬 仲送一隻半熟蛋 作為下午茶就啱晒👅兩個套餐都加配左小食 分別揀咗南洋鮮油燒麵包同埋麥金小食拼盤🤩 南洋鮮油燒麵包嘅麵包更加鬆脆 而且入邊夾住一塊厚厚嘅牛油 勁邪惡🤤 小食拼盤一次過滿足你多款願望 有齊雞翼 蝦餅 春卷 滷肉卷同炸雞五款小食👅 下午茶半價加配真係非常抵 入邊我哋最鍾意食嘅係蝦餅同滷肉卷 全部新鮮炸起 非常香脆👍🏻飲品方面就揀咗怡保白咖啡同埋馬來西亞拉茶☺️ 特別喜歡馬來西亞口味 2者都會偏甜少少 🤏🏻 不過味道比較濃滑 白咖啡更加啱我口味🌟

其實我都算好喜歡吃馬來西亞野😚最近係大角咀就食左間特色冰室～餐廳門面好有復古客棧feel 裝修都滿滿懷舊感.◽️娘惹叻沙 $68加多$30有波士頓龍蝦叻沙😳湯頭用左馬來西亞空運既醬料 味道香濃唔算辣麵底有幾款 我揀左最有風味既摻摻😛配料都好豐富 有扎肉大蝦蜆同豆卜蛋最索湯都係豆卜贏XD.◽️蛋黃奶油勁量雞扒撈出前一丁 $68突然好想食撈丁🙈 聽到個醬都覺得邪惡本身一丁有配埋啲葱花 麵質軟硬適中撈埋個醬好creamy 奶油味偏重 有啲似唔辣既咖哩fu😚雞扒真係好大塊啖啖肉 仲外脆內嫩～.◽️南洋鮮油燒麵包 $34好似第一次食燒麵包 啡色的好可愛😍咬落好香脆 中間夾左咖央同一整片厚牛油甜甜的超邪惡🤤 友人還說依稀吃到可可香😛.◽️馬來西亞拉茶 $22差唔多次次食馬來西亞菜都會點😛拉茶奶香味較重 口感滑順～.總結，主打多款馬來西亞娘惹菜式&泰菜食物份量都幾多同勝在好多選擇除左飯麵類 都有main dish share食🙆🏼‍♀️嗌肉骨茶既話仲可以任添喔

返工放lunch，有時就係想食啲好唔香港嘅午餐，當自己快閃去咗轉旅行，呢間絕對滿足到大胃卑微嘅願望海南雞就食得多，怡保芽菜雞喎，大胃就冇食過喇！之但係肉質鮮嫩度有過之而無不及心型青瓜下嘅黃飯，同雞肉真係絕配南洋嘅代表之一—喇沙唔食又點得？湯汁濃郁惹味就梗啦，麵嘅份量驚人，口感充實蝦肉吸收晒湯汁精華，食到啜啜聲食完正餐直落甜品啦，點可以唔食咖央多士呢？麵包微微烘過，令咖央醬更溶入麵包內層如果識食一定配埋鮮牛油，冰火交融嘅感覺，可以同香港菠蘿油一較高下本以為佢地嘅奶昔一定勁甜，因為南洋嘢係偏好爆甜，但呢杯奶昔唔係，生果幾甜，杯嘢就幾甜，好清新自然奶茶聯盟之一，好似計漏馬拉嘅拉茶，茶味同甜味嘅獨特比例，唔係其他地方嘅奶茶會飲到