Homeland (東昌街) (Closed)

朋友話出嚟聚聚順便食生日飯， 就搵啲平日唔多去的地方。 咁啱見到大埔呢間， 超過380個笑的食評， 應該唔會伏卦， 就試試佢。半個月前用open rice app訂位， 首先冇打嚟reconfirm 時間， 唔緊要， 反正自己有mark 低。 跟住寫咗Birthday Dinner，冇提冇問， 唔緊要， 反正男人老狗。今日嚟到， 眼見餐廳幾細間， 只有5~6張四人枱+bar枱， 不過後來隱約聽到好似有二樓。因為只收現金， 朋友就出咗去㩒錢而我哋就睇下食咩， 唔夠10分鐘之內已經問咗我哋兩次食咩， 駛唔駛落單先。 Ok， 咁揀好就叫啦，原本點咗四個前菜， 因為唔知份量，就話主菜之後再叫， 點知居然聽到 “因為我哋用餐時間只有70分鐘， 所以可以order定先再上”。 我真係打個突， 70分鐘？ 連個半鐘都冇， 而家係返工午飯時間定做節高峰期？ 定係旺角大排長龍米豬連？ 計埋我哋諗的時間咪得番一個鐘， 嗰刻真心想起身。 另一個女侍應就話， “其實都會睇番食物出的時間同客人等位情況的。” 咁都正常啲。。。 不過好戲在後頭。我哋前菜點咗 “蟹餅”、“虎蝦沙律”、“香腸拼盤” 同 “法式田螺”。

店舖12:00開門，但係開門之前你已經都有人喺度排隊啦，可想而知你間食肆店係幾咁受歡迎。當我地坐低嘅時候已經都陸陸續續有其他人多位同埋入咗，好彩我哋呢都唔使等待就可以入咗啦。餐廳有好多位年輕人一齊主理，各司其職，有人負責入單，有人負責入座，有人負責傳話，有人負責茶水，我見到佢哋都好熱情咁招待客人所以值得向大家推介。我經過廁所嘅時候時候，見到廚房都有數位廚師一同處理。可想言之呢度好有心思。我哋呢總共訂了三個餐，第一個餐係特級安格斯漢堡，牛肉漢堡上面配上薯條，薯條係新鮮製成，非冷藏，食落去係啖啖的新鮮薯條味，而且說了上面鋪滿只是說我好憎上鋪頭嘅薯條。至於牛肉我哋點要七成熟。第二個地點了卡邦尼意大利粉，店員非常熱心，向我哋解釋意大利粉上面嘅蛋，係必須攪拌一齊食，我嘗試將蛋同埋意大利粉攪拌，混合。結果卡邦尼意大利粉十分入味，如果意大利粉可以熱少少更完美。最後我哋亦都點了精選全日早餐，我哋選擇了太陽蛋，太陽蛋食落去嘅時候，呢蛋黃係有少少嘅溫暖，而且蛋白好滑。我好欣賞全日早餐入邊嘅沙律，特別係牛油果。可能係因為我個人喜歡吃牛油果嘅關係。全日早餐有芝士腸，太陽蛋，三文魚，沙律等。凍啡