日嚐 (Closed)

日嚐喺大角咀同紅磡有分店，今次食嘅係位於大角咀嘅。大角咀嘅日嚐位於老舊嘅大全街幾突出，因為整條街嘅餐廳商鋪都好老舊，而日嚐就係行日式小店嘅風格。比起其它街坊店鋪，佢顯得比較有心思，而且從網上相片見到該店家室內環境同餐具都好靚好有特色，不期然令人期待究竟佢嘅食物係點。店家招牌寫住慢煮生活，似乎慢煮係佢哋嘅招牌菜。不過佢嘅慢煮法國鴨胸同印第安慢煮泰式雞都有啲普通，肉質係幾嫩滑嘅，但食到嘅係濃濃醬料味only，唔多嚐到食物本身嘅味道，食唔出有咩特色。有啲位係幾有心思，好似每個餐可以揀兩款小菜，一個沙律，一個冷盤，都幾開心嘅。喺沙律當中，柚子紫薯青蘋果沙律幾唔錯，紫薯味濃，柚子青蘋果清新，其它沙律冷盤係普通嘢。Overall，食物水平一般，份量小，感覺唔值$70/80一個餐。而且餐廳好細，座位狹窄，有啲逼。不過，食物又唔係話差果種，如果你鍾意打卡，日嚐的確係一流，只係唔好對食物有太大期望🤡。📜🥢慢煮法國鴨胸配柚子汁bbq醬($68)*加柚子紫薯青蘋果沙律 & 山葵八爪魚🥢印第安慢煮泰式雞($68)*加芝麻醬秋葵 & 蒜味墨魚仔

有9款全日套餐菜式可以揀 雞牛豬同魚都有然後由主食到湯底 季節沙律 再到冷盤都可以自選🇹🇭印第安慢煮泰式雞 $68雞肉經過慢煮雖然未到超juicy但都幾嫩滑上面淋咗啲泰式雞醬 酸酸甜甜主食揀咗冷蕎麥麵 用碗裝著個麵餅成個麵都加咗麻油另外可以將麵點攞豉油汁到冰涼得嚟食到淡淡嘅麻油香味季節沙律揀咗柚子紫薯青蘋果沙律靚靚嘅紫薯波波食到綿滑嘅紫薯蓉 有青蘋果粒粒滲咗柚子酸酸哋嘅味道超級清新又開胃冷盤就揀咗山葵八爪魚感覺無平時食到嘅咁嗆鼻 比較溫和🐔唐揚炸雞 $58炸雞雖然每塊大小不一 但都有5大塊 炸皮薄脆 最緊要係咬落啖啖肉雖然未到爆汁但唔會太油膩烏冬比較扁身 唔係手打而係常見嘅稻庭烏冬湯底三選一揀咗昆布木魚湯味道真係好清甜 完全無油膩麵底明顯比蕎麥麵少 不過都夠飽季節沙律揀咗韓式涼拌青瓜冷盤就揀咗蒜味墨魚仔兩款都係平時食日本嘢前菜嘅味道🐽脆炸吉列豬排 $68吉列炸皮同樣出色 肉厚唔會好多肥膏熟度啱啱好都算皮脆肉嫩切成5塊粗粗的都幾滿足呢款主食揀咗白飯 選用嘅越光米圓碌碌好飽滿 食落帶點黏性唔會好乾🇯🇵日式照燒蔥醬肥牛 $58肥牛份量雖然唔算好澎拜但每一片都幾大塊照燒醬汁甜甜鹹鹹似日式壽喜燒

🍱印第安慢煮泰式雞定食 $68-沙律 - 柚子紫薯青蘋果沙律冷盤 - 蒜味墨魚仔主食 - 和風牛骨湯式烏冬　　　明太子 (+$8)-日嚐，主打木系日本風格，提供多個日式套餐，比較出名就係黑毛豬、封門柳⋯⋯餐廳等於4-5張枱，就算喺平日lunchtime食，都要等半個鐘😢

今次已經係二訪，但發覺比起第一次，今次嘅味道差咗好多已經冇咗第一次食嗰陣嘅驚喜如果食物水準keep住第一次咁，會有三訪嘅機會但我諗，而家暫時都唔會想再去食但for打卡而言，佢真係好啱啦📷無論係餐廳定食物，打卡都係一流👍🏻日系 簡單 家庭 木系，單單幾隻字已經好殺食-