euro go go

Open Now

Now Closed

今日出街出得有D無謂，因為我記錯左仔仔重要上日文堂，所以約左中午前去做暖宮按摩。約完先記得仔仔唔駛上日文，結果係我自己一早出門口先，再約仔仔出街食個Lunch，如果淨係去做暖宮按摩，我會覺得浪費左時間同車錢呢。就係咁約左仔仔係朗豪坊行下，其實成日都想去試果個大阪燒，但要自己整，真係睇幾多次佢門口果個示範都係冇信心做得到。結果又沿途行番落樓，最後揀左去Euro Gogo度食，原因係行過見到佢唔駛等位呢。牛脷意粉加荔枝茶，牛脷幾淋幾好味，荔枝茶就有少少唔夠味，而且果幾粒荔枝酸到爆丫卡邦尼意粉，完全冇味，得白色既汁咁，仔勁落芝士粉去食，係每食一啖就加芝士粉咁食囉。食物真係好一般，不過唔駛等位，算係咁啦，唔駛等位的話，都係一個唔錯既平價之選黎既。

今日約左貧友飯聚因為夜晚大家都要做節所以就約左食lunch雖然係星期日但可能連住幾日紅日好多人去左旅行商場人都唔多12:00黎到大把位不過食食下, 都越黎越多人坐滿晒了睇下餐牌有咩食選擇都唔少價錢都唔貴喎哩度係自助點餐想食乜就要自己出去櫃枱點餐付應會俾個號碼牌食物準備好就會有侍應送上枱荔枝茶($22)好清甜, 幾好飲, 入面仲有三大粒荔枝tim凍忌廉朱古力($28)開學月第二杯原來有半價賣相都唔錯, 不過貧友話豬古力味唔係好濃Cappuccino(Tall)($26)超級薄餅(84)薄餅邊幾脆有黑椒牛肉, 辣肉腸, 菠蘿, 煙肉, 好夠味, 好食四式芝士蒜蓉包($55)即係蒜香雞, 吞拿魚, 黑椒牛肉同番茄煙肉蒜蓉包烘到脆脆地, 好香蒜蓉味, 唔錯蜜糖雞翼($39)成隻雞翼都沾滿蜜糖, 燒到金黃色, 又睇得又食煙肉磨菇薯蓉($29)都幾多煙肉碎, 咸咸地, 幾好食卡邦尼意粉($50)上面又係o個d煙肉, 好似樣樣野都有煙肉咁XDDD意粉雖然唔煙韌, 但都唔會太林, ok估唔到哩度野食唔單止好食價錢以同區計都算平仲唔洗加一tim座位都算舒服不過就冇得book位想食就要早d黎搵位了

同友人睇完戲後黎食dinner，已成9點零，惟有去Euro go go 食啦！田園沙律，小小的一份，但有數款蔬菜，生菜、青瓜片、蕃茄仔、麵包粒，配上黑醋汁，清新又開胃。忌廉湯，奶味過重。鮮茄煙肉香腸蘑菇意粉，汁足夠，甜甜的，但這碟意粉淋了一點。卡邦尼意粉，汁足夠，但淡了少少，我加了好多芝士粉落去。食下傾下又一個多小時過去。