白布烏冬 (荔枝角道) (Closed)

個日係中午時間去 都唔需要等位 一修去就即刻有得食😚 間餐廳都好貼心 櫈下面有個籃俾你放袋🧐一入到去侍應會俾杯熱茶😙▪️雞肉入沾白布烏冬 $86雞肉有三四件 唔算太多👀 仲有幾舊茄子🍆白布烏冬唔好以為佢睇落好少 食落真係好飽🤥成個過程好有趣 好考夾筷子既能力😂白布烏冬好滑 成日都會冼走咗🥲夾咗好耐先食到一塊▪️南蠻curry沾白布烏冬 $86咖喱汁都算濃 入邊有好多京蔥🤪雞肉都唔錯 好有肉質 好juicy🥳咖哩唔辣 配埋烏冬都好入味😗好味過就咁清湯🤩

白布烏冬剛開張嘅時候日日都有好多人排隊，依加可能熱潮稍退，我哋去到嘅時候唔使排隊，餐廳入面嘅人都唔多～ 白布烏冬都幾大塊，質地好滑溜，所以好難夾，尤其沾汁之後就更難，食得有啲狼狽😂 烏冬比想像中厚身，口感比普通烏冬更煙韌😋 雖然一份只有7片白布烏冬，但食完都幾飽😂•🥢 冷汁天婦羅白布烏冬 $115呢個餐有兩款醬汁，其中一款係芝麻醬，入面加咗芝麻碎，芝麻味好濃，偏竭身，比另外食嘅兩款都更易掛喺白布烏冬上面！另一款係冷麵醬汁，應該係鰹魚醬油湯，湯汁本身味道好濃，搭烏冬會淡啲，但鰹魚湯配烏冬就一向都好夾😛而天婦羅都有5-6件，有1隻蝦同埋南瓜茄子等，炸皮好薄，亦都唔算好油。•🥢 南蠻curry沾白布烏冬 $86呢款嘅咖喱沾汁係日式咖喱味，味道幾濃，唔算好甜，帶微微辣～ 汁入面有雞肉、豆角、蔥、洋蔥。不過咖喱汁比較稀，似咖喱湯，所以烏冬唔太掛到汁，食落都係比較淡味😬白布烏冬係凍上，但沾落熱咖喱湯就令到熱湯好快凍咗😢 食到最尾個湯凍晒真係有少少扣分。