Mini Friday (銀城廣場) (Closed)

首先26/12 七點黎食晚餐環境其實都唔錯 迫左少少但員工係吾掂 除咗門口嗰嗰經理好啲其他員工都係uncle 除咗唔專業之外 每份嘢食跟一份餐具但都會擺落枱面 其實勁污糟嘢食方面- $338 威靈頓牛柳勁鹹 又吾夠熱(但等左廿分鐘) 牛柳冇牛味食得出係超級低質嘅牛肉- $128 卡邦尼意粉呢樣反而有驚喜 幾好食- $6X 雞翼雞翼都係正正常常有五隻啦- 生日送嘅甜品火焰雪山真係唔掂 個底係綠茶雪糕但係超級苦 硬過石頭仲要比大匙食甜品 errrr真係寧願吾好送比我食😂最後買單個經理吾識講嘢咁隊張單比你簽 又吾講嘢😮‍💨😮‍💨嘢食已經夠差 服務又差 點補救最後評分 2/10 一份係餐廳環境 1分係卡邦尼意粉

📍#Mini Friday (銀城廣場) (旺角)旺角西洋菜南街2號銀城廣場9樓♡推薦程度: 🌕🌕🌕🌕🌑🔺🔺🔺🔺🔺🔺🔺🔺🔺🔺🔺🔺🔺❣️#香烤美式BBQ豬肋骨 #DinnerSet💰$248Dinner Set配田園沙律、餐湯同飲品Bbq醬既豬肋骨味道不錯豬肉軟硬適中 唔算非常軟腍 切開共有4條骨 份量適中 ~旁邊既黑松露薯蓉幾好食😋 唔係好creamy個種口感 不過黑松露味幾岀但旁邊既配菜就較Dry ❣#卡邦尼意粉 💰$118上面隻溫泉蛋成為左我既焦點😋撈勻食令全個意粉都好香蛋味 ~扁意外軟硬適中 頗掛汁 整體不錯❣#鹹蛋黃醬雞翼 💰$78成隻雞翼都充滿鹹蛋黃醬☺️入口好濃郁鹹蛋黃味 ~ 炸得好香脆 大愛 (*´∀｀*)🔺🔺🔺🔺🔺🔺🔺🔺🔺🔺🔺🔺🔺

忍口減肥咗幾個禮拜，我呢隻為食貓終於忍唔住。今晚就去咗旺角銀城商場9樓嘅mini friday食飯 。 先拔頭嚟一個“水牛城雞翼“$78。雞翼好大隻，雞肉嫩滑， 辣度適中，個汁帶有少少酸味，作為前菜正中下懷。 再嚟就係一個“三色藜麥華都夫沙律“$68。 食材就有提子乾，合桃等等。 蔬菜十分新鮮爽口， 罪惡感減低了不少，酸酸尾尾十分醒胃。 之後仲嚟咗個“温泉蛋菠菜大啡菇“$78。一上枱已經芬香撲鼻 ，啡啡菇大概手心咁大 ，一切落去啲汁已經爆瀉， 食入口有好濃沃嘅菇香味 。 主菜就係“卡邦尼意粉 “$108，意粉十分creamy，入口味道濃而不膩，撈埋糖心蛋嘅蛋黃 ，滋味更上一層樓。 最最最最重點嘅就係“威靈頓牛柳扒“$298。份量十足，一切開入面嘅牛肉大概六成熟 ，牛肉味濃，面頭鋪滿 蘑菇碎， 再用香脆嘅酥皮包裹住 ，外脆內軟 ，多重口感滋味。 整體嚟講，餐廳 裝修格調都幾浪漫，適合情侶兩個人嚟食。價錢算親民又份量十足，性價比都幾高。

見到週末都有set lunch， 而且免收加一，反正出開嚟，不如試試。🎈環境🎈餐廳在銀城廣場9樓，在2樓轉𨋢上去。 餐廳都算幾大，坐了超過一半人以上。🍑食物🍑點了一個set lunch餐湯，只得一款，沒有其他選擇。什菜湯，正合我意，上枱時看起來沒有什麼特別。嘩，好夠熱呀，辣嘴的，啱哂我。正喎，有什菜湯的酸，但又不會攻鼻，恰到好處，真係估佢唔到出奇地好飲。卡邦尼意粉上枱時，食物是熱滕滕，而且賣相不錯，份量也很足，味道都幾濃。💁🏻‍♀️服務💁🏻‍♀️服務員人手充足，落單及收碟速度都算快，及有禮貌。💰價錢💰以一個西餐廳的格局，但比茶餐廳平的價錢，我真心覺得好抵食。題外話，銀城廣場購物中心每層都有香味，唔知係香薰或是其他，但真係唔係每人都受到嗰啲味。

今日去波鞋街買波鞋，所以訂左一間近旺角既餐廳一試，見相片環境唔錯，就訂左mini friday 見到店鋪有花心思於佈置上，又有流聲機，又有吊燈擺設咁，營造浪漫、一般西餐廳有既氣氛，但實際上感覺衛生一般，枱面、周圍有種癡笠笠既感覺，如果可以改一改依方面，應該會更好由於我唔係好肚餓，所以只係叫咗一個主菜——卡邦尼意粉，同埋兩個小食。通常我去一間餐廳都會叫佢嘅卡邦尼意粉，因為我覺得如果簡簡單單嘅菜式都能夠煮得好味，其他嘢食應該都唔錯。但可惜，意粉唔夠彈牙，忌廉感覺落得太重，令到意粉冇乜味道，一般一般。然後到小食——芝士菠菜大啡菇，大啡菇本身冇乜問題，但隔離嘅配菜，唔知點解會配左爆珠，一開始我仲以為係三文魚子，食落去味道怪怪的，同大啡菇唔相配反而依個酥皮焗田螺味道唔錯，酥皮鬆脆，裏面嘅薯蓉都熱辣辣，係呢間餐廳值得一試嘅菜式Mini friday 好似出名燒豬手，但今次我冇試到，因為太飽了，但其他菜式真係一般，有機會下次再來吧！