Amusement Eatery (Closed)

香港係美食之都，幾乎所有地嘅菜式都可以喺度食倒，朋友生日，壽星女話想試啲特別野，所以我就帶左佢黎長沙灣哩間主打食南美菜嘅餐廳。Amusement喺福榮街盡頭，加上門面比較暗唔太起眼，行過好容易會錯過。店內用左唔同顏色嘅霓虹燈做裝飾，走型格路線。餐廳嘅菜式選擇唔算太多，不過小食、pizza、主菜同飯麵每個項目都有幾款揀，當中亦有唔少南美菜式，如果驚食唔慣，可以只點一兩道試下。菠蘿水果茶 & 柚子水果茶($58) - 兩款水果茶雖然味道分別唔大，不過唔會太甜，茶味亦清新，略帶酸甜味啱晒而家仲熱嘅天氣。海鮮凍盤($98/細) - 凍盤用左切碎左嘅蝦、魷魚、蟹柳同燈籠椒，再落埋秘製嘅醬汁，食落酸酸地非常開胃，食時可以配埋碟邊嘅墨西哥車輪脆餅，鬆脆之餘亦唔會太油膩。牛舌($68) - 牛舌都幾厚切，口感幾彈，食時可以蘸埋另附嘅酸辣汁，酸酸辣辣幾醒胃。雙重辣肉腸手工披薩($188) - Pizza直徑約十吋，上面鋪滿芝士同辣肉腸，芝士帶少少半融有咬口，配埋鹹香辣肉腸好惹味，餅邊亦烘得香脆，非常好味。特式南美烤肉飯($188) - 烤肉非常豐富，有牛肉、雞肉、牛油果、太陽蛋同黑頭，食之前要先撈勻佢，

❤️🤍🧡異國風情café🍕南美甜品有驚喜長沙灣呢個地方，Hatty都係因為各類打卡café 嘅岀現，先會去🤣去得多就知成條福榮街都係café 😂行過發現，依度又開咗間玩味十足嘅異國風情café ，餐牌上菜式咁特別🤤一於try try佢！🧡北京烤鴨手工薄餅🧡 $148依個價錢以10寸嘅手工pizza嚟講，真係幾抵食🤣餅底厚薄適中，帶煙韌口感🍕pizza中有北京烤鴨嘅海鮮醬，鮮又帶鹹香😚配上烤鴨胸、蔥、芫荽、青瓜等等🥒成個北京烤鴨味道更立體🦆芝士方面都俾得幾足夠，做到拉絲效果🧀💛南美特式甜品💛 $68唔到食嗰刻都唔會知係咩甜品🤣一嚟冇食過南美甜品，二嚟怕羞唔敢問🫣上菜嗰刻見到依個蛋糕仔淨係覺得擺盤好靚🤭聽完店員介紹，先知原來係粟米🌽芝士蛋糕🧀，再淋上蔗糖漿，頂部仲有鹹香羊奶芝士✨整體鹹鹹香香，好好味😳個人比較欣賞佢芝士蛋糕嘅質感，望落去好厚實，但濕潤度剛好🤤入口仲好軟滑添！餐牌嘅價錢都比較親民，份量亦十足✨至於特式食物方面，都喺香港少有嘅😛特別係個甜品呀！環境就唔使講啦(尾圖)，超適合打卡💕BTW記得save post，方便向店員查詢有關菜式啦❣️📍Amusement Eatery📍長沙灣福榮