Futago HK大阪燒肉

Open Now

Now Closed

睇YouTube有人介紹依間無差評嘅燒肉情人節去食無加價反而做緊9折～(除1人餐外)兩個人嗌左牛豚豐盛二人前 $458每款有6件，仲有兩碗飯，沙律同湯～• 牛舌兩面燒一燒就食得，夠爽口，唔會un👌🏻• 另外兩款牛食好好食，燒完入口未去到和牛即溶，但都好軟熟，牛味都好夠！• 圖中最右一條狀嘅牛就正常水準一共有6件除左頭兩件好軟熟之外另外四件都有筋，所以好un不過味道都係好食嘅！______________________________而豬肉就正常水準，無特別感覺，可能因為套餐包嘅肉脂肪唔夠，食落都unun地，同食牛個感覺差好遠另外見人介紹厚切牛胸腹肉係同wasabi一齊食，我哋都嗌咗嚟試～• 厚切牛胸腹肉$148四件，燒兩面，之後放wasabi同炸蒜片，燒好淋上醬汁食嗰matching幾得意～如果食完未夠飽試吓都唔錯______________________________整體嚟講，套餐嘅牛都好好味，豬肉就正常～但以依嗰價錢黎講，好抵食啊夠飽，平過又好食過放題！員工態度都好好有一樣我覺得需要改變嘅係佢哋提供嘅即棄筷子，係長方體嗰種，好刮手，同好多木刺乾燥天氣使用要小心啲，好容易刮到

我最愛燒肉！諗住隨便在尖沙嘴揾間燒肉食下，見倒Openrice呢間有好多「開心」但竟然零個負評！？咁一定要試試！果然好有驚喜！「一本牛舌」好soft，外脆肉軟，食完想番兜！同埋都幾大份。「厚切牛舌都好食」但普通啲！「厚切特上牛胸腹」又係正！好soft!反而覺得「一本壺漬牛肋條」冇其他禁好食，但都可以試下。呢個都好新鮮！仲有啲前菜唔記得影相，叫咗個薯仔沙律同個豆腐都好好食。可惜唔知要預訂個「大得驚人牛小排」。下次叫啦！不得不提service都好好，好有禮貌又幫你燒埋，好開心🥳 。

既然自己咁鐘意食嘢，又咁有要求，我覺得應該多啲同大家開心share！食物價錢平貴都係其次，最重要係值嗰個價錢，好味又食得開心以前無話特別鐘意食燒肉，可能同朋友揀食燒都會選擇韓燒，後來遇上一個嘴刁嘅男朋友，對日本燒肉有種情意結，令我漸漸提起對燒肉的興趣同品質嘅追求。兩次食Futago都係即興，一次成功walk-in，今次就即日訂枱，不過就只有5:30-7pm時段，但其實都好夠時間食，唔會趕，早啲食都無所謂。提提大家，因為Futago枱唔多，想食最好都係提早訂枱，但因為佢地只會係兩個營業時段聽電話，所以要把握時機！第二次來到Futago大阪燒肉，燒肉質素的確保持得好好，服務就一般啦，或者係個別問題，體諒佢地要不斷幫客人燒可能會好攰，燒到麻木哈哈，如果可以多番啲笑容，多番啲同客人嘅交流，可能食嘅過程會再開心啲。