Mee...lemongrass (Megabox) (Closed)

今日經九龍灣做野，就係Megabox食埋個晚飯先走，平日嘅MB好少人，行得好舒服，🥳我地揀左一輪就決定食呢間泰國野😋😋Mee... 叻沙海鮮湯麵本來想叫佢個波士頓龍蝦叻沙麵，但因為限量嘅關係，賣晒就冇最後揀左呢個平少少嘅海鮮湯麵🥰佢都好足料架！有硯、超大隻嘅蝦、蟹柳、魷魚、白魚蛋、豆卜等等🤩勁多餸又大碗，叻沙湯底夠晒濃郁又唔會太鹹，我差啲想飲晒佢呀！另外仲叫左呢個印尼炒飯，有蝦片、雞肉串、蝦、魷魚⋯等等，仲有隻好得意嘅蛋，我地懷疑係用湯殼煮嘅哈哈🤣炒飯調味適中，非常地道🥳但蝦片就擺太耐唔脆了，扣左少少分土匪雞翼仲連埋個小沙律一齊上，食完炸雞翼可以解膩🥰好細心！跟左個泰式辣醬，乾食濕食都得，雙重滋味🥳呢個芒果沙冰打得夠細（好重要！）唔會咬到有冰，飲落好順口！🥰仲要冇化學糖漿味，正！本來想叫個雪糕，但原來晚市冇套餐要加$18，唔係咁抵 最後就冇叫到 下次食午市可以一戰🤩

餐廳位於Mega box商場入面，有lunch menu，價錢大約70蚊左右。前菜。細細碟開下胃。主菜。蝦醬炒飯非常足味👻，配上醬汁豬肉非常滿足，份量亦好足，我地兩個都食唔哂。餐湯。中湯黎講中規中矩，冇咩特別。飲品。凍熱同價，亦可以選擇泰式奶茶。甜品。椰汁咖啡奶凍，可惜有小小溶左。但注意餐廳上菜非常慢，今次我地足足等左半個鐘先上餐🤭😋蝦醬炒飯套餐（有前菜，湯，飲品，甜品）😋印尼炒飯🤪隻蛋有流心嫁

前幾日去左Megebox 買野，經過見到原來Megebox 新開左間Mee... lemongras，一於入去開餐先！餐廳店面好大，有空間感，位置寬闊，環境潔淨企理，真舒適！睇睇餐廳，選擇幾多，有沙律、喇沙、 炒粉麵飯、咖哩、甜品等等，價格合理，很大眾化！呢度最出名係海南雞，咁一定要叫一個試下啦！招牌無骨海南雞（半隻）$118嘩！估唔到半隻都咁多？！一個人真係食唔晒！一睇啲肉色就知道係新鮮雞，外表表皮油潤肥美，真係見到都流晒口水，雖然好多人都會話雞皮好肥唔好食，但我個人覺得雞皮才是精髓一咬落去食到雞油既香，仲食到濃郁既雞味，肉質嫩滑，再點啲特制既醬，酸酸甜甜咁真係好好味！我仲另下叫左碗雞油飯，用黎送飯一流，一啲都唔會覺得膩！地道串燒 （4串） $62串燒可以揀牛/雞，而我就揀左半雞半牛，伴菜仲有番茄仔、青瓜、菠蘿！串燒醃得好惹味，肉質保持鮮嫩，配上那個白色既汁，帶點酸酸地，剛好中和左果份油膩感！印尼炒飯 $74印尼炒飯配有一串雞串燒、蛋，仲有我最愛既蝦片！炒飯內都幾多料，有蝦、尤魚、雞肉等等，味道都ok！椰汁西米糕 $28椰汁西米糕唔太甜，椰香十足，口感滑溜，底部有西米同栗米增加口感最